Jinising Panaliten Subjek saha Objek Panaliten

salajengipun dipunandharaken jumbuh kaliyan interpretasi saha kawruhipun bab jinising purwakanthi saha fungsipaedah purwakanthi. 3 Anggenipun ngandharaken dipuntindakaken tumrap sedaya peranganipun jinis-jinis purwakanthi. Salajengipun nyawisaken dudutan dhedhasar andharanipun kalawau, jumbuh kaliyan jinising purwakanthi saha ginanipun purwakanthi wonten ing cakepan sekar slawatan Laras Madya menika. Tabel III : Format Kertu Analisis Jinising Purwakanthi No Irah- irahan sekar Cakepan Jinising Purwakanthi Penandha saha Katerangan Ket Pr Sw Pr Sa Pr Ba 1 Mijil Sulastri Sira waspadakna √ Pr. Swara : Sira, Waspadakna Asonansi a utawi wanda a ing saben tembung menika runtut swantenipun. Data 77 Katerangan : Pr. Sw. Purwakanthi guru swara, Pr. Sa : Purwakanthi guru sastra, Pr. Ba : Purwakanthi guru basa Tabel IV : Format Kertu Analisis FungsiPaedah Purwakanthi. No Irah- irahan sekar Cakepan Paedah Purwakanthi Ket 1 Mijil Sulastri Sira waspadakna Akasara a ing cakepan menika dipunginakaken kangge damel suwanten eco menawi dipunsekaraken. Data 77 Katerangan : Pr. Sw. Purwakanthi guru swara, Pr. Sa : Purwakanthi guru sastra, Pr. Ba : Purwakanthi guru basa

F. Caranipun Ngesahaken Data

Panaliten menika anggenipun ngabsahaken data ginakaken validitas semantic saha reliabilitas inter-later. Keabsahan data dipuncakaken panaliti kanthi ancas supados saged manggihaken data panaliten ingkang valid, panaliten menika migunakaken cara kados mekaten: a Validitas Semantis saha Expert Judgement Validitas data ingkang dipuncakaken wonten ing salebetipun panaliten menika migunakaken cara validitas semantis, amargi data-data ingkang awujud purwakanthi dipuntegesi dhedhasar konteks ukaranipun. Miturut pemanggihipun Endraswara 2003:164 dipunandharaken bilih validitas semantic inggih menika mengukur tungkat kesensitifan makna simbolik yang bergayut dengan makna. Cara kangge nggayuh kevalidan asiling panaliten inggih menika kanthi cara maos wongsal-wangsul, nliti, saha nganalisis kanthi tliti, tlatos, sarta premati adhedhasar gegaran teori ingkang sampun wonten. Dene validitas expert judgement dipunlampahi kanthi cara panaliti konsultasi magepokakan kaliyan asiling panaliten menika dhateng para ahli utawi dosen pembimbing. b Reliabilitas Intra-rater Supados data saking asiling panaliten menika ajeg, panaliti migunakaken reliabilitas intra-rater. Reliabilitas intra-rater wonten panaliten menika inggih panaliti ngambali maos kanthi tliti saha premati kanthi adhedhasar kaprigelanipun panaliti piyambak anggenipun nyerat saha nganalisis supados manggihaken data panliten ingkang valid, trep saha ajeg.