saking wangsulan
“Lhoh... kok bisa? Kan wis tak kandhani, ...........” minangka
wangsulan saking tuturan
“
Pak komputere rusak malih. ........”.
Kangge mangertosi tegesing tembung panguwuh lhoh data no. 72 ing
panaliten menika kedah dipungayutaken kaliyan konteks tuturan-ipun. Saking konteks tuturan
-ipun tembung panguwuh lhoh menika gadhah teges nedahaken
raos kaget. Tembung menika ngewrat teges kaget amargi saking konteks tuturan- ipun tembung menika mujudaken wangsulan bilih Bapakipun Vita kaget
midhanget bilih komputer-ipun risak malih amargi Vita kesupen boten mateni adaptor
-ipun.
i. Tembung Panguwuh Primer Pola Fonotaktis KKK
Saking asiling panaliten menika, data ingkang awujud tembung panguwuh primer
kanthi pola fonotaktis KKK menawi dipuntingali saking jinisipun namung wonten setunggal jinis, inggih menika jinis seruan utawi panggilan nyuwun
kawigatosan. Salajengipun menawi dipuntingali saking tegesipun tembung panguwuh ingkang adhedhasar konteks tuturan-ipun ugi namung wonten
setunggal teges, inggih menika tembung panguwuh nedahaken raos panyuwunan kawigatosan. Andharan tembung panguwuh primer pola fonotaktis KKK kanthi
jinis seruan utawi panggilan nyuwun kawigatosan ingkang ngewrat teges panyuwunan kawigatosan kadosta wonten ngandhap menika.
Konteks : Nalika ujian akhir sekolah pelajaran Matematika, Bowo
ngundang Dina kangge nyuwun contekan wangsulanipun Dina. Bowo
:
“Heh, sst, Dina Sst, mrene, Din”
ACBSJKMDDData 111
Saking data no. 111 menika ngewrat tembung panguwuh. Tembung sst
salebeting wicantenan wonten ing data no. 111 kalebet tembung panguwuh
amargi tembung sst kasebat dipunginakaken dening Bowo kangge ngandharaken
menapa ingkang dipunraosaken. Babagan menika jumbuh kaliyan menapa ingkang dipunandharaken dening Hadiwidjana 1967: 31, Mulyana 2011: 77,
saha Wedhawati 2006: 417 bilih tembung ingkang kaginakaken kangge ngandharaken menapa ingkang dipunraosaken pamicara dipunwastani tembung
panguwuh. Tembung panguwuh sst wonten wicantenan data no. 111 kalebet tembung panguwuh primer amargi wujudipun tembung sst ingkang prasaja
minangka setunggal wanda kanthi pola fonotaktis KKK. Tembung panguwuh sst manut tata panyeratanipun, sesampunipun tembung sst wonten tandha koma
minangka pamisah antawisipun tembung panguwuh kaliyan ukara. Babagan menika gayut kaliyan menapa ingkang dipunandharaken dening Wedhawati
2006: 417 babagan tata panyerataning tembung panguwuh bilih tembung panguwuh ingkang dipunserat minangka bagian saking satunggaling ukara
dipunsukani tandha koma ,. Tandha menika ginanipun supados antawisipun tembung panguwuh kaliyan ukara saged pisah.
Tembung panguwuh sst menawi dipuntingali saking jinisipun tembung
panguwuh kalebet jinis seruan utawi panggilan nyuwun kawigatosan. Jinis tembung panguwuh seruan utawi panggilan nyuwun kawigatosan katingal saking
titikan tembung sst ingkang gayut kaliyan kawontenan Bowo ngundang Dina. Tembung panguwuh sst kanthi jinis seruan utawi panggilan nyuwun kawigatosan
ingkang nengenaken tembung heh mujudaken perangan saking tuturan
“Heh, sst,
Dina Sst, mrene, Din” minangka respon saking kawontenan Bowo ngundang
Dina.
Kangge mangertosi tegesing tembung panguwuh sst data no. 111 ing
panaliten menika kedah dipungayutaken kaliyan konteks tuturan-ipun. Saking konteks tuturan
-ipun tembung panguwuh sst menika gadhah teges nedahaken raos
panyuwunan kawigatosan. Tembung menika ngewrat teges panyuwunan kawigatosan amargi saking konteks tuturan-ipun tembung menika mujudaken
tuturan bilih kanthi nyuwun kawigatosanipun Dina, Bowo ngundang Dina
supados Dina noleh dhateng piyambakipun lajeng piyambakipun saged nyonto garapan ujian Matematikanipun Dina.
2. Tembung Panguwuh Sekunder