Yokeu Darisman, 2015 ANALISIS NASKAH DRAMA SADRAH KARYA NAZARUDIN AZHAR TILIKAN SÉMIOTIK
Universitas Pendidikan Indonesia
| repository.upi.edu
| perpustakaan.upi.edu
1.4.2 Mangpaat Praktis
Mangpaat anu dipiharep dina ieu panalungtikan sacara praktis nya éta: a.
Pikeun méré informasi yén naskah drama bisa diulik tina jihat sastrana, teu saukur tina jihat pintonanana.
b. Méré informasi ngeunaanan analisis karya sastra wangun naskah drama
dumasar kana struktur pangwangunna. c.
Pikeun méré gambaran ngeunaan analisis karya sastra naskah drama kalawan ngagunakeun ulikan sémiotik.
1.5 Wangenan Operasional
Istilah-istilah nu perlu dipedar dina ieu panalungtikan nyaéta: 1.
Naskah drama nya éta karangan sastra anu midangkeun carita atawa lalakon ku dialog, digarap pikeun dijieun hiji pintonan.
2. Analisis sémiotik nya éta panalungtikan anu nyoko kana tanda-tanda anu
nyampak dina karya sastra kalayan pedaran anu jero tur sistematis. 3.
Sadrah nyaéta judul naskah drama basa Sunda nu dikarang ku Nazarudin Azhar.
1.6 Anggapan Dasar
Anggapan dasar nyaéta asumsi nu jadi cecepengan dina sakabéh sawangan tina kagiatan kana masalah nu keur disanghareupan Surakhmad dina Sanjani,
2012, kc.8. Ku kituna ieu panalungtikan miboga sababaraha anggapan dasar, nyaéta:
1. Naskah drama Sadrah mangrupa karya sastra.
2. Naskah drama bisa dianalisis unsur-unsur caritana.
1.7 Sistematika Tulisan
BAB I ngawengku kasang tukang, watesan jeung rumusan masalah, tujuan panalungtikan, mangpaat panalungtikan, wangenan operasional, anggapan dasar,
sarta sistematika tulisan. BAB II ngawengku tiori ngeunaan tiori drama jeung tiori sémiotik.
Yokeu Darisman, 2015 ANALISIS NASKAH DRAMA SADRAH KARYA NAZARUDIN AZHAR TILIKAN SÉMIOTIK
Universitas Pendidikan Indonesia
| repository.upi.edu
| perpustakaan.upi.edu
BAB III ngawengku métode panalungtikan, téhnik panalungtikan, jeung sumber data.
BAB IV ngawengku analisis struktur-sémiotik naskah drama Sadrah karya Nazarudin Azhar.
BAB V ngawengku kacindekan jeung saran kana panalungtikan anu geus dilaksanakeun.
Yokeu Darisman, 2015 ANALISIS NASKAH DRAMA SADRAH KARYA NAZARUDIN AZHAR TILIKAN SÉMIOTIK
Universitas Pendidikan Indonesia
| repository.upi.edu
| perpustakaan.upi.edu
BAB III MÉTODE PANALUNGTIKAN
3.1 Métode Panalungtikan
Métode panalungtikan anu digunakeun dina ieu panalungtikan nya éta métode déskriptif analisis. Ieu luyu jeung Ratna 2013, kc.53 anu nétélakeun yén
métode déskriptif analisis téh nya éta métode anu ngadéskripsikeun fakta-fakta anu satuluyna dianalisis.
Prosedur anu bisa dilakonan tina métode déskriptif ngawengku a analisis, b interprétasi, c évaluasi. Éta tilu tahap téh dilakonan kalawan sistematis,
faktual, jeung akurat, luyu jeung puseur masalah anu geus ditetepkeun dina nyanghareupan objék utama panalungtikan Ratna, 2013, kc.53.
3.2 Téhnik Panalungtikan
Téhnik nu digunakeun dina ieu panalungtikan nya éta téhnik ulikan studi pustaka, téhnik analisis, jeung téhnik kartu data.
1 Téhnik Ulikan Studi Pustaka Téhnik Ulikan Studi Pustaka dipatéakeun pikeun ngumpulkeun data atawa
bahan-bahan ku cara macaan sarta neuleuman eusi jeung nalaah sababaraha pustaka anu raket patalina jeung masalah anu rék ditalungtik. Ieu téhnik ogé
pikeun nyangking gambaran tatapakan tiori struktural-sémiotik. 2 Téhnik Analisis
Téhnik analisis data digunakeun pikeun analisis data nu mangrupa struktur naskah drama nu dipatalikeun ma’nana maké kajian sémiotik dina naskah drama
Sadrah. 3 Téhnik Kartu Data
Téhnik Kartu data dipaké dina nganalisis unsur-unsur nu ditéangan sangkan gampang dina ngolah data. Anapon format kartu datana saperti di handap.
