Panaliten ingkang Jumbuh GEGARAN TEORI

32

BAB III CARA PANALITEN

A. Jinising Panaliten

Metode panaliten ingkang dipunginakaken inggih menika Research and Development RD . Metode RD inggih menika salah satunggaling metode panaliten ingkang dipunginakaken kangge ngasilaken produk tartamtu Sugiyono, 2008:128. Jumbuh kaliyan Sugiyono, Borg saha Gall 1983:772 ngandharaken kanthi langkung cetha bilih “ Educational research and development RD is a process used to develop and validate educational product. ” Sukmadinata 2009:164 ugi ngandharaken bilih metode RD menika satunggaling tata cara panaliten kangge ngrembakakaken produk enggal utawi nyampurnakaken produk ingkang sampun wonten ingkang saged dipuntanggeljawabaken. Produk kasebut boten namung pirantos ingkang ketingal hardware , kados ta buku, modul, alat paraga pasinaon, ananging ugi awujud software komputer, model-model pasinaon, media kangge gladhen, lan sapanunggalanipun. Wonten ing panaliten menika, cak-cakanipun produk arupi kamus elektronik basa Jawi kangge siswa kelas 8 semester ganjil ingkang dipunangkah saged minangka media pasinaon mandhiri kangge siswa sinau ing pundi kemawon papanipun. B. Model Panaliten Model pangrembakaning panaliten menika ngginakaken model prosedural kagunganipun Borg saha Gall 1983 kanthi sekedhik ewah-ewahan. Model prosedural inggih menika model ingkang asipat deskriptif. Tetandhingan antawisipun model RD kagunganipun Borg saha Gall kaliyan model prosedural asiling ewah-ewahan saged dipuntingali wonten ing Tabel 1. Tabel 1: Tetandhingan ing Antawisipun Model Pangrembakaning Panaliten dening Borg saha Gall kaliyan Model Prosedural Asiling Ewah- ewahan Model Pangrembakaning Panaliten Borg saha Gall Model Prosedural Asiling Ewah- ewahan Tahap I Nindakaken panaliten prasurvei kangge ngempalaken seserepan kajian pustaka saha ningali langsung kawontenan ing kelas, nemtokaken underaning perkawis ingkang dipunpanggihaken ing salebeting pasinaon, saha damel rangkuman perkawis-perkawis ingkang dados pepalang. Tahap I. Observasi a. Observasi kurikulum b. Observasi sasaran siswa c. Observasi kabetahan Tahap II Damel rantaman miturut andharaning para ahli gayut kaliyan asil nalika pados underaning perkawis, ngrantam ancasing panaliten, nemtokaken tata urutaning piwulangan, saha uji ahli kaliyan uji coba wonten ing skala alit, utawi expert judgement. Tahap II. Damel Rantamaning Panaliten a. Nemtokaken materi wulangan basa Jawi siswa SMP kelas 8 semester ganjil. b. Ngempalaken referensi. c. Damel kisi-kisi pirantining panaliten d. Nemtokaken ahli media saha ahli materi. e. Nemtokaken kelas saha guru kangge uji produk . Tahap III. Damel jiniswujudipun produk wiwitan ingkang kalampahan saking proses nyamektakaken materi pasinaon, damel buku acuan, saha pirantos evaluasi . Tahap III. Damel Produk a. Damel draf kamus elektronik basa Jawi ingkang kaping pisan. b. Damel draf kamus elektronik basa Jawi ingkang kaping kalih. c. Konsultasi draf kamus elektronik basa Jawi ingkang kaping kalih. d. Mujudaken produk wiwitan kamus elektronik basa Jawi e. Validasi pirantining panaliten. Tahap IV. Nindakaken uji coba lapangan minangka tahap kaping pisan ingkang dipuntindakaken wonten ing 2-3 sekolah ngginakaken 6-10 subjek . Ngempalaken data kanthi cara observasi, wawancara, kuesioner, dipunlajengaken analisis data . Tahap V. Nindakaken revisi dhateng produk utama adhedhasar pamanggih saha panyaruwe saking asiling uji lapangan ingkang sepisan. Tahap IV. Pambijining Produk a. Pambijining produk tahap I b. Ewah-ewahan kaping I c. Pambijining produk tahap II d. Ewah-ewahan kaping II e. Pambijining produk tahap III f. Ujicoba winates g. Ewah-ewahan kaping III h. Mujudaken produk kamus elektronik basa Jawi pungkasan

C. Tata Lampahing

Panaliten 1. Tahap I. Observasi a. Observasi kurikulum , inggih menika ningali kadospundi kurikulum pamulangan basa Jawi ingkang dipunginakaken sekolah mliginipun wonten ing SMP N 1 Mungkid lajeng nemtokaken kurikulum menapa ingkang badhe dipunginakaken kangge damel materi. Kurikulum wonten ing mriki dipunwatesi malih saking silabus ipun, inggih menika ngginakaken silabus basa Jawi kelas 8 semester ganjil. b. Observasi sasaran , inggih menika ningali lajeng nemtokaken sinten sasaran ingkang badhe ngginakaken asiling produk . Wonten ing mriki siswa SMPMTS mliginipun siswa kelas 8 ingkang dados sasaran -ipun. c. Observasi kabetahan, inggih menika ningali lajeng nemtokaken kadospundi wujud produk ingkang badhe dipunrembakakaken adhedhasar kajian dhateng kamus cithak basa Jawi saha buku ajar basa Jawi, sae menika ingkang mratah wonten ing masarakat menapa dene ingkang dipunginakaken dening siswa ing sekolah.

2. Tahap II. Damel Rantamaning Panaliten

a. Nemtokaken materi wulangan basa Jawi siswa SMP kelas 8 semester ganjil . Caranipun kanthi madosi tetembungan ingkang angel dipunpadosi tegesipun ing salebetipun materi pasinaon basa Jawi kelas 8. Data tetembungan menika samangke ingkang badhe dipunlebetaken wonten ing kamus elektronik basa Jawi minangka entri data .