34
wonten maksim kecocokan saha penyimpangan maksim kecocokan, salajengipun ngandharaken ginanipun miturut konteksipun. Pungkasanipun damel dudutan
saking sedaya data ingkang sampun dipunpikantuk sawontening novel Lintang.
F. Caranipun Ngesahaken Data
Caranipun ngesahaken data wonten panaliten menika ngginakaken validitas saha reliabilitas. Supados datanipun sah, panaliti ngginakaken validitas
semantis. Validitas semantis inggih menika nganalisis saha paring pangertosan data-data miturut konteksipun Mulyana, 2005: 112. Teknik validitas semantis
menika dipuntindakaken kanthi cara maos data saha madosi maknanipun adhedhasar konteksipun. Salajengipun, data dipunsuwunaken pirsa kaliyan ahli
ingkang nguwaosi bidang kasebut inggih menika dosen pembimbing kangge mangertosi data ingkang valid.
Reliabilitas data wonten ing panaliten menika ngginakaken reliabilitas stabilitas. Reliabilitas stabilitas minangka penafsiran cara kanthi reliabel
amargi dipunwaos wongsal-wangsul supados pikantuk asil ingkang leres saha trep. Data ingkang badhe dipuntaliti, dipunwaos kanthi wongsal-wangsul
supados jelas perkawisipun. Reliabilitas stabilitas dipunpilih supados wekdal kangge nliti langkung efektif, inggih menika sinaosa wekdal anggenipun naliti
beda ananging asilipun boten ewah.
35
BAB IV ASILING PANALITEN SAHA PIREMBAGANIPUN
A. Asiling Panaliten
Novel minangka karya fiksi ingkang imajinatif. Novel nggadhahi sifat non eksistensial inggih menika dipunkreasikaken panganggitipun, dipundamel
sami kaliyan kasunyatan jangkep kaliyan prastawa-prastawa saha lataripun Nurgiyantoro, 2000: 4. Satemah katingal nyata saha wonten kadadosanipun.
Novel boten anamung seratan ingkang saged nyukani inspirasi kangge pamaosipun, ananging nggadhahi mapinten-pinten makna saking wosipun.
Pramila, supados wosipun menika saged dipunmangertosi kanthi cetha, kedah dipunwontenaken panaliten tumrap novel kasebut.
Adhedhasar data ingkang dipunpikatuk saking panaliten tumrap novel Lintang menika, dipunpanggihi wontenipun maksim kecocokan. Maksim
kecocokan ingkang dipunpanggihi inggih menika panganggening saha penyimpangan
maksim kecocokan.
Pramila panganggening
saha penyimpangan maksim kecocokan kasebut ugi wonten ginanipun. Ginanipun
saking panganggening saha penyimpangan maksim kecocokan inggih menika fungsi emotif, direktif, interpersonal, representasional, metalingual kaliyan
imajinatif. Panaliten ngengingi maksim tumrap novel Lintang menika nggadahi
ancas ngandharaken wosipun cariyos lumantar panganngening saha penyimpangan maksim kecocokan. Asilipun panaliten saged dipuntingali
wonten tabel menika.