Erin Pebrianti, 2014 Tradisi Ngaseuk D i Kampung Adat Sinar Resmi D esa Sirnaresmi Kecamatan Cisolok
Kabupaten Sukabumi Sebagai Bahan Pembelajaran Membaca Artikel D i SMA Universitas Pendidikan Indonesia
| repository.upi.edu
| perpustakaan.upi.edu
BAB V KACINDEKAN JEUNG SARAN
5.1 Kacindekan
Nilik kana hasil panalungtikan ngeunaan Tradisi Ngaseuk di Kampung Adat Sinar Resmi Désa Siranaresmi Kacamatan Cisolok Kabupatén Sukabumi pikeun
Bahan Pangajaran Maca Artikel di SMA, bisa dicindekkeun yén tradisi ngaseuk mangrupa salasahiji kabudayaan nu hirup kénéh di Tatar Sunda, pernahna di
Kampung Adat Sinar Resmi Désa Sirnaresmi Kacamatan Cisolok Kabupatén Sukabumi. Tujuan diayakeun tradisi ngaseuk, nya éta pikeun ngébréhkeun rasa
hormat ka Sanghyang Asri Nyi Pohaci. Tradisi ngaseuk mangrupa tina tradisi
lisan anu diteruskeun ti generasi ka generasi nu lumangsung kalawan manjang.
Métode nu digunakeun dina ieu panalungtikan nya éta déskripsi pikeun ngadéskripsikeun: 1 tradisi ngaseuk, 2 struktur tradisi ngaseuk, 3 larapna
hasil panalungtikan pikeun bahan pangajaran maca artikel di SMA. Nurutkeun Asep Nugraha, ketua adat di Sinar Resmi, tradisi ngaseuk di
komunitas adat nu diutamakeun téh ngeunaan tatanén hususna melak paré huma, boh di luhur pasir lamping lereng boh di lebak dataran rendah. Tradisi
ngaseuk nya éta melak paré huma nu ayana di darat nu geus dilakukeun sacara turun-tinurun. Disebut ngaseuk sabab mimiti melak paré téh ku kai dicocogkeun
kana taneuh. Éta pakakas téh disebutna aseuk. Ayana tradisi ngaseuk geus lumangsung 433 taun, berarti ieu tradisi nu geus aya di kampung adat Sinar Resmi
ti taun 1581 atawa abad ka 16 M. Tradisi ngaseuk nu aya di kampung adat Sinar Resmi mangrupa kagiatan tatanén di darat huma. Kagiatan tatanén ieu aya
sababaraha tahap nya éta: 1 Saméméh kagiatan lumangsung, kagiatanana aya mabay, narawas, nyacar, ngahuru, ngaduruk, ngerukan, jeung sukuran, 2
Kagiatan inti ngaseuk, nya éta melak paré téh ku kai dicocogkeun kana taneuh. Ieu tradisi dipingpin ku ketua adat nya éta Abah Asép Nugraha, 3 Kagiatan
satuluyna nya éta ngoréd, ngarambas, ngabérak, salametan paré nyirammapag paré
beukah salamet
pangjadian, salamet
ngarawunan, negelmipit,
ngalantaymoé paré, mocong atawa ngaganti tali anu ngabeungkeut paré,
82
Erin Pebrianti, 2014 Tradisi Ngaseuk D i Kampung Adat Sinar Resmi D esa Sirnaresmi Kecamatan Cisolok
Kabupaten Sukabumi Sebagai Bahan Pembelajaran Membaca Artikel D i SMA Universitas Pendidikan Indonesia
| repository.upi.edu
| perpustakaan.upi.edu
ngadiukkeun indung, salamet ngadiukkeun indung, nutu paré, nyangu, zakat, jeung puncakna kagiatan tatanén nya éta sérén taun sukuran babarengan hasil
pertanian nu di pingpin ku ketua adat. Dina hasil panalungtikan kapaluruh struktur dina tradisi ngaseuk nya éta: 1
palaku, 2 pakakas, 3 kasenian, 4 busana, 5 sasajén média, jeung 6 kadaharan. Palaku dina tradisi ngaseuk nya éta sakabéh warga di kampung adat
Sinar Resmi pengikut, dipingpin ku ketua adat, nya éta Abah Asep Nugraha. Dina tradisi ngaseuk aya nu ngaseuk jeung anu ngabinihan; pakakas nu
digunakeun dina tradisi ngaseuk nya éta aseuk, arit, bedog, garpuh, pacul, koréd, jeung étém; kasenian nu dipidangkeun dina tradisi ngaseuk ieu nya éta dogdog
lojor, anu pungsina pikeun mirig tradisi ngaseuk; papakéan nu digunakeun dina tradisi ngaseuk pikeun ketua adat jeung jajaranana nya éta maké baju kamprét
jeung iket.
Tapi, warga
atawa anu
miluan mah
bébas; sasajén nu sok digunakeun dina tradisi ngaseuk nya éta menyan jeung panglay.
Nurutkeun narasumber Abah Asep Nugraha ketua adat Sinar Resmi, menyan jeung panglay ieu sabenerna salaku panghubung ka nu kagungan alam pikeun
ménta kasalametan, jeung kaberkahan; sarta kadaharan nu sok aya dina kagiatan tradisi ngaseuk nya éta bubur sumsum, sangu kabuli, congcot, kuéh dodol
hideung, dapros, kakacangan, kembang goyang, jeung wajit, jeung angeun. Hasil panalungtikan ngeunan tradisi ngaseuk bisa dijadikeun bahan pangajaran
maca artikel di SMA. Ngeunaan hasil atawa henteuna bahan pangajaran maca artikel, gumantung kana téhnik jeung métode nu dipaké ku guruna. Salian ti éta,
guru kudu ngaluyukeun bahan pangajaran jeung kamampuh siswana sorangan sangkan bisa ngahontal tujuan pangajaran nu dimaksud.
