KU KHANGULA KEREKE KUMBE YINDL Normal Print

KU KHANGULA KEREKE KUMBE YINDLO

  Loko nkarhi wu fikile; kereke yi ta rhamba hambi ti kereke tin’wana leswaku vata hlalela antirho lowu wo saseka. akereke yi ta ti lulamisela hi xikhongoto leswaku a Hosi yi rhangela antirho wolowo, ni ku khensa ku pfuniwa ku ko kufika a ku heta ka ntirho wolowo. Loko a nkama wu fikile, nhlengeletano hinkwayo yi ta hlengeletana a handle, nayi yimbelela risimu malungana ni tirho wa kona, kutani Mufundisi a ta rhangela a hlengeletano mahlweni a kongoma nyangweni na ku yimbeleriwa. Loko a fika ku suhi ni nyangwa, a ta dyondza rito ra Hosi malungana ni ku pfula, anga lawa: Huwelelani ka yehovha n’wina hinkwenu vaaki va misava, tirhelani yehova hi ku tsaka loku kulu. Mipfumela leswaku yena yehova i Xikwembu. Hi yena la nga hi yendla, a hi hina, hi tiku ra yena ni ntlhambi lowu awu risaka. Ngenani tinyangweni ta yena hi minkhenso ne makupakupeni ya yena hi tinsimu; n’wi dzuniseni mi vonga a vito ra yena! Hikuva o ni tintswalo, vunene bya yena i bya masiku, ni ku tshembeka ka yena e tinxakeni ta tinxaka.

  Psal.100:1-5.

  Ndzi tsakile loko va te ka mina: ahi yeni ndlwini ya yehova, milenge ya mina yi yimile tinyangweni ta wena yerusalema, Yerusalema, la akiweke, unga muti lowu manyaneke, laha tinxaka ta yehova ti tlhandlukelaka kona hi nawu wa Israel e ku dzunisa e vito ra yehova. Hikuva hi kona ku vekiweke xiluvelo xa ku avanyisa, xiluvelo xa yindlo ya Davida. Kombelani ku rhula ka Yerusalema lava ku rhandza, lava ava tshame ku rhuleni, kurhula aku ve ndzeni ka rirhangu ra wena, ni ku etlela ka tiko e Tindlwini ta wena ta vuhosi hikwalaho kava makweru ni va nakulori ndzi navela ku rula ka wena. Hikwalaho ka yindlo ya yehova Xikwembu xa hina ndzi ta lava vunene bya wena.

  Psal.122:1-9 Loko mufundisi a hetile ku dyondza a ta khongela kutani a pfula loko a hetile.

  Loko va ngena xikarhi ka kereke kumbe yindlo

  Kuta khensiwa Xikwembu hinkwavo lava va ngeneke, ndzaku ku ngeniwa mitirweni yin’wana yaku tlangela ni ku khensa eka lava nga ta komberiwa ku khensa antirho lowo, ni ku fakaza ni ku komba tinhenha leti ti pfuneke swinene hi mitirho yaku aka.

  CONFERÊNCIA AKEREKENI

  Swa fanela kuva kona a conferência, loko yinga ri kona. a kereke yoleyo yi dyumiwile hi nala, yena ata yendla leswi a swi rhandzaka na va nga voni ntxumu. A conferência yi pfula mahlo ya hinkwavo leswaku va vona leswi va swi yendleke lembe hinkwaro. Hikuva loko swi nga ri tano, munhu yelweyo ata ngena a ndzingweni, ayi tira hi mukhuva yinga tsakisi vanhu. Conferência I xikalo lexi kalaka ku famba ka ntirho wa hosi: wa famba kumbe awu fambi. Loko xikalo lexi xingari kona a kerekeni yoleyo, swiri yona yingungumela a xinyamini. Ku fana ni leswi a kereke yi ahluriweke hi mintsindza minharu, na tona ti conferência tifanele kuva tinharu:

  1. Local conferência.

  2. Districto conferência.

  3. General conferência.

  LOCAL CONFERÊNCIA,

  Hi yona yo sungula ku ti lulamisela ku hlanganisa va secretario na va Tesoureiro ni madoda (Vogal) ku kamba leswi antiro wu fambisaka xiswona: timale leti ti ngeneke lembe leri, Timale leti tirisiweke, Vanhu lava ngeneke lembe leri, vanhu lava tlheleleke ndzaku lembe leri, timali leti humeke ku hakela vatirhi va kereke, va fundisi lava totiweke, mintiro leyi yi pfuriweke lembe leri. Lani ka conferência, hi ta vona ku luza ka hina ni ku humelela ka hina. A conferência yi fanele ku lulamisiwa hi vanhu lava va tivaka antiro wolowo, lava va tsembekeke, lava va teleke moya wo kwentsima, leswaku va ta tira kwatsi antiro. A conferência yi tirisa siku ni siku, xilo xinwana lexi humelelaka ku laveka u registara leswaku swinga ku karati sikwini ra conferência. Loko a igreja local yi yendla a conferência local, yi lulamisela a ku rambiwa ka conferência Distrital, leswaku loko yi fika yi kuma na a conferência local yi lulamile.

