20-21 : larik
D. Pirantining Panaliten
Pirantining panaliten wonten ing panaliten menika inggih menika panaliti piyambak saha kertu
data
. Panaliti minangka pirantining panaliten ingkang madosi tembung-tembung kahanan
polimorfemis
ingkang wonten ing
novel
Krikil-krikil Pasisir anggitanipun Tamsir AS kanthi cara ingkang sepisan ningali tembung ingkang ngandharaken tembung aran. Salajengipun panaliti nemtokaken
tembung kahanan
polimorfemis
bilih tembung menika kadhapuk saking kalih
morfem
. Panaliti lajeng ningali tembung kahanan
polimorfemis
menika saking cara pandhapuking tembung inggih menika kalebet tembung mawi wuwuhan,
tembung rangkep, tembung camboran utawi tembung
kombinasi
. Panaliti nemtokaken tembung ingkang kalebet tembung mawi wuwuhan
bilih tembung menika kaperang saking
morfem terikat
saha
morfem bebas
. Panaliti nemtokaken tembung ingkang kalebet tembung rangkep bilih tembung
menika kadhapuk kanthi ngambali tembung lingganipun. Salajengipun panaliti nemtokaken tembung ingkang kalebet tembung camboran bilih tembung menika
kadhapuk saking kalih tembung ingkang gadhah teges enggal. Panaliti ugi nemtokaken tembung ingkang kalebet tembung
kombinasi
bilih tembung menika kadhapuk
kanthi ngraketaken
wuwuhan saha
dipunrangkep. Panaliti
sasampunipun nemtokaken cara pandhapuking tembung kahanan
polimorfemis
lajeng panaliti nemtokaken jinis saha tegesing tembung kahanan
polimorfemis
, Salajengipun panaliti mantha-mantha tembung kahanan
polimorfemis
miturut
kriterianipun saha ngandharaken asiling panaliten. Adhedhasar menika pramila panaliti menika minangka piranti panaliten ingkang utama.
Panaliti wonten ing panaliten menika anggenipun nliti ngginakaken kertu
data
. Kertu
data
dipunginakaken kangge nyerat wujud, jinis saha tegesing tembung kahanan
polimorfemis
ingkang wonten ing
novel
Krikil-krikil Pasisir anggitanipun Tamsir AS ingkang sampun dipunpadosi dening panaliti. Kertu
data
wonten ing panaliten menika ugi saged nggampilaken anggenipun nganalisis
data
.
E. Caranipun Nganalisis Data
Caranipun nganalisis
data
ing panaliten menika ngginakaken analisis
deskriptif
. Analisis
deskriptif
ing panaliten menika ngandharaken jinis, wujud saha tegesing tembung kahanan
polimorfemis
wonten ing
novel
Krikil-krikil Pasisir anggitanipun Tamsir AS. Cara anggenipun nganalisis
data
menika wonten
analisis awal
saha
analisis lanjut
.
Analisis awal
inggih menika nalika ngempalaken
data
ingkang sampun kapanggihaken wonten ing kertu
data
.
Data
nalika dipunlebetaken wonten ing kertu
data
dipunanalisis cara pandhapuking, jinis, saha tegesing tembung kahanan
polimorfemis
. Anggenipun nganalisis cara pandhapuking tembung kahanan
polimorfemis
dipuntingali saking wujudipun menika kalebet tembung mawi wuwuhan, tembung rangkep, tembung camboran
menapa tembung
kombinasi
. Salajengipun anggenipun nganalisis jinis tembung kahanan
polimorfemis
dipuntingali saking tembung menika ngandharaken bab wujud, ukuran, warni, raos, menapa
mental
. Sasampunipun nganalisis jinising
tembung kahanan
polimorfemis
lajeng nganalisis tegesing tembung
polimorfemis
kanthi jumbuhaken ing
konteks
ukaranipun. Cara nganalisis
data
ing salajengipun inggih menika cara
analisis lanjut.
Cara
analisis lanjut
inggih menika tembung
polimorfemis
ingkang sampun dipunpanggihaken dipunpantha-pantha miturut kategori ingkang sampun
dipuntemtokaken. Sapisan
data
dipuntha-pantha miturut cara pandhapuking tembung. Saking cara pandhapuking tembung menika lajeng dipunanalisis
jinispun tembung. Sasampunipun menika
data
dipunanalisis tegesipun miturut konteksipun ing ukara. Salajengipun
data
dipunrembag kanthi
deskriptif
wonten ing pirembagan. Asiling panaliten boten sedaya
dipunrembag wonten ing pirembagan, nanging namung saperangan kemawon minangka tuladha
data
saking jinis, wujud, saha tegesing tembung kahanan
polimorfemis
. Asiling panaliten sanesipun dipunserat wonten
tabel analisis data
ingkang wonten ing
lampiran
.
F.
Validitas saha Reliabilitas
Caranipun ngesahaken
data
wonten ing panaliten menika kanthi
uji validitas
saha
reliabilitas
. Wonten ing panaliten menika,
uji validitas
ingkang dipunginakaken
inggih menika
triangulasi teori
.
Triangulasi teori
dipuntindakaken kanthi jumbuhaken data kaliyan
teori
. Bilih
analisis
ingkang dipuntindakaken jumbuh kaliyan
teori
, pramila
data
kasebat dipunanggep sampun
valid
. Tuladha
uji validitas
kanthi ngginakaken
triangulasi teori
saged dipuntingali ing ngandhap menika.