Tabel 1: Wujud Kertu Data
No. Data : 136
Sumber Data : Kp103ACBSJKM
Konteks Tuturan : Wonten ing parkiran sesampunipun Pak Rohmat nyantelaken Tas saha buntelan kresek wonten motor, dumadakan Pak
Ruslan nabok pengkeranipun Pak Rohmat. Tuturan
:
“We...”
Wujudipun TP : Primer, minangka setunggal wanda kanthi pola fonotaktis
KV. Jinisipun TP
: Kaget,
We... ~ Pak Rohmat dipuntabok pangkeranipun dening Pak
Ruslan.
Tegesipun TP : Nedahaken raos kaget amargi dipuntabok pangkeranipun
dening Pak Ruslan. Katrangan:
TP : Tembung Panguwuh
Kp : Korupsi
ACBSJKM : Antologi Cerkak Bengkel Sastra Jawa Kidung Megatruh: 2007
E. Caranipun Nganalisis Data
Teknik anggenipun nganalisis data wonten panaliten “Tembung Panguwuh
wonten ing Antologi Cerkak Bengkel Sastra Jawa 2007: Kidung Megatruh” menika ngginakaken teknik analisis deskriptif. Cara anggenipin nganalisis data
wonten ing panaliten menika katindakaken kanthi kalih tataran inggih menika analisis tataran kapisan saha analisis tataran kaping kalih. Analisis tataran kapisan
katindakaken kanthi maos, manggihaken data ingkang dipuntetepaken miturut wujud, jinis saha teges tembung panguwuh; lajeng nyerat data ingkang sampun
kapanggihaken wonten ing kertu data. Data nalika dipunlebetaken wonten ing kertu data, dipunanalisis wujudipun, jinisipun, saha tegesipun tembung panguwuh
wonten salebeting Antologi Cerkak Bengkel Sastra Jawa 2007: Kidung Megatruh. Anggenipun nganalisis wujudipun tembung panguwuh dipuntingali saking
wujudipun tembung menika prasaja menapa boten saha kasususun saking
setunggal wanda menapa langkung saking setunggal wanda kanthi jumbuhaken kaliyan teori wujudipun tembung panguwuh, lajeng anggenipun nganalisis
jinisipun tembung panguwuh kanthi dipunjumbuhaken kaliyan teori jinisipun tembung panguwuh. Babagan tegesipun tembung panguwuh dipunanalisis kanthi
jumbuhaken kaliyan konteks tuturan-ipun. Cara anggenipun nganalisis data ingkang salajengipun inggih menika
tataran kaping kalih, inggih menika sesampunipun data dipunpanggihaken saha dipunlebetken ing kertu data, salajengipun data dipunanalisis wonten ing tabel
analisis. Sedaya data menika dipunpantha-pantha miturut kategori-ipun piyambak-piyambak. Kapisan data dipunpantha-pantha miturut wujudipun
tembung panguwuh. Sesampunipun netepaken wujudipun tembung panguwuh lajeng jinisipun tembung panguwuh dipuntetepaken kanthi dipunjumbuhaken
kaliyan teori babagan jinisipun tembung panguwuh ingkang dipunginakaken wonten ing panaliten. Menawi wujudipun tembung panguwuh saha jinisipun
tembung panguwuh sampun dipuntetepaken, lajeng panaliti netepaken tegesipun tembung panguwuh. Tegesipun tembung panguwuh dipuntetepaken kanthi ningali
konteks tuturan-ipun. Saklajengipun data dipunrembag kanthi deskriptif wonten ing pirembagan. Asiling panaliten boten sedaya dipunrembag wonten ing
pirembagan, ananging namung saperangan kemawon minangka tuladha data saking wujud, jinis, saha tegesipun tembung panguwuh wonten salebeting
Antologi Cerkak Bengkel Sastra Jawa 2007: Kidung Megatruh. Asiling panaliten sanesipun dipunserat wonten tabel analisis data ingkang wonten ing lampiran.
Analisis data ingkang dipuntindakaken wonten panaliten menika kanthi pandom ngelmu linguistik, mliginipun ngengingi tata tembung.
F. Validitas saha Reliabilitas Data