Indikator Pencapaian Kompetensi PENUTUP
2. Krama, dipunginakaken kangge tiyang ingkang dereng tepang, kangge ingkang yuswanipun langkung sepuh, saha kangge tiyang ingkang inggil
pangkatipun. a. Krama lugu basa ingkang tetembunganipun sedaya krama
b. Krama alus basa ingkang tetembunganipun kacampuran tembung
krama inggil.
Ngoko Krama
Ngoko Krama
Aku Kula
Tuku Mundhut
Kowe Panjenengan
Akon Dhawuh
Tuwa Sepuh
Digawa Dipunasta
Wong Tiyang
Ndelok Ningali
Luwih Langkung
Kenal Tepang
Dalan Margi
Ketemu Kepanggih
Omong Ngendika
Umur Yuswa
Njaluk Nyuwun
Pitakonan Pandangon
Dhuwit Arta
Basa krama yaiku basa kang kabeh tembunge nggunakake tembung krama tanpa kecampuran ngoko. Basa krama uga diarani basa hormat mligine
marang wong kang durung tepungkenal, ngomong marang wong kang luwih tuwa lan perlu diajeni.
Basa krama inggil iku basa kang tembung-tembunge nggunakake basa krama inggil. Krama inggil ing tataran basa minangka tataran kang dhuwur dhewe.
Tuladhane : ngoko lunga, kramane kesah, lan krama inggile tindak. Basa krama iku uga bisa digunakake kanggo guneman :
1. Wong enom marang wong tuwa 2. Murid marang guru
3. Baturrewang marang bendarane 4. Tepungan anyar kanca marang kanca kang durung kulina, lsp.
Basa ngoko lugu iku digunakake : 1. Wong tuwa marang wong enom
2. Sapadha-padha kang wis kulina 3. Bocah cilik sing durung bisa guneman cetha
4. Marang sor-soran utawa kaprenah enom marang anak putra, murid,
rewang, bojo, wong cilik, sedulur enom, lsp.
Unggah-ungguh kanggo Njaluk Kawigaten.
Wektune wulangan basa Jawa ing kelas wolu, keprungu swara lawang dithothok.Bu Sinta kang lagi ngasta ing kelas nuli noleh asale swara.Katon ing
kono Deni karo Danang. Bocah loro iku nyuwun ijin arep menehi wara-wara ing kelas wolu A
Deni : “Nuwun sewu Bu, keparenga kula nyuwun ijin badhe paring
wara- wara dhateng kanca-kanca kelas wolu A.
Bu Sinta : “Oh iya mas. Mangga”
“Bocah-bocah padha digatekake iki kancamu arep paring wara- wara”.
Deni : “Sugeng siyang kanca-kanca. Kepareng kula nyuwun
kawigatosanipun sekedhap dhumateng sedaya penguOSIS ing kelas woluA bilih samangke saksampun pasinaon paripurna
kasuwun kempal wonten ruang OSIS saperlu ngrembag kegiyatan kangge mapag dinten kamardikan RI ingkang
kaping 69. Makaten wara-wara saking kula awit
kawigatosanipun kula ngaturaken matur nuwun”Sakwise rampung anggone menehake wara-wara Deni lan Danang
banjur ngaturake panuwun marang bu Sinta guru kang ngasta ing kelas wolu A. Bocah loro iku nyuwun pamit kanthi sopan.
Katrangan :
Kanggo njaluk kawigaten bisa migunakake tetembungan “nyuwun kawigatosanipun, gatekna, ayo digatekake”