Krisna Amelia,2014 UNSUR SEMIOTIKA DINA TRADISI NYEPUH DI DESA CIOMAS KECAMATAN PANJALU KABUPATEN
CIAMIS PIKEUN BAHAN PANGAJARAN MACA ARTIKEL DI SMA Universitas Pendidikan Indonesia
| repository.upi.edu
| perpustakaan.upi.edu
deskripsi jeung analisis simbol-simbol dina tradisi nyepuh di Désa Ciomas Kecamatan Panjalu Kabupatén Ciamis.
Krisna Amelia,2014 UNSUR SEMIOTIKA DINA TRADISI NYEPUH DI DESA CIOMAS KECAMATAN PANJALU KABUPATEN
CIAMIS PIKEUN BAHAN PANGAJARAN MACA ARTIKEL DI SMA Universitas Pendidikan Indonesia
| repository.upi.edu
| perpustakaan.upi.edu
88
BAB V KACINDEKAN JEUNG SARAN
5.1 Kacindekan
Tujuan utama ieu panalungtikan téh nyaéta ngadéskripsikeun: prak-prakan tradisi nyepuh, unsur semiotika dina tradisi nyepuh, jeung larapna hasil
panalungtikan pikeun bahan pangajaran maca artikel di SMA. Tiori unsur semiotika anu digunakeun nyaéta tiori semiotika Charles Sanders Peirce,
sedengkeun metodena nyaéta deskriptif. Ieu hasil panalungtikan dicindekkeun dina ieu pedaran di handap.
Tradisi nyepuh di Désa Ciomas mangrupa adat-istiadat anu dilaksanakeun ku masarakat Désa Ciomas, Kecamatan Panjalu, Kabupatén Ciamis dina mapag
bulan suci Romadon. Ieu tradisi udaganana pikeun beberesih lahir jeung batin, anu saréatna ngagunakeun media cai ti Geger Emas. Prak-prakan tradisi nyepuh
kabagi dua, nyaéta prak-prakan saméméh lumangsungna tradisi nyepuh jeung prak-prakan lumangsungna tradisi nyepuh. Prak-prakan saméméh lumangsungna
tradisi nyepuh dilaksanakeun dina sapoé saméméhna. Kagiatan dina ieu prak- prakan aya genep, nyaéta nalékan, ngasakan kadaharan, nyeungeut obor,
silahturahmi jurukunci sa-Kecamatan, jeung pintonan seni. Kesenian anu dipintonkeun mangrupa kasenian tradisional, nyaéta karindingan jeung
celempungan, kacapi suling, jeung gembyungan. Prak-prakan lumangsugna tradisi nyepuh aya sabelas kagiatan, nyaéta dimimitian ku pamiangan, tuluy buka
payung, nyimpayan, pawéy atawa iring-iringan, susuci jeung ngala cai di Geger Emas, nyebor binih tatangkalan, jarah ka makam Kiai Haji Panghulu Gusti, dahar
babarengan, melak jeung ngabagikeun binih tatangkalan, nu pamungkas tutup payung.
Unsur Semiotika dina tradisi nyepuh kapanggih 20 ikon, dua indéks, jeung 19 simbol. Ikon dina tradisi nyepuh nyaéta, jurukunci, ngala cai, caramah, pangsi
hideung, sorban, iket, payung agung, canting, baskom, jampana, binih tatangkalan, obor, kembang, beubeutian, rangginang, gembyung, celempung,
karinding, kacapi, jeung suling. Indéks anu kapanggih dina tradisi nyepuh nyaéta
Krisna Amelia,2014 UNSUR SEMIOTIKA DINA TRADISI NYEPUH DI DESA CIOMAS KECAMATAN PANJALU KABUPATEN
CIAMIS PIKEUN BAHAN PANGAJARAN MACA ARTIKEL DI SMA Universitas Pendidikan Indonesia
| repository.upi.edu
| perpustakaan.upi.edu
susuci jeung jarah, sedengkeun simbol dina ieu tradisi ngawengku tradisi nyepuh, cai ti Geger Emas, makam Kiai Haji Panghulu Gusti, Kiai Haji Panghulu Gusti,
Leuweung Kabuyutan, nyeungeut obor, mareuman lampu listrik, buka payung, nyimpayan, nyébor binih tatangkalan ku aparat pamaréntahan, dahar babarengan,
melak tangkal, maca surat Al-Ikhlas jeung waqiatul solihat, pangsi bodas, janur, tékor, sapu nyéré, tilu tumpeng, warna bodas jeung konéng dina tumpeng.
Unsur semiotika dina tradisi nyepuh di Désa Ciomas Kecamatan Panjalu Kabupaten Ciamis bisa jadi salasahiji alternatif bahan pangajaran basa Sunda,
hususna di SMA kelas XII dina matéri artikel. Artikel “Tradisi Nyepuh”, anu
medar ngeunaan simbol-simbol dina tradisi nyepuh di Désa Ciomas Kecamatan Panjalu Kabupaten Ciamis, bisa dilarapkeun dina éta pangajaran.
5.2 Saran
Sanggeus réngsé nalungtik, karasa pisan mangpaatna pikeun nu nyusun saperti apal kana sajarah, prak-prakan, jeung unsure semiotika dina tradisi
nyepuh, anu geus pasti jadi ngajembaran pangaweruh dina widang kabudayaan. Hasil tina ieu panalungtikan sangkan leuwih mangpaat jeung karasa ku
balaréa, nu nyusun boga saran ka pihak Disbudpar, lembaga pendidikan, akademisi, siswa, jeung masarakat sakumaha anu dipedar di handap.
a. Pihak Disbudpar
Disbudpar mangrupa intansi dina widang budaya jeung pariwisata, kudu leuwih ngarojong sarta nanjeurkeun kana kabudayaan di unggal wewengkon, boh
tina segi materi boh méntalna. Tradisi nyepuh téh kaasup salah sahiji budaya dina unsur kaagamaan. Kabudayaan téh mangrupa cicirén hiji bangsa, ku kituna ulah
nepi ka tradisi nyepuh leungit. Salian ti éta, tradisi nyepuh bisa jadi asét budaya di Kabupatén Ciamis.
b. Lembaga Pendidikan
Pikeun lembaga pendidikan, ieu hasil panalungtikan ngeunaan simbol-simbol dina tradisi nyepuh téh bisa dijadikeun alternatif bahan pangajaran maca artikel.
Ieu hal téh saluyu jeung salah sahiji materi dina kompetensi dasar di SMA kelas XII ngeunaan artikel.