“Kena apa ndadak koktiliki barang? Lan kena apa kokcritakake barang?” sentake Narwata nepsu banget. “Ora ngenak-enaki wong
mangan wae.” ........................................................................................................................
Wetengku ya terus krasa muneg-muneg. Aku mlayu metu terus blokekan mutah-mutah, marga kelingan ambune langgar. ...
“Ngapura,” ujarku njaluk ngapura. Kanca-kanca ora ngrewes.
Nalika kanca pemudha pejuwang sami kempal kangge nedha sesarengan kalebet ugi Wimbadi, dumadakan dumugi Kusman ingkang celathu bab ingkang damel
boten sekeca, sarta ndadosaken srengen Narwata. Bab menika dipunsekseni Wimbadi lan sanesipun, ugi ndadosaken Wimbadi ninggalaken papan nedha
amargi badhe mutah. Wimbadi ingkang rumaos boten sekeca kaliyan kanca sanesipun lajeng nyuwun pangapunten amargi tumindakipun, mbokbilih
ndadosaken kanca sanes ugi srengen dhateng piyambakipun, nanging kanca-kanca menika boten ngrewes.
f. Raos penasaran
Raos penasaran inggih menika raosipun tiyang ingkang sajak kepengin mangertos sanget dhateng satunggaling perkawis, saged ugi amargi rumaos boten
marem sarta adreng badhe nindakaken menapa kemawon. Raos penasaran ingkang sanget menika saged nuwuhaken perkawis menapadene tumindak
ingkang boten dipunkinten. Kados ingkang dipuncariyosaken wonten ing novel Kadurakan ing Kidul Dringu, nalika paragatama Wimbadi wicanten kaliyan
Basuki lajeng tuwuh konflik kekerasan fisik ingkang dipunsebabaken dening raos penasaran , mekaten pethikanipun:
“Bas Kena apa kowe nyedhaki aku terus? pitakonku. “Aku seneng cedhak kowe, Wim. Rumangsaku anget, aman.”
“Nanging kena apa kowe melu-melu nyauti gunemku prekara Kusman?” “Lo, mongsok aku? Narwata sing lungguh cedhak cagak mau.”
“Lan bab Kingkinarti. Kowe ngreti apa bab dheweke?” Basuki ngingeti aku. ...
Aku ora sabar. Dheweke dakcandhak gulune, terus dakoyong-oyong
“Kowe aja edan Ayo, kandhaa, kowe ngreti apa?” ujarku. Basuki kaget. kaca 94
Wimbadi gadhah raos penasaran tumrap tumindakipun Basuki ingkang tansah nyedhaki piyambakipun. Sareng angsal wangsulan saking Basuki, malah
ndandosaken Wimbadi tambah penasaran, amargi Basuki menika kados mangertos wonten perkawis ingkang wadi sesambetanipun kaliyan kenya ingkang
dipuntresnani dening Wimbadi. Raos penasaran ingkang sanget sarta boten sabar midhangetaken wangsulan saking Basuki ndadosaken Wimbadi gelap mata lajeng
tanpa sadhar nyakiti Basuki kanthi ngoyong-oyong gulunipun.
g. Kasetyanipun Kingkinarti
Wonten ing gesangipun, manungsa menika kaparingan raos tresna dhateng tiyang sanes. Kanthi wontenipun raos tresna menika saged tuwuh ingkang
naminipun kasetyan, inggih menika raos ingkang tansah mantep lan tumemen tumrap sedyanipun. Setya tuhu menika sikap ingkang sae, nanging ugi saged
njalari konflik, kados ingkang dipunalami dening paragatama wonten ing pethikan novel Kadurakan ing Kidul Dringu menika:
“Dhik Kingkin. Bisa uga solahku iki main kayu. Bisa uga aku kasar Nanging iku marga aku ora bisa ngecakake niyat. Niyatku tumama
marang Dhik Kingkin, trusing ati. Wis pirang-pirang dina iki atiku
kepranan banget.....” “Kayu ada apinya,” panugele kenya iku kanthi tatag, pancerenge mripat
panggah ora kendho. “Jangan main sama aku. Aku ada yang punya” kaca 46
Konflik ingkang tuwuh inggih menika penolakan dening ingkang dipuntindakaken Kingkinarti dhateng Wimbadi. Kingkinarti wani nulak
pikajengipun Wimbadi ingkang tresna dhateng piyambakipun. Saking cariyos ing nginggil ugi kanthi tatag Kingkinarti mangsuli kanthi blaka
“Jangan main sama aku. Aku ada yang punya
”, ingkang ngetingalaken raos kasetyanipun dhateng tiyang ingkang sampun langkung rumiyin nggadhahi Kingkinarti.
h. Raos boten tega