  CONFERÊNCIA DISTRITAL

  Loko ku fikile a nkama, yona yi ta ramba a ma kereke ya tindawu, leswaku ma hlangana, akuve ma ta nyikela a mintiro ya wona leswaku yiya antsindza ka vona anga geral.

  CONFERÊNCIA GERAL.

  Nayona loko ku fika ankama yi rhamba ama Districto leswaku ma hlanganisa mitiro ya wona, leswaku ku tiviwa hinkwaswo leswi swi yendliweke ka kereke Hinkwayo. Loko swi amukeriwile, se a Geral yi ta swi hlayisa nayona, nayi rindzela xirambu lexikulo, lexi xi hlanganisaka ma kereke hinkwawo ya matiko leswaku ku ta tiviwa leswi swi yendlekeke kerekeni hinkwayo lembe lero. Xana a kereke ya wena ya tiviwa mintiro ya yona ke? Kumbe I kereke leyi yi tumbeleke, yinga tiviwiki? Yona a conference yikona ke?

  CONFERÊNCIA GERAL A CONFERÊNCIA GERAL YI VUMBIWA HI LAVA:

  1. Supertendente Geral…..Vince.

  2. Secretario Geral…..Vince.

  3. Tesoureiro Geral……Vince.

HI YIHI MINTIRO YA VONA? SUPERTENDENTE GERAL.

  Supertendente Geral hi yena Murangeli nkulu wa kereke ya tiko lero, wa fanela ku yingisiwa hi kereke hinkwayo hikuva a ku yingisa yena ku yingisa a ku hlawula ka Xikwembu xinga nwi hlawula. Hi yena a fanelaka ku rangela tinhlengeletano hinkwato, hi yena mutsemi wa timhaka ta huvu, hi yena maavanyisi wa timhaka hinkwato. Swi va swi bihile swinene kunyika unwana leswaku a ve na matimba henhla ka hlengeletano hi tsika loyi hi nyikiweke hi Xkwembu. Timhaka hinkwato leti nga ta ta ka tindawu leti ti hambaneke ti fanele ku avanyisiwa ha yena. Kuwonheka ka ntiro ni ku lulama ka wona swi lumba yena, hi lani ku voniwaka ku swikota ka yena ni ku tsandzeka ka yena. Loko Superitente Geral anga ri kona, loyi a tamelaka xitshamu xa yena I Vince wa yena, hi yena a pfalaka ndawu ya yena.

SECRETARIO GERAL

  Secretario Geral hi loyi a hlawuriweke a tsala timhaka hinkwato ta kereke a tirisana na Supertendete, timhaka hinkwato ta kereke Supertendete a vutisa ka yena, hi yena a mutameri wa tibuku ta timhaka ta kereke; timale leti tinga na va Tesoureiro ku vutisiwa ka yena.

2 Sam. 8:17; 2 Tih. 18:18: Ezra 7:6; Neh. 8:1 Ester 3:12; Mar. 12:38; Luk. 5:21; Lk. 20:46.

  Secretario a ni tiro wo kamba timhaka hinkwato ta kereke. Hi yena loyi a sinaraka leswi swi tsariweke hi Superitendete ni ku sinariwa hi yena. Na yena ana Vince kumbe mupfuni loko anga ri kona hi yena mupfuni loyi a tamelaka antiro wa yena wa ku tsala ni ku hlayisa tibuku anga timhaka ta kereke.

TESOUREIRO GERAL.

  Hi yena loyi a hlayisaka timhale ta kereke; loko ti laviwa hi Superitendete kumbe hi huvu ya vakulukumba, va vutisa Secretario, kutani Secretario a hlamula timale leti ti hlayisiweke leti ati nyikeke Tesoureiro leswaku a nwi nyike a male yo kari, loko yi laviwa yi taya tekiwa ku tira mitiro ya kereke.

2 Tih. 22:1-20.

  Na yena, ana mupfuni wa yena, loyi a tirisakanaka nayena.

  Madoda ya huvu (Vogais). - Madoda lawa ma fanela kuva ntlhanu na manharu (8) na kunga vuriwi ni lava se va tsariweke, lava vanga ta pfuna ku kamba timhaka ta kereke.

  

N.B. Madoda hinkwawo lawa ma vuriweke, mani tiro wa ku kamba a timhaka kama unwana

  ni unwana loko swi kombeleka; vona vale tirweni hi lava va hlawuriwaka ku tira, loko kuri kona ku hlawula na vona va hlawuriwa.

