1.4.2 Mangpaat Praktis
Ieu panalungtikan ngabogaan mangpaat anu hayang dihontal, sacara praktis di antarana nya éta:
1 bisa meunangkeun struktur jeung ajén moral anu aya dina kumpulan carita
pondok Kanyaah Kolot karya Karna Yudibrata, sarta bisa nerapkeun éta ajén dina kahirupan sapopoé;
2 bisa méré gambaran ka urang yén moral téh penting pisan pikeun manusa dina
hirup kumbuh; 3
pikeun nambahan atawa ngarojong bahan pangajaran basa jeung sastra Sunda di sakola, utamana dina hal ajén moral.
1.5 Wangenan Istilah
Wangenan dina ieu panalungtikan di antarana hal-hal anu aya patalina jeung kecap-kecap anu dijadikeun judul, nya éta Struktur, Ajén Moral, Carpon, Kanyaah
Kolot, Bahan Pangajaran, Maca. 1
Struktur dina karya sastra téh nya éta corak rakitan susunan komponén- komponén karya nepi ka ngahasilkeun wujud karya sastra; gembleng boga
ma’na Iskandarwassid, 2003:153. 2
Ajén Moral nya éta mangrupa ma’na anu aya dina hiji carita anu rék ditepikeun ku pangarang ka anu maca éta carita Nurgiyantoro, 1995:320.
3 Carpon nya éta karya tinulis rékaan atawa fiksi dina wangun lancaran, prosa
naratif. Galur carita rélatip basajan lantaran jumlah kajadian caritana henteu réa, museur kana hiji kajadian utama, mangrupa hiji “épisodeu”, palaku ogé
ngan ukur dua tilu. Ku lantaran kitu, ieu carita téh rélatip pondok. Umumna mah jejer, latar setting, jeung kajadian carita téh diolah dina alam kiwari
Iskandarwassid, 2003:113. 4
Kanyaah Kolot nya éta kumpulan carpon karya Karna Yudibrata anu eusina aya dalap judul nya éta 1 Jang Oman, 2 Kanyaah Kolot, 3 Néng Yaya
Gering Tipes, 4 Jurig Bungkeuleukan, 5 Buah Limus Murag ku Angin, 6 Nganti Dawuh 7 Kanyaah, jeung 8 Naib Cidahu. Jumlah kaca aya 143 kaca.
Warna dasar jilidna hideung jeung biru aya gambar jelema tiluan budak jeung kolotna.
5 Bahan Pangajaran nya éta matéri anu disusun kalayan sistematis nepi ka
nyiptakeun lingkungan atawa suasana anu ngadukung siswa diajar kalayan hadé Majid, 2008:174.
6 Maca mangrupa hiji prosés nu dilakukeun sarta digunakeun ku nu maca pikeun
nyangkem pesen anu ditepikeun ku nu nulis dina basa tinulis Tarigan, 1987:7.
1.6 Anggapan Dasar
Anggapan dasar dina ieu panalungtikan nya éta: 1
sastra mangrupa salahsahiji karya seni anu mibanda ajén-inajén anu bisa ngahudangkeun rasa anu maca;
2 carpon mangrupa salahsahiji karya sastra sampeuran anu mibanda fungsi
édukatif jeung rékréatif; 3
carita pondok mangrupa hasil tina karya sastra anu mibanda anjén-inajén pikeun dijadikeun eunteung pikeun anu maca;
4 moral téh mangrupa salahsahiji aspék anu kacida pentingna dina hirup
kumbuh manusa sapopoé, sabab moral téh mangaruhan kana katengtreman masarakat. Salian ti éta moral anu hadé bisa ngajegkeun manusa salaku
mahluk anu mulia;
40
BAB III MÉTODOLOGI PANALUNGTIKAN
3.1 Métode jeung Téhnik Panalungtikan 3.1.1 Métode Panalungtikan
Métode nya éta cara utama nu digunakeun pikeun ngahontal tujuan Surakhmad, 1985:131. Dina ieu panalungtikan, métode nu digunakeun nya éta métode déskriptif
analisis, sabab digunakeun pikeun: 1
ngumpulkeun informasi faktual kalawan rinci jeung ngagambarkeun gejala-gejala anu aya dina buku;
2 ngaidéntifikasi masalah-masalah anu aya dina buku;
3 nangtukeun sagala rupa nu bisa di cokot atawa kumaha implikasina tina
pangalaman pikeun ngarancang kaputusan dina mangsa nu bakal datang.
3.1.2 Téhnik Panalungtikan
Nurutkeun Ratna 2004:37 téhnik asal tina kecap tekhnikos, basa Yunani, nu hartina alat atawa seni ngagunakeun alat. Téhnik anu digunakeun dina ieu
panalungtikan téh nya éta téhnik ulikan pustaka jeung analisis data. 1.
Téhnik ulikan pustaka digunakeun pikeun néangan jeung nangtukeun dasar-dasar téoritis anu aya patalina jeung ulikan struktur carpon, hususna carpon dina buku
kumpulan carpon Kanyaah Kolot karya Karna Yudibrata.