amargi kawrat nama tata upacara saha ubarampe upacara penganten gagrag Ngayogyakarta ingkang baken kanthi jangkep.
C. Cara Ngempalaken Data
Cara ngempalaken data dipunwiwiti kanthi maos buku Tata Cara Paes lan Pranatacara Gagrag Ngayogyakarta kanthi premati. Nalika maos, panaliti nyukani
tandha wonten ing tembung ingkang mujudaken nama-nama tata upacara saha ubarampe upacara penganten gagrag Ngayogyakarta. Nama-nama kasebat
dipunpadosi proses
pandhapuking. Sasampunipun
manggihaken proses
pandhapuking, lajeng saged mangertosi makna leksikal saking nama tata upacara saha ubarampe kasebat. Proses pandhapuking nama saha makna leksikal dipunserat
wonten ing kertu data. Kertu data dipunginakaken kangge nggampilaken panaliti anggenipun
ngempalaken saha
mantha-mantha data
ingkang sampun
dipunpanggihaken.
D. Pirantining Panaliten
Wonten ing panaliten menika ingkang dados pirantining panaliten inggih menika panaliti piyambak ingkang dipunbiyantu kaliyan kertu data. Panaliti
minangka pirantos utama wonten ing panaliten. Panaliti ingkang manggihaken data saha paring persepsi pangrimbaging proses pandhapuking nama kanthi teori
morfologi ingkang salajengipun ngginakaken teori semantik kangge manggihaken makna leksikal. Wondene kertu data dipunginakaken kangge nyerat asiling maos
supados gampil anggenipun badhe ngrembag ingkang langkung mligi. Wujuding kertu data kados ing ngandhap menika.
Tabel 1. Tuladhanipun Kertu Data Nama Tata Upacara wonten ing Upacara Penganten Gagrag Ngayogyakarta
Sumber 21. 3. 6
Data Tembung siraman asale saka tembung
siram utawa adus kang mengku teges ngedusi calon manten kang dikantheni
sedya utawa niyat ngresiki awak supaya dadi resik lair batine.
Nama tata upacara
Proses pandhapuking nama siraman
‘upacara ngedusi
penganten ’kriya
siram ‘adus’kriya -an
Makna leksikal Siraman inggih menika upacara ngedusi
bakal penganten
kekalih ingkang
dipuntindakaken dening tiyang sepuh bakal penganten saha para pinisepuh
supados resik lair saha batosipun.
Katrangan: Sumber
: sumbering data miturut kaca, pada, saha larik Data
: ukara ingkang kaserat wonten ing buku Nama
: kalebet tata upacara utawi ubarampe Proses pandhapuking nama : proses morfologi saking tembung nama tata upacara
saha tata cara ingkang ngemu teges Makna leksikal
: pangertosan saking nama tata upacara saha tata cara
E. Cara Nganalisis Data
Panaliten menika ngginakaken cara nganalisis data kanthi deskriptif. Miturut Sudaryanto 1988: 62 cara analisis deskriptif inggih menika ngandharaken
data-data ingkang dipunpanggihaken kanthi menapa wontenipun. Wondene cak- cakanipun cara nganalisis deskriptif ngginakaken kalih lelampahan.
1. Lelampahan ingkang sepisan inggih menika ingkang sampun dipuntindakaken
kawiwitan saking maos buku Tata Cara Paes lan Pranatacara Gagrag Ngayogyakarta kanthi premati sinambi suka tandha wonten ing tembung
ingkang mujudaken nama-nama tata upacara saha ubarampe upacara penganten gagrag Ngayogyakarta. Nama-nama kasebat dipunpadosi proses pandhapuking
saha makna leksikal, lajeng dipunserat wonten ing kertu data. 2.
Lelampahan salajengipun inggih menika kanthi kategorisasi saking kertu data ingkang sampun kalampahan. Kategorisasi inggih menika milah data
adhedhasar kategori ingkang dipuntliti jumbuh kaliyan wosing prekawis. Kategorisasi wonten ing panaliten menika miturut wujudipun ingkang
ngandharaken proses linguistik pandhapuking nama. Saking proses linguistik pandhapuking nama menika ugi dipunandharaken makna leksikal.
F. Validitas saha Reliabilitas Data
Kategori