NYUSUN KARANGAN NGALARAPKEUN KECAP

57

Bab 2 Pituduh Husus

D. NYUSUN KARANGAN

No. Kagiatan 1. Guru nitah heula murid sangkan maca téks déskripsi “Ngukut Ucing” keur conto tur gambaran déskripsi. 2. Guru nitah murid disina nyusun karangan wangun dadaran déskripsi. 3. Ngaran henteu héséeun, guru nitah murid disina ngalengkepan karangan nu dicopongkeun. Murid cukup nuluykeun karangan. Paréntah jeung jawabanana bisa dititénan ieu di handap. MIARA LAUK DINA AKUARIUM Wéndi téh miara lauk dina akuarium. Tacan lila miara laukna ogé. Kakara lima poé. Akuariumna beunang nyieun bapana. Akuarium téh dijieunna tina kaca. Kacana anu kandel. Pikeun nyambungkeun tungtung kaca, biasana sok ngagunakeun lém husus keur kaca. Wangun akuarium téh umumna pasagi panjang. Bagian ti tukangna sok ditémpélan gambar tatangkalan. Jadi, katempona latarna siga jujukutan. Dina akuarium sok maké alat sangkan panyedot sangkan cai ngaberekbek. Eta téh ngahaja ngarah siga dina cai anu ngocor kawas dina balong atawa susukan. Cai ngocor téh matak betaheun kana lauk. Aya rupa-rupa lauk nu diingu ku Wéndi téh. Aya lauk koki, sepat, arwana, … Ngarah caina beresih, dina akuarium sok dipelakan lauk sapu. Lauk sapu mah tara gérak kawas lauk séjénna, tapi sok ngadaplok wé dina kaca akuarium. Lauk akuarium mah aya husus parabna. Eta parab téh bisa dibeuli di toko lauk atawa toko akuarium. Béda jeung lauk biasa nu aya di balong. Lauk balong mah parabna ogé bisa huut bisa dangdaunan atawa sangu. Sabulan sakali cai dina akuarium mah kudu diganti. Tujuanana sangkan caina tetep hérang, henteu kiruh jeung kotor atawa lecek. Lamun akuarium dikumbah, lauk-laukna kudu dipindahkeun saheulaaan kana tempat séjén. 58 Buku Tuturus Guru SDMI Kelas II

E. NGALARAPKEUN KECAP

No. Kagiatan 1. Guru nitah heula murid sangkan wanoh kana ngaran babagian lauk, pakakas paranti ngala lauk, ngaran babagian sasatoan, ngaran babagian tatangkalan jeung ngaran tatangkalan. Titénan ieu kalimah: Wéndi téh miara lauk dina akuarium. Guru nerangkeun ka murid yén “lauk mah hirupna téh dina cai. Tangtu ngabogaan alat husus keur ngambekanana. Ieu di handap aya gambar lauk. 2. Guru nitah murid disina nyieun kalimah ku kecap-kecap ngaran babagian sasatoan, tatangkalan, atawa tutuwuhan. Hulu lauk asang cécépét sisit buntut 59

Bab 2 Pituduh Husus