  VANGENI VA CONFERÊNCIA

  Vafundisi hinkwavo - Swirunwa leswi tameleke ti hlengeletano ta ma Districto -

• - Xirunwa xa va Tatana N.B. Swirhunwa leswi swi ta hi ka ma Districto. Antiro wa Superitendete Geral. Loko va hlangane, hinkwavo lava va rambiweke kuta ngena hlengeletano na vata hi ka ma Districto yo hambana hambana; Superitendente ata pfula a buku a dyondza kusungula, hambi ku byela unwana ku yendla leswo, ndzaku a yisa mahlweni hi ku vutisa ta mafambele ya ntirho. na anga sena vutisa; ata kombela ku dyondziwa ma meneti ya lembe leri hundzeke, dzaku ku kambiwa timhaka ta lembe leri hundzeke leti ti saleke leswaku tiri yini. ndzaku kuta landziwa tinwana anga kufamba ka ntiro xikari ka ma Districto.

  1. Tinhlengeletano ta vampsa.

  2. Tinhegeletano ta va mamana.

  3. Tinhlengeletano ta va tatana.

  4. Tiro wa Escola Dominical.

  5. Swirunwa kufamba va xumayela (Evangelizar).

  6. Vanhu vangani vanga hundzuka ka Districto 7. Lembe leri ku hume timale muni.

  8. Hi rihi Districto leri nga wina matireleni ra rona, xikarhi ka timale, ni ku xumayela kona. Luk. 10:1

KU HLAWULA KA SUPERITENDENTE.

  Lava va ngenaka ku hlawuleni ku fanela ari vanhu la va kuleke swinene kutiveni, masungukati lava voniweke ku va fanela. Hambi ku hlawula ka lava fanelaka ku fuma ta tiko va langutiwa, kuni nawu ka vona. Nakona a kerekeni minga tsuki mi veka lava vanga riki masungukati hikuva va ta hlawula hi mukuva unwana lowu nga tsakisiki Xikwembu. Kusungula a a tira kanjani.

KU HLAWURIWA KA SUPERITENDENTE.

  Lowu i ntiro lowu yendliwaka hi mavoto. Superitendete ata khongerisa kutani ku sunguriwa ku tsariwa swipepana swo hlawula, swa yendleka leswaku loko u vona leswaku yelweyo a a tamerile wa fanela ku simama unga ha nwi hlawula leswaku a yisa mahlweni ni tiro hi mavonele ya wena.

KU NYIKA KA BUKU (PASTA).

  Lowu intiro wa risima, lowu wunga faneriki ku yendliwa hi vu phutunguri, kambe awu yendliwi hi vusungukati, uva lowu voniwaka hi masungukati, ku va kona vusungukati byo laya sikwini lero, rive siku rikulu, ka susiwa swifaniso swi vekiwa bukwini leyi nyiketiwaka ka loyi a nga tamela xitsamu. Siku rero ka dyiwa ka tsakiwa swinene xikari ka madoda lawa mangenaka ni lawa hlalelaka hi ku rambiwa.

  Yox. 1:1-9

KU LAHLA LOYI ANGA PFUMERIKI

  Ku kona a rito leri hlamuseriwaka leswaku loyi anga pfumelangeki anga faneriwi hi ku lahliwa hi nawu wa bibele, swi huma ka rito leri kumiweke ka

  Mat. 8:21-22 .

  Leri ngo tsikani va kufa va lahla va kufa kulobye. A rito leri ari hi byeli leswaku hita tsika vana va hina, Vapsari va hina, kambe ku vuriwa leswaku a hi faneri ku titsakisa hi swa hina.

2 Tim. 2:3

  Ha fanela ku tsika swa hina hi yendla ku rhandza ka Xikwembu. Abrahama a susiwile tikweni ra rikwavo

  Gen. 12. Luk. 9:57

  Hosi Yesu a kombisa hi Muti hi leswi yena anga riki na muti, leswo ahi faneli ku tsika miti ya hina hikuva anga hi byeli leswo, Yesu a swi randza swinene leswaku hi hlayisa miti ya hina. lahla mamana wa wena unga nwi tsiki; u hanye na yena, u pfunane na yena, se uri Xikwembu axi nwi rhandzi? Nwi lahle, ku lahla ni ku pfumela swi hambene.

  Wa fanela ku lahliwa hi rito ra Xikwembu, hi kuva Xikwembu xi nwi humese tsurini, wena utivaka leswo nwi phinderise kona hi rito ra Hosi, kombisa lirandzu ra Xikwembu ku ko kuva makumu ya votomi bya yena.

  Luk. 9.57-60,62.

