40
Winda Rohayani, 2013
Struktur Instrinstik Dan Struktur Budaya Dina Novel Tanjeur Najuritan Jaya Di Buana Karangan Yoseph Iskandar Pikeun Bahan Pangajaran Apresiasi Sastra Di SMA
Universitas Pendidikan Indonesia |
repository.upi.edu |
perpustakaan.upi.edu
BAB III MÉTODE PANALUNGTIKAN
3.1 Data jeung Sumber Data
Data dina ieu panalungtikan nya éta struktur intrinsik jeung unsur-unsur budaya dina karya sastra Sunda. Lantaran panalungtik ngagunakeun dokuméntasi
anu datana mangrupa dokumén, jadi sumber data nu digunakeun pikeun meunangkeun data basa dina tulisan nya éta dina novel Tanjeur na Juritan Jaya
di Buana karangan Yoséph Iskandar nu diterbitkeun ku Pusat studi Sunda citakan ka-4 taun 2011. Ukuran buku 21 cm x 14 cm. Kandelna nya éta 164 kaca anu
diwangun ku 22 bab. Ieu novél mangrupa séri ka-opat dina runtuyan novél sajarah karajaan Sunda meunang Yoséph Iskandar, sarta novél ieu dilélér Hadiah Sastra
Rancagé taun 1992.
3.2 Desain Panalungtikan
Ieu panalungtikan kaasup kana panalungtikan dasar grounded theory tur maké pamarekan kualitatif. Panalungtikan dasar atawa grounded theory mangrupa
panalungtikan anu miboga tujuan pikeun meunangkeun tiori ngaliwatan data. Pikeun ieu panalungtikan, data mangrupa aspék pangpentingna lantaran
numutkeun ieu panalungtikan mah hiji konsép bisa diwangun ku kumpulan data nu geus dianalisis. Hasil prosés ngumpulkeun sarta nganalisis data mangrupa hiji
tiori. Ari pamarekan kualitatif dina panalungtikan téh nya éta pamarekan anu ngandekeun kana data nu dimeunangkeun sarta nafsirkeun data sacara narasi
atawa ngingkahan cara statistik jeung itungan. Ku kituna, dina ieu panalungtikan dilaksanakeun prosés ngumpulkeun jeung
nganalisis data. Desain dina ieu panalungtikan bisa dibagankeun saperti ieu di handap.
Winda Rohayani, 2013
Struktur Instrinstik Dan Struktur Budaya Dina Novel Tanjeur Najuritan Jaya Di Buana Karangan Yoseph Iskandar Pikeun Bahan Pangajaran Apresiasi Sastra Di SMA
Universitas Pendidikan Indonesia |
repository.upi.edu |
perpustakaan.upi.edu
Bagan 3.1 Desain Panalungtikan
3.3 Métode Panalungtikan
Métode nya éta cara nu digunakeun pikeun ngahontal tujuan gumantung kana tujuan panalungtikan, sipat masalah nu digarap, sarta alternatif-alternatif
séjénna. Métode nu bisa dipaké dina ieu panalungtikan nya éta métode déskriptif analisis. Nu nyusun miboga tujuan sangkan bisa nepikeun jeung ngabahas
ngeunaan struktur carita luyu jeung tiori Stanton sarta unsur budaya anu nyampak dina novel Tanjeur na Juritan Jaya di Buana luyu jeung tiori unsur kabudayaan
universal.
3.4 Wangenan Operasional
