Materialet mësimore (përzgjedhja dhe përgatitja e tyre), burimet mësimore

4.2. Materialet mësimore (përzgjedhja dhe përgatitja e tyre), burimet mësimore

Planifikimet mësimore me qasje të re u mundësojnë mësimdhënësve të jenë autonomë në përzgjedhjen e përmbajtjes, metodologjisë së mësimdhënies dhe gjithashtu të materialeve mësimore.

Si ndihmojnë materialet mësimore në zhvillimin e kompetencave?

Mësimdhënësi mbi bazën e përmbajtjes mësimore, metodave dhe teknikave të mësimdhënies, përzgjedh materiale mësimore që janë në funksion të zhvillimit të kompetencave të identifikuara dhe parimeve të KKK-së. Përzgjedhja adekuate e materialeve konform temës mësimore dhe potencialeve të nxënësve ndikon në stimulimin e progresit të tyre drejt zhvillimit të shprehive dhe shkathtësive të nevojshme për jetë dhe punë.

Sot, teksti mësimor nuk konsiderohet si burim i vetëm dhe i mjaftueshëm për zhvillimin e kompetencave të nxënësit, sepse nuk mund t’i përcjellë zhvillimet e shpejta që po ndodhin në fushat e ndryshme të jetës shoqërore dhe gjithashtu nuk është i përshtatshëm për gjithë nxënësit/et të së njëjtës moshë sa u përket niveleve të njohjes.

Kjo na bën me dije se mësimdhënësit duhet të sigurojnë edhe materiale të tjera mësimore për të ndihmuar nxënësit në zhvillimin e kompetencave. Materialet mësimore nuk do të thotë të jenë domosdo të shtrenjta dhe të sofistikuara. Shumë aktivitete mësimore matematikore përpos me formularë, skica, figura, grafikone, diagrame, vegla mësimore, si trekëndëshi, këndmatësi, kompasi, apo edhe vegla të tjera, mund të realizohen edhe me materiale të krijuara nga mësimdhënësit, por edhe nga vetë nxënësit. Kujto të nxënit duke vepruar! Krijimi i këtyre materialeve mund të bëhet edhe me materiale ricikluese, si letër, gazeta, rroba të vjetra, ambalazhe të ushqimeve, copëza të drurit, litarë, produkte ushqimore etj., Kjo na bën me dije se mësimdhënësit duhet të sigurojnë edhe materiale të tjera mësimore për të ndihmuar nxënësit në zhvillimin e kompetencave. Materialet mësimore nuk do të thotë të jenë domosdo të shtrenjta dhe të sofistikuara. Shumë aktivitete mësimore matematikore përpos me formularë, skica, figura, grafikone, diagrame, vegla mësimore, si trekëndëshi, këndmatësi, kompasi, apo edhe vegla të tjera, mund të realizohen edhe me materiale të krijuara nga mësimdhënësit, por edhe nga vetë nxënësit. Kujto të nxënit duke vepruar! Krijimi i këtyre materialeve mund të bëhet edhe me materiale ricikluese, si letër, gazeta, rroba të vjetra, ambalazhe të ushqimeve, copëza të drurit, litarë, produkte ushqimore etj.,

Materialet mësimore lehtësojnë arritjen e rezultateve mësimore dhe përvetësimin e koncepteve matematikore. Përmes materialeve mësimore, nxënësit duke i përdorur dhe praktikuar në aktivitete ata mund të matin, llogarisin dhe zgjidhin probleme matematikore në favor të teorive dhe produkteve të rëndësishme për jetën e njeriut. Shih shembujt në foto. (Në foton e fundit shih një instrument se si shpjegohet Teorema e Pitagorës).

Burim mësimor është edhe interneti, i cili duhet të përdoret më shumë nga ana e mësimdhënësve dhe nga ana e nxënësve. Ekzistojnë shumë faqe dhe programe aplikative kompjuterike matematikore falas që ndihmojnë në zhvillimin e rezultateve mësimore dhe përvetësimin e përmbajtjeve matematikore. Një prej tyre është Geogebra. Geogebra është program tejet i përpunuar dhe mund të përdoret si në shkollim fillor ashtu edhe në shkollim të mesëm dhe atë universitar. Shumë materiale mësimore janë në dispozicion falas. Për të parë sa e dobishme është Geogebra ju sugjerojmë të hyni në faqen

http://www . geogebratube.org/?lang=en.

Mësimdhënësi duke përdorur materiale dhe burime, të cilave nxënësit mund t’u qasen përmes të shikuarit, të dëgjuarit, prekjes, zhvillon te nxënësit shkathtësi dhe shprehi pune. Për t’i arritur këto përdor mjete vizuale, teknologji të nevojshme, bën vizatime, modelime (Kujto, çdo punim dore kërkon të menduarit matematik!), jep ndihma të veçanta, adapton shembuj të ndryshëm dhe krijon ambient për aktivitete mësimore.