  Xana leswi mi lahlaka tihosi ni lava pfundzeke ava yo pfumela vona? Lahla unga fihli ku rhandza ka Xikwembu, inkama wo tivisa ka xitsungu va tiva leswaku loko anga pfumelanga, anga na vutomi hi siku ra makumu. Xikwembu axi nwi tsikaka ku ya fika makumu ya vutomi ya yena. Leswi anga humesiwa ntsurini hi Xikwembu a tlherisiwa kona hi xona.

NAWU MAYELANA NI KUFA

  Loko Mufundisi a amukela Xitiviso xa kufa ka unwana wava kriste va kereke ya yena o fanela ku hantla aya kona kuva yendla antiro wu fanelaka kutirisiwa xiswona ka tinxaka ta mufi. Na vona va kriste va fanela ku kumeka kusuhi kuta singata vaferiwa, va xisati hambi va xinuna, aswi ringani ku humelela ka Mufundisi; leswo aswi ringanaka, ahi yeni kona kusuhi.

  LOKO MUFI A FELE HOSPITAL (Casa mortual).

  Loko siku ri fikile roya lahla, Mufundisi Ata ambala swiyambalo swa xitxavo, swi nga ri swa tingana, a famba ni vakulukumba va xinuna ni va xisati, ni votala va kereke loko swinga yendleka ni tinxaka ta kona leswaku kuya endliwa xikhongoto xo humesa mufi kuya simitela. Loko hi pfuleriwa ku ngena, kuta komberiwa ku sungula a kurula, vanhu va tiyisela. Mufundisi ata va na nkozo yo koma swinene na a tiva leswaku vanwana va kona va rindzeke ku ngena ka xivandla xoxi ku humesa vanwana, swa biha ku heta a nkama kona hi munhu wa hina.

TINDZIMANA LETI FANELAKA KU HLAWURIWA.

  Psal. 27:5; Hlav. 21.4; 2Kor. 5:1-8; Filp. 1:23; Joh. 14:2; Hlav. 14:13; 2 Tim. 4:6-7; Psal. 116:15.

  Mufundisi ata hlawula yinwe kunga ri hinkwato.

  LOKO MUFI A FELA KAYA

  Loko akama wu fikile, kereke yi hlangana a kerekeni, ku yimbeleriwa tinsimu ta mahlomulo, vakulukumba vata ya teka a mufi a ndlwini ya yena vata nayena kerekeni; loko a fika, Mufundisi ata yimisa a hlengeletani, yena aya hlangana na tsumbu.

  Ata va a dyondza a marito lawa: Yesu aku: hi mina ku pfuka ni vutomi, la pfumelaka ka mina hambi a file o ta hanya.

  Unwana ni unwana la hanyaka ava a pfumela ka mina anga ka anga fi.

  Joh. 11:25-26.

  Bokisi ri ta vekiwa hi xitxavo mahlweni ka xiluvelo, Mufundisi ata tira ti nkozo ta yena hi ku hantlisa hikuva aka hari na ntiro unwana a simitela. Ndzaku ka tinkozo ta yena kuta pfuriwa bokiso leswaku avoniwa, ndzaku ri pfariwa leswaku ku fambiwa a simitela.

  LOKO KU FIKIWA SIMITELA Mufundisi ata khongela loko va veke a tsumbu kusuhi ni sira, loko a khongerile ata dyondza marito lawa:

  Maswivo, ndza mi byela xihundla: hinga ka hinga etleri hinkwero, kambe hi ta hundzuka hinkweru; hinkari lowu fanaka ni ku tsopeta ka tihlo, hi mhalamhala ya makumu: hi kuva mhalamhala yi ta biwa, ku tani vafi va ta pfuka, vari lava nga ha boriki, na hina hi ta hundzuka. Hikuva swa fanela leswaku miri wa ku bola wu funingetiwa hi lowu nga borikini miri wolowu faka wu ta funingela lowu nga fiki, hi kona marito lawa matsariweke ma nga ta hetiseka, lama nga te: rifu ri mitiwile hiku hlula. Wena rifu ndzombo wa wena wu kwihi ke? Wena rifu, ku hlula ka wena ku kwihi ke? Ndzombo wa rifu i xidyoho, ku tani matimba ya xidyoho i nawu. Ahi khenseni xikwembu, lexi hi nyikeke ku hlula hi hosi ya hina Yesu Kriste. Hikokwalaho, va makwero lava randziwaka, tiyani swinene, miri kari mi tiva leswaku mintiro ya nwina yi nga ka yi nga hundzuki swa hava e Hosini.

