Perpaduan Antawisipun Wujud Humor Puisi saha Humor Keseleo
dipunewah – ewahi dados ‘pakan jaran’. Tembung pakan jaran ing konteks menika boten gadhah teges menapa – menapa satemah boten wonten ayahan
tartamtu ing salebeting humor menika. Humor ing pethikan menika namung tuwuh saking ewah – ewahan tembungingkang dipuntuturaken dening Bagio.
Bab menika ingkang mujudaken humor menika gadhah topik humor minangka humor panglipur.
Fungsi humor ing pethikan ing inggil inggih menika kangge panglipur satunggaling tiyang mliginipun ingkang mireng saha mirsani video humor.
Gayut kaliyan konteksipun inggih menika Bagio ingkang nembe nyamun dados Panji Remeng badhe ngadhili Kolik Ratu Kelana Badra. Perkawis
menika nedahaken bilih Bagio ngupaya namung damel tiyang gumujeng ngengingi ewah – ewahan tembung ‘pakunjaran’ ingkang dados ‘pakan jaran’
supados tiyang saged ngirangi raos ingkang tegang ing salebeting batosipun utawi boten karaos serius nalika mirsani video menika sinaosa alur
adheganipun nembe inggil. b.
Wujud humor keseleo lidah salah ucap ingkang gadhah topik humor etnis saha gadhah fungsi kangge panglipur.
Konteks : Bagio Panji Doyok micanten bab kahananipun kekalih putrinipun Paman Kudana Warsa ingkang sampun tresna kaliyan
Panji Asmara Bangun. Bagio
: “Aku ora kok belani ya ora. Nanging, bocah iki mau wis semangget tresna karo Asmara Tangi”
Kirun : “Bangun”
Bagio : “Bangun kuwi ora tangi ta?” DSKKEBRdata.117, 22: 10
Pethikan ing inggil kalebet ing humor keseleo lidah salah ucap. Humor keseleo lidah salah ucap katitik saking sebatan nama Panji Asmara
Bangun dening Bagio. Bagio mlesetaken nama Panji Asmara Bangun menika dados Panji Asmara Tangi. Ewah – ewahan menika karaos kanthi sengaja
dipuntuturaken dening Bagio amargi Bagio rumaos bilih tembung ‘Bangun’ menika gadhah teges ingkang sami kaliyan tembung ‘Tangi’. Perkawis
ingkang nyebal ngengingi sebatan nama ingkang dipuntuturaken Bagio menika ngemot raos lucu, satemah saged damel tiyang ingkang mireng
gumujeng. Pethikan ing inggil gadhah topik humor inggih menika humor etnis.
Humor etnis ing pethikan menika gayut kaliyan basa inggih menika basa Jawi. Humor ing pethikan menika tuwuh awit wontenipun perkawis ingkang
nyebal ngengingi panyebatan nama Panji Asmara Bangun ingkang dados Panji Asmara Tangi. Tembung ‘Bangun’ ing basa Indonesia menika gadhah
teges ingkang sami kaliyan tembung ‘Tangi’ ing basa Jawi satemah humor ing inggil dipunwastani humor etnis mliginipun ngengingi etnis Jawi. Bab
menika ingkang ndadosaken raos lucu saha saged damel tiyang ingkang mireng gumujeng.
Fungsi humor ing pethikan ing inggil inggih menika kangge panglipur dhateng tiyang sanes mliginipun ingkang mireng saha mirsani video humor.
Gayut kaliyan konteksipun inggih menika Bagio Panji Doyok micanten bab kahananipun kekalih putrinipun Paman Kudana Warsa ingkang sampun
tresna kaliyan Panji Asmara Bangun. Bagio micanten kados menika kejawi namung kangge damel bingahipun tiyang sanes ngengingi ewah – ewahan
nama ‘Bangun’ ingkang dados ‘Tangi’.