konteks tuturan -ipun tembung panguwuh wo menika gadhah teges nedahaken raos
gela. Tembung menika ngewrat teges gela amargi saking konteks tuturan-ipun tembung menika mujudaken wangsulan bilih bapak-bapak ingkang ugi nangkep
copet rumaos gela dhateng copetipun ingkang mlajeng kanthi santer sesampunipun nyopet Bu Rini.
d. Tembung Panguwuh Primer Pola Fonotaktis KVV
Saking asiling panaliten menika, data ingkang awujud tembung panguwuh primer
kanthi pola fonotaktis KVV menawi dipuntingali saking jinisipun namung wonten setunggal jinis, inggih menika jinis seruan utawi panggilan nyuwun
kawigatosan. Salajengipun menawi dipuntingali saking tegesipun tembung panguwuh ingkang adhedhasar konteks tuturan-ipun ugi namung wonten
setunggal teges, inggih menika tembung panguwuh nedahaken raos panyuwunan kawigatosan. Andharan tembung panguwuh primer pola fonotaktis KVV kanthi
jinis seruan utawi panggilan nyuwun kawigatosan ingkang tegesipun nedahaken raos panyuwunan kawigatosan kadosta wonten ngandhap menika.
Konteks : Midhanget swantenipun Ibu Rini ingkang njerit
bilih piyambakipun sampun dipuncopet, tiyang- tiyang sami ngoyak copet menika. Satunggaling
tiyang ingkang ngoyak copetipun nyuwun kawigatosan tiyang sanes ingkang wonten ing
peken.
Ibu Rini :
“Maling, maling, maliiiing, copeeet, copeeeet.” Tiyang ingkang ngoyak copet :
“Woiii... Ana copet”
ACBSJKMByData 77
Saking data no. 77 menika ngewrat tembung panguwuh. Tembung woi
salebeting wicantenan wonten ing data no. 77 kalebet tembung panguwuh amargi
tembung woi kasebat dipunginakaken dening tiyang ingkang nyoyak copet kangge
ngandharaken menapa ingkang dipunraosaken. Babagan menika jumbuh kaliyan menapa ingkang dipunandharaken dening Hadiwidjana 1967: 31, Mulyana
2011: 77, saha Wedhawati 2006: 417 bilih tembung ingkang kaginakaken kangge ngandharaken menapa ingkang dipunraosaken pamicara dipunwastani
tembung panguwuh. Tembung panguwuh woi wonten wicantenan data no. 77 kalebet tembung panguwuh primer amargi wujudipun tembung woi ingkang
prasaja minangka setunggal wanda kanthi pola fonotaktis KVV.
Tembung panguwuh woi menawi dipuntingali saking jinisipun tembung
panguwuh kalebet jinis seruan utawi panggilan nyuwun kawigatosan. Jinisipun tembung panguwuh seruan utawi panggilan nyuwun kawigatosan katingal saking
titikan tembung woi ingkang gayut kaliyan
tuturan “Maling, maling, maliiiing, copeeet,
copeeeet”. Tembung panguwuh woi kanthi jinis seruan utawi panggilan
nyuwun kawigatosan menika mujudaken perangan saking wangsulan
“Woiii...
Ana copet” minangka wangsulan saking tuturan “Maling, maling, maliiiing, copeeet,
copeeeet”.
Kangge mangertosi tegesing tembung panguwuh woi data no. 77 ing
panaliten menika kedah dipungayutaken kaliyan konteks tuturan-ipun. Saking konteks tuturan
-ipun tembung panguwuh woi menika gadhah teges nedahaken
raos panyuwunan kawigatosan. Tembung menika ngewrat teges panyuwunan kawigatosan amargi saking konteks tuturan-ipun tembung menika mujudaken
wangsulan bilih tiyang ingkang nyoyak copet nyuwun kawigatosanipun tiyang sanes menawi wonten copet wonten ing peken.
e. Tembung Panguwuh Primer Pola Fonotaktis KVK