  1 Kor.15:51-58.

  Loko u swi randza unga dyondza tindzimana leti:

  Unga txavi ndzi na wena, unga tsuki hi kuva ndzi Xikwembu xa wena, ndza ku tiyisa, ndza ku

  Esaya 41:10

  lwela, ndza ku lwela hi voko ra mina ra xinene leri hlulaka. Oho Yehova, a wuri xitsavelo xa mina etinxakeni ta tinxaka, loko tintsava tinga se tumbuluka, loko unga sena vumba misava ni swilo hinkwaswo, hi minkari ni minkari u Xikwembu. U tlerisa vanhu e ntsurini uku tlhelani nwina vana va vanhu. Hikuva khume ra madzana ya malembe e mahlweni ka wena ma fana ni siku ratolo, loko ri hundzile ni lavelelo ya vusiku.

  Psal. 90:1-4.

  Loyi a tsamaka xihundleni xa loyi anga henhla, o wisa e ndzutini wa muhloti, ni lentsungwini lowu herisaka. O taku funengeta hi tinsiva ta yena, uta kuma xisirelo e hansi ka timpapa ta yena, vunene bya yena I xitlhangu ni hlungula.

  Psal. 91:1-4.

  Ahi khenseni Xikwembu lexi hi nyikeke ku hlula hi Hosi ya hina Yesu kriste, hi kwalaho va makwero lava randzekaka, tiyani swinene, minga tsekatsekeni, mi tirela Hosi hi masiku, mi ri kari mi swi tiva leswaku mitiro ya nwina yinga ka yi nga hundzuki swa hava e Hosini.

  1 Kor. 15:57-58 .

  Loko Mufundisi a hete ku dyondza rito a ta khongela, loko a hetile ku ta vitaniwa tinxaka kusungula ku ta vona mufi, ndzaku vafundisi, se ku landzela vanwana. Loko ku voniwile, bokisi ri ta pfariwa, bokisi ri ngenisiwa nsaveni. Mufundisi uta amukela a musava kutani ayi txela sireni na a vula marito lawa: Kufana ni leswi Xikwembu xa mitamu hinkwayo, xi suseke e tikweni muhefemulu wa makweru wa hina, ha veka a tsumbu wa yena misaveni, e nsava misaveni, nkuma e nkumeni, ni ntsuri e ntsurini, na hi langutela a ku pfuka ka vafi hinkwavo hi siku ra makumu, ni ku hanya ka tiko leri taka hi Hosi ya hina Yesu Kriste, loyi anga tata hi nkari wa vumbirivukosini e ku ta avanyisa matiko, pfuka ka vafi hinkwavo hi siku ra makumu, ni ku hanya ka tiko leri taka hi Hosi ya hina Yesu Kriste, loyi anga tata hi nkari wa vumbirivukosini e ku ta avanyisa matiko, misava ni lwandle swi ta humesa vafi va swona ni miri yaku bola ya lava yetleleke ka yena, mi ta hundzuluxiwa yi kota miri wa yena wa wuhosi hi ku tira ka mitamu ya yena kufana ni leswi a swi kotaka kuveka swilo hinkwaswo e hansi ka milenge ya yena. Kutani ndzi twa rito leri humaka e tilweni riku: tsala, ku katekile vafi la’va felaka Hosini kusungula sweswi, moya wuri: ina, leswaku va phyuphya e mitirweni ya vona, hikuva mitiro ya vona ya va landzela:

  Hlav. 14:13.

  Ndzaku ka leswo ku seleteriwa, ndzaku Mufundisi a khongela, ku byariwa swiluva.

  KU LAHLA A VANA

  E nkarini wolowo, vadyondzisiwa vata ka Yesu vaku: lonkulu e ku fumeni ka Xikwembu i mani xana? Yesu a vitana nwana a nwi veka xikari kavona aku: Ndzi vurisile ndzi ri ka nwaina: Loko minga hundzuki ku fana ni vana minga ka minga ngeni ku fumeni ka matilo. Tivoneleni, mi nga tshuki mi sivela unwana wa lavatsongo hikuva ndzi ri ka nwina, tintsumi ta vona matilweni ti languta hi masiku e mombo wa tata lange matilweni.

  Mat. 18:1-3,10.

  Kutani atiseriwa vana leswaku ava khumba, kambe vadyondzisiwa va tshinya lava vavatisaka. Yesu a swi vona, a kariha aku ka vona: Tsikani vana vata ka mina mi nga tsuki mi va sivela hikuva akufuma ka matilo i ka lava va fanaka na vona. Ndzi tiyisile, ndzi tiyisile ndzi ri ka nwina: unwana loyi anga amukeriki kufuma ka Xikwembu tani hi nwana, anga ka anga ngeni kona. Kute loko ava vukarile, ava tlandleka mavoko, ava katekisa

  Mark. 10:13-16

  Yehova a vula aku: huwa yi twakele a rama aku rila ni minkonsi yo vavisa; i Rahel loyi a rilelaka vana va yena, wa ala ku txhaveleriwa matshanwini ya vana va yena, hi kuva ava hari kona. Ku vula Yehova, miyeta a rito ra wena, unga rili, ni mahlo ya wena manga halati mihloti, hikuva mitiro ya yena yi ta va na hakelo, kuvula Yehova, vana va vuyela mindzilakanwini ya vona.

