Jinising Panaliten Subjek lan Objek Panaliten

pamanggihipun Endraswara 2003: 72, bilih stilistika, inggih menika ilmu ingkang ngrembag gaya bahasa wonten ing karya sastra. Ingkang kedah dipungatosaken nalikanipun nindhakaken analisis salebetipun kajian stilistika kados mekaten: 1. Ingkang sepisan saged netepaken unit analisis, kadosta ingkang awujud unen-unen, tembung, frasa, ukara, bait, lan sak piturutipun. 2. Analisis diksi wigatos sanget amargi saged nyengkuyung makna lan kaendahanipun basa. Tembung wonten salebetipun pandangan simbolis saged damel makna ingkang maneka warni. Saking tembung, saged narik kawigatosanipun pamaos. 3. Analisis ukara ingkang wigatos saking panganggening ukara saking kawontenan ingkang beda-beda. 4. Kajian makna basa ugi angsal kawigatosan piyambak. Kajian makna saenipun dumugi tingkat majas, inggih menika figurative language ingkang nggadhahi makna ingkang macem-macem. Panaliten menika kalebet ing penelitian stilistika, mliginipun ingkang gegayutan kalihan pepindhan. Pepindhan kalawau badhe dipunanalisis lajeng dipunpadosi wujud tuwin maknanipun jumbuh kalihan konteks ing andharan. Lampah salajengipun, inggih menika damel dudutan adhedhasar asiling panaliten. Menggahing cak-cakanipun analisis dhata ingkang kalampahan ing panaliten kados andharan ing ngandhap menika. 1. Nemtokaken perangan analisis. Perangan menika saged awujud frasa, klausa utawi kalimat ingkang ngandhut pepindhan, lajeng kaserat ing kartu dhata. 2. Identifikasi, inggih menika panaliti nglampahi identifikasi tumrap dhata ingkang kalebet ing pepindhan. Dhata ingkang sampun kapanggihaken lan kaserat ing kertu dhata, lajeng dipunwaos malih lan menawi perlu dhata kasebat dipuntrepaken malih kalihan andharan ing novel. 3. Dhata ingkang sampun cetha kalebet ing pepindhan lajeng kaanalisis kangge nemtokaken wujud saha maknanipun. Wujud saha makna menika kaandharaken kanthi cara deskriptif kajumbuhaken kalihan konteksipun. Dhata ingkang sampun dipunanalisis, lajeng dipunklompokaken miturut kriterianipun lan kaserat ing tabel analisis. 4. Damel dudutan saking perkawis ingkang dipuntliti, dudutan menika kadamel sasampunipun perkawis bab wujud saha makna pepindhan kaandharaken lan karembag kanthi gamblang lan leres. Format Kartu Analisis 1. Tabel wujud saking pepindhan wonten ing novel Kidung Wengi Ing Gunung Gamping anggitanipun St. Iesmaniasita No. Indikator pepindhan Bab ingkang katandhing- aken Tembung panandhing Bab ingkang dados panandhing Wujud tetan- dhingan katrang an 1 2 3 4 5 6 7 1. Andah ing mripatku persis kaja kembang- warung andah ing mripatku kaja kembang- warung Bab wujud Dhata 1 2 Noleh ngiwa weruh regemeng kaja punthuk regemeng kaja punthuk Bab wujud Dhata 2