Nalaring Panaliten GEGARAN TEORI

C. Tata Lampahing

Panaliten 1. Tahap I. Observasi a. Observasi kurikulum , inggih menika ningali kadospundi kurikulum pamulangan basa Jawi ingkang dipunginakaken sekolah mliginipun wonten ing SMP N 1 Mungkid lajeng nemtokaken kurikulum menapa ingkang badhe dipunginakaken kangge damel materi. Kurikulum wonten ing mriki dipunwatesi malih saking silabus ipun, inggih menika ngginakaken silabus basa Jawi kelas 8 semester ganjil. b. Observasi sasaran , inggih menika ningali lajeng nemtokaken sinten sasaran ingkang badhe ngginakaken asiling produk . Wonten ing mriki siswa SMPMTS mliginipun siswa kelas 8 ingkang dados sasaran -ipun. c. Observasi kabetahan, inggih menika ningali lajeng nemtokaken kadospundi wujud produk ingkang badhe dipunrembakakaken adhedhasar kajian dhateng kamus cithak basa Jawi saha buku ajar basa Jawi, sae menika ingkang mratah wonten ing masarakat menapa dene ingkang dipunginakaken dening siswa ing sekolah.

2. Tahap II. Damel Rantamaning Panaliten

a. Nemtokaken materi wulangan basa Jawi siswa SMP kelas 8 semester ganjil . Caranipun kanthi madosi tetembungan ingkang angel dipunpadosi tegesipun ing salebetipun materi pasinaon basa Jawi kelas 8. Data tetembungan menika samangke ingkang badhe dipunlebetaken wonten ing kamus elektronik basa Jawi minangka entri data . b. Ngempalaken sumber rujukan , inggih menika ngempalaken data saking maneka warni sumber ingkang gayut kaliyan materi pasinaon basa Jawi kelas 8 semester ganjil, kados ta buku ajar basa Jawi, Lembar Kegiatan Siswa LKS saha Baousastra Djawa. c. Damel kisi-kisi pirantining panaliten, kanthi cara maos tuladha kisi-kisi pirantining panaliten adhedhasar buku pedoman ingkang wonten. Salajengipun, ngrembakakaken tuladha kisi-kisi kala wau dados pirantining panaliten jumbuh kaliyan jinising panaliten ingkang dipuntindakaken. d. Nemtokaken ahli media saha ahli materi , inggih menika 1 dosen ahli materi saha 1 dosen ahli media kangge mbiji asiling produk tahap kaping sepisan dumugi tahap kaping III. e. Nemtokaken kelas kangge uji coba , inggih menika setunggal kelas 8 SMP N 1 Mungkid saha 1 guru basa Jawi SMPMTS kangge mbiji asiling produk wonten ing tahap ujicoba winates.

3. Tahap III. Damel

Produk a. Damel draf kamus elektronik basa Jawi ingkang kaping sepisan kanthi wujud file word mawi program Microsoft Office Word 2013. b. Damel draf kamus elektronik basa Jawi ingkang kaping kalih ngginakaken program Visual Basic 6.0 saha Microsoft Access 2007. c. Konsultasi draf kamus elektronik basa Jawi ingkang kaping kalih dhateng dosen pembimbing satemah saged mujudaken produk wiwitan kamus elektronik basa Jawi ingkang kaping sepisan. d. Mujudaken produk wiwitan kamus elektronik basa Jawi ingkang kaping sepisan ingkang samangke badhe dipunbiji dening validator ahli materi saha ahli media . e. Validasi pirantining panaliten dening dosen pembimbing.

4. Tahap IV. Pambijining

Produk a. Pambijining produk tahap I dening dosen ahli media saha ahli materi dhateng produk wiwitan Kamus Elektronik Basa Jawi, satemah saged pikantuk data kaping sepisan arupi data kuantitatif saha data kualitatif. b. Ewah-ewahan kaping I adhedhasar data kualitatif kaping I saking asil pamrayoginipun validator ahli materi saha ahli media. Asilipun arupi produk revisi I Kamus Elektronik Basa Jawi. c. Pambijining produk tahap II dening dosen ahli media saha ahli materi dhateng produk revisi I Kamus Elektronik Basa Jawi, satemah saged pikantuk data kaping kalih arupi data kuantitatif saha data kualitatif. d. Ewah-ewahan kaping II adhedhasar data kualitatif kaping I saking asil pamrayoginipun validator ahli materi saha ahli media. Asilipun arupi produk revisi II Kamus Elektronik Basa Jawi. e. Pambijining produk tahap III dening dosen ahli media saha ahli materi dhateng produk revisi II Kamus Elektronik Basa Jawi, satemah saged pikantuk data kaping tiga arupi data kuantitatif saha data kualitatif saha ngasilaken produk kamus elektronik basa Jawi kangge ujicoba winates.