  Jer. 31:15-16.

  Ku katekile lava rilaka hi kuva vata txhaveleriwa.

  Mat. 5:4.

  

Loko Mufundisi a heta ku dyondza ata khongela, kutani kuta nyikiwa nkama

ku vinyi wa nwana, ndzaku a vekiwa sireni. Mufundisi ata nusa misava hi voko ra yena ra xinene, a vula marito lawa.

  Leswi xikwembu xa ntamu hinkwawo xi suseke e tikweni a muhefemulu wa nwana wa hina, ha veka a ntsumbu wa yena misaveni, e nsava ka misava e nkuma ka kuma, e ntsuri a ntsurini, na hi langutela kupfuka ka vafi hinkwavo hi siku ra makumu, ni ku hanya ka tiko leri ritaka hi Hosi ya hina Yesu Kriste, loyi anga tata hi nkari wa vumbiri vukosini bya yena. Xikwembu Tatana, Xikwembu nwana, Xikwembu Moya wo kwetsima aswi ve nawena. Amen

  NAWU MAYELANI NI KU TEKANA Vukati I nyiko ya xikwembu leyi xi yi lungiseleke a munhu loyi xi nwi tumbuluxeke.

  Mani na mani swa fanela ku tiva lani yi taka ha kona, ni munyiki wa ku tekana. Ku rhandza ka xikwembu hi leswaku vukati byive lebyi baseke, lebyi pfumalaka xixandzu ka xikwembu ni ka vanhu. Ku ni khombo lerikulu loko lava vutaneke vanga hlayisi vukati bya vona. Ku yendzelana loko kunga riki hi nawu wa kereke ni va tswari. Leswo swi khomisile tingana e ka tindawu total aka ma kereke yotala nile mitini ya risima. Hayini xana? Hi leswi a dyaha kumbe a tombi anga landzangiki milawu ya kereke hambi ya vatswari. Xana rili yini a rito ra xikwembu. A hi rona leri nge: nwananga yingisa vutlari bya mina, urihela tidyondzo ta mina e ndleve, leswaku u tihlayisela mano.

  Prov.5.1, 2.

  Loko u vutiwile, kumbe ku vuta, hlayisa a nawu wa kereke ni wa vatswari. Lani kunga kona vumunhu, lani byi tiviwaka kona hi kola. A timhaka ta tingana tikumiwa ka vantswa lava vanga pfumelangiki, vantswa va matiko. Muntswa wa mukriste ni wa matiko va hambene kule hikuva mintiro ya vona yi hambene.

  Efe.4:24.

  Hikona unga swikotaka ku hlawula. A nawu wa hosi awu pfumeri leswaku loyi a pfumeleke a hlanganisiwa ni loyi anga pfumeriki hi ku tekana, hikuva aku kona ku hlangana ni lavanga pfumeriki. A hi rwali ampingu unwe na vona 2 Kor.6:14-18; Job 39:9-12.

  Loko mufundisi a amukela muchado lowu, a a tive leswaku vatswari ni vuhosi swi amukerile loko anga tivanga leswo anga na fanelo yaku wu amukela leswaku wu chatiwa. Mufundisi wa fanela ku hlola swinene leswaku wu amukeriwile ka fumu ni le ka vatswari. Hi lani u tivaka ha kona leswaku loko munhu a hlanganisiwa hi ku tekana, aka ha ri kona ku tsikana, sweswo swi hi yendla hingena timhakeni to nononwa leti hi nga ha ti kotiki ku ti lulamisa. Va chadisiwa vanhu vanga vupfanga ka leswi va swiyendlaka na swiyendliwa hi ku kala ku tiva ka xikwembu.

  A xa vumbiri aswi laveki aku amukela ava khomi (Padrinhos) lava va nga pfumelangiki, hi swona hi nga longoloka ka timale ni swinwana, kambe hi ta hambana ka tlelo ra vukriste; hikuva padrinho ahi mukriste. Ku laya ka yena, anga humelela loko padrinho ari mukriste, ata teka bibele va layana, a twisisa hikuva vona va kriste hinkwavo. Ndza vitaniwile siku rinwana hi makweru unwana wa vakulukumba va kereke ya Eslamico, loko ndzi twile, timkaka ta kona ndzi vonile leswaku ingi tivevukile hi ta tiheta hi bibele, ndzi pfurile a bukwini ya vaheberu ku lava ku dyondza, lano ndzi yo tshivela ndzilo, aku ka mina Yesu Kriste ahi chumu. Se wa vona lani timhaka ti qakaka kona, ango arisela, o kala anga nwi tivi Yesu, yena a tiva unwana loyi namina nga nwi tiviki. Aswi sasekanga kuva na va padrinho lava nga pfumeriki ka yesu. Hambi ka ti kereke kuni leti hanyanka mahanyelo manwana, lawa hi nga ma tolovelangiki. Loko u lava a padrinho unga ti tchuveki hi ku tiva leswaku lwiya a ta ku fambisa kwhatsi ka muchado wa wena, ina kambe tiva leswaku kuni lani muchado wa wena unga ta fasa, unga ha tivi xo yendla.

