Paédahing Panalitèn

11 Filologi inggih mênikå ngèlmi ingkang dipunginakakên kanggé manggihakên perkembangan kerohanian satunggaling bångså utawi manggihakên kabudayanipun adhêdhasar båså såhå sastrå saking satunggaling bångså Sulastin- Sutrisno, 1981: 7. Wondéné, miturut Baroroh-Baried 1985:1, filologi inggih mênikå satunggaling ngèlmi ingkang gayut kaliyan wohing kasusastran ingkang magêpokan kaliyan bab båså, sastrå, såhå budåyå. Wontên ing Webster’s New Collegiate Dictionary 1997: 861 têgêsipun têmbung philology , inggih mênikå ngèlmi båså såhå studi dhatêng kabudayaning bångså ingkang kawrat ing båså, sastrå, såhå budåyå satunggaling bångså. Wondéné adhêdhasar Groot Woordenboek der Nederlandse Taal lumantar Sulastin-Sutrisno, 1988: 8, filologi inggih mênikå ngèlmi ingkang ngrêmbag bab båså såhå sastrå satunggaling bångså. Salajêngipun, Baroroh-Baried 1994:2 ngandharakên bilih filologi inggih mênikå satunggaling ngèlmi ingkang magêpokan kaliyan studi bab asiling budåyå jaman rumiyin. Kanggé nggampilakên anggènipun mangrêtosi pangrêtosan filologi kadamêl bagan kados ing ngandhap mênikå. Bagan 1: Pangrêtosaning filologi Bagan 1 ing nginggil ngêwrat pangrêtosaning filologi kanthi ringkês. Filologi inggih mênikå ngèlmi ingkang ngrêmbag bab båså, sastrå, såhå budåyå satunggaling bångså minångkå asiling budåyå pagêsangan masarakat jaman rumiyin ingkang kawrat ing salêbêting naskah . Filologi Ngèlmu Båså Sastrå Budåyå Asiling budåyå ingkang sinêrat wontên salêbêting naskah. 12 2. Objek Panalitèn F ilologi Sabên ngèlmi mênikå wontên objek panalitènipun. Makatên ugi ngèlmi filologi . Objek panalitèn filologi inggih mênikå naskah såhå teks . Kanggé nggampilakên anggènipun mangrêtosi bab objek panalitèn filologi milå kadamêl bagan kados ing ngandhap mênikå. Bagan 2: Objek Panalitèn filologi Bagan 2 ing nginggil ngêwrat objek panalitèn filologi kanthi ringkês. Objek panalitèn filologi awujud naskah såhå teks pangrêtosanipun kapratélakakên kados ing ngandhap mênikå.

a. Naskah

Têmbung naskah wontên båså Inggris manuscript, wontên båså Walandi têmbung naskah dipunsêbut handschrift, déné wontên ing båså Latin, têmbung naskah dipunsêbut codex utawi kodeks têgêsipun „buku’ Mulyani, 2009: 2. Naskah inggih mênikå sêratan mawi astå ingkang ngêwrat manéka warni wohing pamikir såhå pangraos minångkå asiling budåyå jaman rumiyin Baroroh-Baried, 1985: 54. Miturut Djamaris 2002: 3, têgêsing naskah inggih mênikå sadåyå bahan têtilaran saking pårå sêpuh jaman rumiyin ingkang sinêrat mawi astå såhå ngginakakên dlancang. Objek panalitèn filologi Naskah Teks