27
Ellis Helvina, 2013 WACANA DALAM DISPLAY PICTURE BLACKBERRY MESSENGER
Universitas Pendidikan Indonesia |
repository.upi.edu |
perpustakaan.upi.edu
3.3 Métode Panalungtikan
Métode panalungtikan mangrupa cara anu digunakeun ku panalungtik dina ngumpulkeun data panalungtikan. Métode anu digunakeun dina ieu panalungtikan
nya éta métode déskriptif. Sacara harfiah panalungtikan ieu téh nya éta akumulasi data dasar ku cara déskriptif, sarta henteu silih hubungan, henteu nguji hipotésis,
henteu nyieun ramalan, jst. Métode deskriptif dipiharep bisa ngungkulan pasualan-pasualan nu aktual
ku jalan ngumpulkeun data, nyusun papasingan data, nganalisis data, napsirkeun data, jeung nyieun kacindekan.
Tujuan panalungtikan déskriptif téh nya éta pikeun ngadéskripsikeun atawa nyieun gambaran sacara sistematis, faktual, jeung akurat ngeunaan fakta-
fakta jeung sakabéh data anu aya patalina jeung wacana basa Sunda dina Display Picture Blackberry Massenger.
3.4 Wangenan Operasional
Wangenan operasional mangrupa hal anu kacida pentingna dina hiji panalungtikan, sangkan leuwih jéntré sarta henteu nimbulkeun rupa-rupa tafsiran
anu salah, perlu dijabarkeun sababaraha istilah anu aya patalina jeung judul panalungtikan, di antarana:
1. Wacana nya éta wangun basa pangjembarna anu disusun tina runtuyan
kalimah-kalimah anu sambung-sinambung, tatali unsurna ngéntép seureuh tur tatali ma’nana dalit luyu jeung kontéks situasi
2. Display picture DP blackberry messenger BBM nya éta gambar tampilan
anu wangunna bisa mangrupa foto, gambar, sarta kalimah-kalimah. DP dina ieu panalungtikan mangrupa kalimah tina
3. BBM Blackberry Messenger nya éta salah sahiji media sosial anu aya dina
hapé blackberry. 4.
Adegan kalimah mangrupa unsur fungsional anu nyicingan atawa mancén fungsi-fungsi gramatik dina kalimah anu ngawujud jadi beungkeutan gatra
28
Ellis Helvina, 2013 WACANA DALAM DISPLAY PICTURE BLACKBERRY MESSENGER
Universitas Pendidikan Indonesia |
repository.upi.edu |
perpustakaan.upi.edu
ruas fungsi, katégori, jeung peran. Dina ieu panalungtikan, struktur nyoko kana pola fungsional kalimah J
– C – U – K. 5.
Pragmatik nya éta maluruh bagbagan makéna basa keur kaperluan nu tangtu dina hiji situasi, patalina basa jeung kontéks makéna, atawa carana milih
kalimah anu keuna tur luyu jeung kabutuh panyatur.
3.5 Instrumén Panalungtikan
Instrumén panalungtikan nya éta alat atawa fasilitas anu digunakeun ku panalungtik dina ngumpulkeun data sangkan pagawéanna leuwih gampang
dikerjakeun sarta hasilna leuwih hadé. Dina ieu panalungtikan, instrumén anu digunakeun mangrupa handphone
atawa hapé, nya éta hapé Blackberry, jeung kartu data anu boga fungsi sangkan leuwih gampang nganalisis data anu ditalungtik. Kartu data ogé digunakeun
pikeun nyalin jeung ngumpulkeun sakabéh data. Format kartu data nu digunakeun dina ieu panalungtikan nya éta saperti di
handap ieu:
Tabél 3.1 Conto Kartu Data
KARTU DATA Kode Data : DP001120213
Kalimah : abdi mah teu gaduh nanaon, ngan ieu weh gaduh raray nu manis
DP001120213
Analisis :
1. Adegan Kalimah : Jejer – Caritaan – Udagan - Katerangan
2. Wanda kalimah wacana : Éksprésif muji
Dina éta kartu data aya kode data, nya éta pikeun pengkodean data anu rék ditalunglik. Contona kode data DP001120213, nya éta DP mangrupa
singgetan tina Display Picture, 001 mangrupa kode pikeun urutan nomer data
29
Ellis Helvina, 2013 WACANA DALAM DISPLAY PICTURE BLACKBERRY MESSENGER
Universitas Pendidikan Indonesia |
repository.upi.edu |
perpustakaan.upi.edu
numutkeun alfabet dina DP, 120213 nya éta tanggal 12, bulan fébruari02, taun 2013, mangrupa waktu nyalin data tina blackberry messenger BBM kana salah
sahiji tempat nyimpen data dina hapé. Kalimah abdi mah teu gaduh nanaon, ngan ieu weh gaduh raray nu manis,
dianalisis dumasar adegan kalimahna, nya éta frasa abdi mah salaku jejer, frasa teu gaduh salaku caritaan, kecap nanaon salaku udagan, jeung frasa ngan ieu weh
gaduh raray nu manis salaku katerangan. Ieu kalimah kaasup éksprésif muji.
3.6 Téhnik Ngumpulkeun Data