  LOKO MUCHATO WU NGENA A KEREKENI

  Kereke yi ta yima yi amukela amuchato, loko se va ngenile, na va ha yimile, mufundisi ata yimba risimu kutani ku khongela, ndzaku ku tshamiwa hansi. Ku komberiwa va tswari va ntombi va nyiketa nwana wa vone, ni vatswari va dyaha ku khensa nyiko. Marito yaku laya.

  Gen.2:18, 21-24.

  Kutani jehova xikwembu aku: aswi sasekanga loko munhu a tshama ari swakwe; ndzi ta nwi yendlela nakulori loyi afanaka na yeka. Kutani yehova a yetlerisa munhu hi vurhongo lebyi kulu, kutani munhu ati Yetlelela; kutani ateka rimbambu rinwana eka yena, a tlherisa nyama ematswanweni ya rona. Kutani Jehova Xikwembu a yendla wansati hi rimbambu leri ari tekeke ka munhu, ari tis aka munhu. Kutani munhu aku: sweswi, yeloyi I rhambu ra marhambu ya mina; leloyi uta tchiwa wansati kikuva o tekiwile ka wanuna. Hikwalaho ke, wanuna o ta siya tata wakwe ni mana wakwe, o ta namarela e santi wa yena, vata yendla nyama yiri yinwe.

  Efesa 5:22-23.

  Nwina vavasati, yingisani vanuna va nwina ku kotisa loko mi yingisa a Hosi; hikuva nuna I hloko ya wansati, ku kotisa leswi kriste nayena anga hloko ya kereke, yena anga mukutsuri wa miri; kutani ku kotisa leswi kereke yi yingiseke kriste, vavasati navona ava yingise nanuna va vona e timhakeni hinkwato. Nwina, vavanuna rhandzani vasati vanwina kukotisa loko kriste nayena a rhandzike a kereke, kutani a tinyikete rifu hikwalaho ka yona leswaku ayi kwetsimisa, loko ayi basisile hi kuyi khuvula hi mati ni hi rito ra yena, ata ti yimisela yona e mahlweni ka yena, yiri kereke leyo kwetsims, leyi ngs riki na xivati ni mikonya, ni loko xiri xa nchumu lexi, fanaka naxona; kambe yiri leyi nga riki na xixandzu. Hi mukhuva wolowo, vavanuna va fanela ku rhandza vasati va vona, ku kotisa miri wa vona hikuva aku seva na munhu loyi a vengaka a nyama ya yena, ni siku ra rinwe, kambe way i fihluta, way i kufumeta, hi laha nayena kriste a yendlelaka a kereke ya yena ha kona, hikuva hina hi swirho swa yena, leswi hi nga nyama ya yena ni marhambu ya yena, hinwalaho ke, wanuna ota sukela tata wa yena ni mana wa yena, a namarela a nsati wa yena, kutani hi vumbirhi bya

  vona, yi ta va nyama yiri yinwe. Xihundla lexi xi kurile, ndzi vulavurisa sweswo, unwana ni unwana a a rhandze santi wa yena, ku kotisa loko ati randza, kutani wansati nayena a a ve ni xichavo e ka nuna wa yena.

  KUKATEKISA MUCHATO Nb. Mufundisi ata nyimisa vatekani, kutani a ta vula marito law aka nhlengeletano:

  Va rhandziwa, hi hlanganile lani mahlweni ka xikwembu, ni le mahlweni ka leti timbhoni e kuta hlanganisa loyi wa dyaha ni loyi wa nwanyana hi ku tekana loko basa, la’ma kunga mahanyelo lama khensiwaka, la’ma yimisiweke hi xikwembu na vanhu nava nga sena dyoha, leswo na swi komba ku hlangana ka kriste na kereke ya yena. Antiro lowu awu khensile, a kombisa leswaku wu sasekile hi kuya amuchatweni ni xihlamariso xa yena xo sungula lexi anga xi yendla a kama wa Galelia, na yena Paulo mu apostolo a wu khensile, wu sasekile e ka hinkwavo. Hikwalaho awu faneriwi ku endliwa hi matloti, kambe ku yendliwa hi xichavo, ni ku pima loku endliwaka hi ku khongela, ni ku tihlola, ni ku chava xikwembu. Lava vanhu va tile ku ta katekisiwa hi ku kateka ko basa, loko ari kona loyi ativaka nandzu lowu nga va arisaka ku katekisiwa hi nawu a avule sweswi, loko a miyela a amiyele na swona hi laha kunga heriki.

