Jinisipun tembung panguwuh dipuntetepaken kanthi dipunjumbuhaken kaliyan teori babagan jinisipun tembung panguwuh ingkang dipunginakaken wonten ing
panaliten. Menawi wujudipun tembung panguwuh saha jinisipun tembung panguwuh sampun dipuntetepaken, lajeng panaliti netepaken tegesipun tembung
panguwuh. Tegesipun tembung panguwuh dipuntetepaken kanthi ningali konteks tuturan-ipun. Saklajengipun ingkang dipuntindakaken inggih menika nyukani
tandha ing tembung panguwuh ingkang sampun kapanggihaken wonten ing antologi cerkak menika.
Sesampunipun teknik maos katindakaken, saklajengipun inggih menika teknik nyathet. Wonten ing teknik nyathet, data ingkang sampun dipunsukani
tandha lajeng dipunserat dening panaliti wonten ing kertu data kanthi jangkep saha trep kaliyan data ingkang dipunbetahaken wonten panaliten, inggih menika
babagan wujud, jinis, saha tegesipun tembung panguwuh. Satemah, cara menika saged damel langkung gampiling klasifikasi saha analisis data.
D. Pirantining Panaliten
Pirantining panaliten inggih menika piranti ingkang dipunginakaken kangge ngasilaken data wonten ing panaliten. Pirantining panaliten ingkang pokok inggih
menika panaliti piyambak human instrument, tegesipun wonten ing panaliten menika panaliti ingkang manggihaken data kanthi maos Antologi Cerkak Bengkel
Sastra Jawa 2007: Kidung Megatruh minangka sumber data, saklajengipun panaliti manggihaken saha ngempalaken data kanthi nyukani tandha wonten ing
tembung minangka data ingkang kalebet tembung panguwuh. Data kanthi wujud
tembung ingkang sampun dipunsukani tandha menika lajeng dipuntemtokaken miturut wujud tembung panguwuh saha jinisipun tembung panguwuh ingkang
dipunjumbuhaken kanthi kriteria-kriteria ing teori magepokan kaliyan wujudipun tembung panguwuh. Panaliti lajeng nemtokaken tegesipun tembung panguwuh
wonten ing Antologi Cerkak Bengkel Sastra Jawa 2007: Kidung Megatruh kanthi ningali konteks tuturan-ipun. Pungkasanipun, panaliti nganalisis data ingkang
sampun kapanggihaken saha dipunpantha-pantha miturut wujud, jinis, saha tegesipun tembung panguwuh kanthi jumbuhaken kaliyan teori ingkang
dipunginakaken wonten ing panaliten menika saha konteks tuturan-ipun. Asiling panaliten lajeng kaandharaken kanthi deksriptif.
Pirantos pambiyantu ingkang dipunginakaken ing panaliten inggih menika kertu data saha tabel analisis data. Kertu data dipunginakaken kangge nyerat
sedaya data minangka wangsulaning prekawis ingkang dipunpadosi, inggih menika ngengingi wujudipun tembung panguwuh, jinisipun tembung panguwuh,
saha tegesipun tembung panguwuh wonten salebeting Antologi Cerkak Bengkel Sastra Jawa 2007: Kidung Megatruh. Kertu data ingkang dipunginakaken wonten
ing panaliten menika awujud tabel. Tabel gadhah fungsi kangge nggampilaken anggenipun ngecek saha ngempalaken data. Wujud kertu data ingkang
dipunginakaken panaliti wonten ing panaliten kadosta ingkang wonten ngandhap menika.
Tabel 1: Wujud Kertu Data
No. Data : 136
Sumber Data : Kp103ACBSJKM
Konteks Tuturan : Wonten ing parkiran sesampunipun Pak Rohmat nyantelaken Tas saha buntelan kresek wonten motor, dumadakan Pak
Ruslan nabok pengkeranipun Pak Rohmat. Tuturan
:
“We...”
Wujudipun TP : Primer, minangka setunggal wanda kanthi pola fonotaktis
KV. Jinisipun TP
: Kaget,
We... ~ Pak Rohmat dipuntabok pangkeranipun dening Pak
Ruslan.
Tegesipun TP : Nedahaken raos kaget amargi dipuntabok pangkeranipun
dening Pak Ruslan. Katrangan:
TP : Tembung Panguwuh
Kp : Korupsi
ACBSJKM : Antologi Cerkak Bengkel Sastra Jawa Kidung Megatruh: 2007
E. Caranipun Nganalisis Data