Panalitèn Ingkang Jumbuh

34 kanthi studi katalog såhå ningali piyambak kawontênanipun naskah . Studi katalog dipunlampahi kanthi madosi katranganipun naskah adhêdhasar katalog . Saking asiling studi katalog såhå ningali piyambak ing papan panyimpêning naskah , kapanggihakên kalih eksemplar naskah SWP. Naskah ingkang sapisanan kasimpên ing Perpustakaan Museum Radyapustaka déné naskah ingkang kaping kalih kasimpên ing Perpustakaan Museum Dewantara Kirti Griya. Naskah ingkang dipunginakakên minångkå sumber data panalitèn mênikå inggih Sêrat Wédyå Praståwå ingkang kasimpên ing Perpustakaan Museum Dewantara Kirti Griya Yogyakarta kanthi nomêr BB. 1. 134. Naskah kasêbut kalêbêt naskah cithak. b. Deskripsi Naskah såhå Teks Deskripsi naskah inggih mênikå ngandharakên katrangan minångkå gêgambaran kawontênaning naskah såhå teks ingkang badhé dipuntliti, inggih mênikå teks Sêrat Wédyå Praståwå . Naksah såhå teks Sêrat Wédyå Praståwå dipunandharakên mawi tabel , lajêng dipunandharakên malih ngginakakên uraian utawi paparan. Ingkang kawrat ing deskripsi naskah ing antawisipun inggih mênikå papan panyimpêning naskah , irah-irahanipun naskah , panganggitipun, jinis bahan naskah, lsp.

c. Alih Tulis

Teks Alih tulis teks ing panalitèn mênikå ngginakakên transliterasi teks såhå suntingan teks kanthi ndamêl aparat kritik . Teks Sêrat Wédyå Praståwå dipundamêl transliterasi -nipun mawi metode transliterasi standar . Transliterasi standar inggih mênikå nggantos sêrataning teks Sêrat Wédyå Praståwå ngginakakên aksara Latin såhå kajumbuhakên kaliyan EYD ingkang lumampah. 35 Salajêngipun, supados teks Sêrat Wédyå Praståwå ingkang sampun dipun- transliterasi mênikå rêsik saking korup milå dipunsampurnakakên kanthi ndamêl suntingan teks . Ing panalitèn mênikå suntingan teks ingkang dipunginakakên inggih mênikå suntingan teks edisi standar . Suntingan teks edisi standar dipundamêl kanggé ngandharakên teks ingkang resik saking sêratan ingkang lêpat såhå ketidakajegan ejaan satêmah teks Sêrat Wédyå Praståwå gampil dipunwaos. Suntingan teks dipundamêl kanthi ngleresakên kalêpatan ingkang alit såhå ketidakajegan waosan ing teks Sêrat Wédyå Praståwå kajumbuhakên kalihan EYD ingkang lumampah. Gêgaran kanggé damêl suntingan inggih mênikå Baoesastra Djawa 1939 såhå ejaan basa Jawi ingkang dipun-anggé. Koreksi ing suntingan teks sagêd awujud tambahan, ngirangi, utawi nggantos aksårå, wanda, utawi têmbung saking teks Sêrat Wédyå Praståwå . Lajêng asiling koreksi kasêrat såhå kaandharakên ing aparat kritik. d. Terjemahan Teks Ing panalitèn mênikå terjemahan teks dipundamêl kanthi nggatosakên konteks -ipun, ngginakakên metode terjemahan harfiah , metode terjemahan isi , såhå metode terjemahan bebas . Tigang metode dipunginakakên kanthi adhedhasar EYD, Baoesastra Poerwadarminta, 1939, såhåkon teks tual jumbuh kaliyan teges såhåmaknaning teks . Terjemahan teks Sêrat Wédyå Praståwå dipunwiwiti kanthi alih basa sabên têtêmbunganipun ingkang cêlak kaliyan maksudipun. Mênawi terjemahan teks Sêrat Wédyå Praståwå mênikå botên sagêd kadamêl kanthi metode terjemahan harfiah , lajêng têtêmbungan ing teks Sêrat Wédyå Praståwå sagêd dipun- terjemah -akên ngginakakên metode terjemahan isi utawi makna . Salajêngipun menawi têtêmbungan ing teks Sêrat Wédyå Praståwå botên sagêd 36 dipun- terjemah -akên kanthi cårå harfiah såhå isi, milå têtêmbungan ing teks mênikå sagêd dipungantos ngginakakên båså sasaran kanthi bebas . Asiling terjemahan teks mênikå sagêd nggampilakên anggènipun damêl pirêmbagan ing bab sakawan. e. Pemaknaan Teks Kanggé mangrêtosi makna-nipun teks dipunlampahi kanthi pembacaan heuristik såhå hermeneutik . Kalih metode mênikå dipunginakakên kanggé memaknai teks SWP . Metode pembacaan heuristik mênikå pembacaan satunggaling karyå sastrå mawi sistem semiotik tingkat pertama ingkang awujud pamahaman makna jumbuh kaliyan konvensi basanipun. Pembacaan heuristik ngasilakên pamahaman têgês lumantar kamus Baoesastra kados terjemahan harfiah . Wondéné pembacaan hermeneutik inggih mênikå pembacaan satunggaling karyå sastrå kanthi dhasar konvensi sastrå. Pembacaan hermeneutik dipuntindakakên kangge mangrêtosi makna ingkang sinerat ing salêbêting naskah . Kanthi makatên, makna saking isining teks sagêd dipunpêndhêt såhå dipunginakakên déning pårå pamaosipun.

D. Pirantos kanggé Ngêmpalakên

Data Panalitèn Ing panalitèn mênikå, pirantos ingkang dipunginakakên kanggé ngêmpalakên data inggih mênikå kartu data . Kartu data mênikå pigunanipun kangge ngempalakên katrangan såhå informasi ingkang gayut kalihan naskah såhå teks Sêrat Wédyå Praståwå . Kajawi kanggé ng mpalakên data såhå informasi, data sagêd dipunpånthå-pånthå ngginakakên kartu data adhêdhasar kategori sabên data .