Resmi Putri Utami, 2015 TRADISI SENI PENCA SILAT ORAY DI PAGURON SINAR RAKSA MUDA KECAMATAN SAMARANG,
KABUPATEN GARUT Universitas Pendidikan Indonesia
| repository.upi.edu
| perpustakaan.upi.edu
3.4 Analisis Data
Nurutkeun Bogdan dina Sugiono, 2009, kc.88 analisis data nyaéta prosés néangan sarta nyusun sacara sistematis hasil data wawancara, catetan lapangan,
jeung bahan-bahan séjén, sangkan gampang dicangkem, sarta pamanggihna bisa diinformasikeun ka batur. Sanggeus data dikumpulkeun, tuluy diolah ngaliwatan
léngkah-léngkah saperti ieu di handap 1
Niténan data anu dikumpulkeun ngaliwatan studi pustaka, obsérvasi, wawancara, jeung dokuméntasi;
2 Nyieun transkrip rékaman;
3 Ngacék sasaruaan jeung bédana data-data anu geus kakumpulkeun, sarta
nyieun papasingan data ngaliwatan obsérvasi, wawancara jeung dokuméntasi;
4 Nganalisis data;
5 Ngadéskripsikeun data;
6 Napsirkeun data, jeung;
7 Nyieun kacindekan.
Resmi Putri Utami, 2015 TRADISI SENI PENCA SILAT ORAY DI PAGURON SINAR RAKSA MUDA KECAMATAN SAMARANG,
KABUPATEN GARUT Universitas Pendidikan Indonesia
| repository.upi.edu
| perpustakaan.upi.edu
BAB V KACINDEKAN JEUNG REKOMENDASI
5.1 Kacindekan
Panalungtikan tradisi seni penca silat oray di paguron Sinar Raksa Muda di Kecamatan Samarang, Kabupatén Garut ngawengku asal-usul jeung kamekaran
tradisi seni penca silat oray, prak-prakan anu aya tradisi seni penca silat oray, properti, waditra, pakéan anu dipaké dina tradisi seni penca silat oray, jeung
ngeunaan parobahaan anu aya dina tradisi seni penca silat oray. Di paguron Sinar Raksa Muda tadina mah seni penca silat biasa jeung
kasenian réog oray. Ayeuna mah geus jadi tradisi menca silatna maké oray. Lantaran properti anu dipakéna oray, hal éta anu ngabédakeun jeung seni penca
silat anu séjén. Ayeuna geus katelah yén seni penca silat oray téh ti paguron Sinar Raksa Muda Kecamatan Samarang, Kabupatén Garut. Pa Kiri téh pupuhu réog
oray, anu boga akal menca silat maké oray. Anu mimiti mintonkeun penca silat oray nyaéta Abah Engkun.
Dina tradisi seni penca silat oray aya prak-prakan latihan seni penca silat oray, ngala oray, jeung ngaleupaskeun deui oray ka alam. Prak-prakan anu aya
dina tradisi seni penca silat oray jaman kiwari geus euweuh ritual husus, siga jaman bihari anu ngagunakeun menyan jeung sasajén pikeun ngadua. Dina prak-
prakan jaman kiwari henteu matok sagemblengna kudu saluyu jeung tradisi jaman bihari.
Katitén dina properti, waditra jeung pakéan dina seni penca silat oray di paguron Sinar Raksa Muda bédana jeung jaman bihari. Tadina mah menca silatna
teu maké properti, kiwari mah maké properti oray. Waditra anu dipaké dina tradisi penca silat oray teu saukur waditra anu aya dina kendang penca hungkul, tapi
katambahan ku waditra tina réog oray, nyaéta angklung jeung dogdog. Pakéan anu dipaké dina tradisi seni penca silat oray nyaéta pakéan pangsi jeung pakéan
rarawisan siga urang Dayak. Pakéan pangsi ilaharna sarua jeung anu dipaké dina penca silat séjén. Jaman kiwari anu maké pangsi, sok ditambahan maké kantong