MUFUNDISI ATA KONGOMA VATEKANA

  Ndza mi luleka nwina va tekana ku fana ni leswi mi nga ta tihlamulela hi siku lerikulu ro chavisa lani mifihlakalo hinkwayo ya timbilu yi nga ta huma rivaleni, loko unwe ari kona xikarhi ka nwina loui a tivaka nchumu lowu nga mialelaka ku hlanganisiwa hi nawu wa xikwembu a a vule sweswi, na mi tiva leswaku lava hlanganisiwaka hi ndlela yinwana yinga riki ya xikwembu, a va hlanganisiwanga hi yena, ni ku hlangana ka vona a hi ka nawu wa xikwembu.

  MUFUNDISI A TA VUTISA DYAHA x……………………………………………………………. wa nwi teka

x…………………………………………..……. kuva santi wa wena, u tshama nayena hi nawu wa

  xikwembu ka mahanyelo yo kwentsima yaku tekana xana? Uta nwi rhandza, u va ni xichavo na yena, u nwi hlayisa, hambi a vabya ni loko a hanya. U ta tsika hinkwavo vavasati u ti hlayisela yena yexe kuko kuva makumu ya vutomi bya nwina xana? INA NDZI TA SWI YENDLA.

MUFUNDISI ATA VUTISA WA NWANYANA

  x………………………………………………….………… wa nwi teka x………………………………………………….…………… kuva nuna

  wa wena, u tsama na yena hi nawu wa xikwembu ka mahanyelo yo kwentsima yaku tekana xana? Uta nwi rhandza, u va ni xichavo na yena, u nwi hlayisa, hambi a vabya ni loko a hanya. U ta tsika hinkwavo vavanuna u ti hlayisela yena yexe kuko kuva makumu ya vutomi bya nwina xana?

  INA NDZI TA SWI YENDLA. SWINGWAVILA SWI TA VEKIWA MEZENI

  Loko xingwavila xi vekiwile a tafuleni, Dyaha ri ta xi teka, ri ngenisa rintiwheni ra nwanyana na ri landzela marito ya Mufundisi anga lawa: Xingwavila lexi ndzi ku nyikaka namuntla; ha xona I nfungu wo tiyisa mahlweni ka hlengeletano ni ka Xikwembu, leswaku uva santi wa mina, ndzi ta ku rhandza, ndzi ku hlayisa kuko kuva makumu ya vutomi bya hina. Nayena nwanyana o ta teka xingwavila a tafuleni leswaku a xi ngenisa rintiwheni ra dyaha, na a landzelela marito lawa: Xingwavila lexi ndzi ku nyikaka namuntla; ha xona I nfungu wo tiyisa mahlweni ka hlengeletano ni ka Xikwembu, leswaku uva nuna wa mina, ndzi ta ku rhandza, ndzi ku hlayisa kuko kuva makumu ya vutomi bya hina.

  MUFUNDISI ATA KHONGELELA VATEKANI NAVA KHINSAMILE HAMBI VA YIMILE

  Xikwembu tatana, xikwembu nwana, xikwembu moya wo kwentsina, a xi katekise, xi mi hlayisa e ndyangweni wa nwina, xi katekisa ni vana lava xinga ta mi nyika vona, xi yingisa mikhongelo ya nwina loko mi huwelela ka xona, xi katekisa hi mi kateko hinkwayo, hi tintswalo ta moya wo kwentsima leswaku kuva ku tsaka ni ku khensa mahlweni ka xikwembu tatana.

XIKATEKISO XO HETELELA

  VATEKANI VATA HLANGANISA MAVOKO YA VONA, NAYENA A KHOMA MAVOKO YA VONA A VULA MARITO LAWA: Lava hlanganisiweke hi hosi, ava na ku ahlukanisiwa hi munhu hikuva x……………………....na x…….….…………….va pfumeleleke ku katekisiwa ko kwentsima va pfumerile leswo mahlweni ka vanhu va tsembisa ku yingisa kavoni unwe ni unwana hi ku hlanganisa mavoko ya vona. Hikwalaho vona I nuna ni nsati swinwe, hi vito ra tatana ni ra nwana ni ra moya wo kwentsima. Amen…

  NDZHAKU, KU TISIWA BUKU YO HLAMBANYA 1. Vatekani va hlambanya.

  2. Tifakazi ti hlambanya.

  3. Mufundisi a hlambanya Ku landzela mintirho yinwana…………….