Ancasing Panalitèn Kajian Filologi

19 6 Ukuraning naskah kadospundi, ukuran wiyar såhå panjangipun pintên, kandêlipun pintên ugi sagêd kaukur kanthi centimeter utawi kathahipun pupuh såhå pada pintên mênawi kasêrat kanthi dhapukan sêkar. 7 Ukuraning teks kadospundi, ukuran wiyar såhå panjangipun pintên, mênåpå wontên ingkang kasêrat namung sêpalih, sapratigan, saprasakawan raining dlancang, lsp. 8 Sêratan, jinising aksårå ingkang kaginakakên kanggé nyêrat teks mênåpå kémawon, kasêrat miring mênåpå jêjêg. 9 Rêrênggan, mênåpå wontên rêrêngganipun, mênawi wontên kasêrat ing pundi kémawon, kadospundi mênggah wujudipun, kasêrat utawi kagambar mawi mangsi mênåpå kémawon, wontên gayutipun kaliyan andharaning teks mênåpå botên. 10 Manggålå, mênåpå wontên manggalanipun inggih andharan sadèrèngipun teks utawi andharan wiwitaning sêratanning naskah , mênawi wontên isinipun ngandharakên bab mênåpå kémawon, kasêrat déning ingkang kagungan gagasan mênåpå tiyang sanès. 11 Kolofon, mênåpå wontên kolofon-ipun inggih andharan sasampunipun teks utawi andharan pérangan wingking ing pungkasaning sêratan teks , mênawi wontên isinipun ngandharakên bab mênåpå kémawon, kasêrat déning ingkang kagungan gagasan mênåpå tiyang sanès. 12 Dhapukan, kadospundi mênggah dhapukkaning teks , mênåpå kadhapuk kanthi dhapukan gancaran, sêkar, pawicantênan utawi drama mênåpå kombinasi, mênawi dhapukaning sêkar, inggih dhapukaning sêkar måcåpat: pintên cacahing pupuh såhå pada ing sabên pupuhipun, mawi jinising sêkar mênåpå kémawon. 13 Tåndhå pamaos, ngginakakên tåndhå pamaos mênåpå kémawon, wontên ing dhapukan mênåpå kémawon, kasêrat mawi mangsi mênåpå kémawon, wujuding tåndhå kadospundi, mênåpå wontên panåndhå sanèsipun, såhå kaginakakên kanggé mênåpå kémawon. 14 Isi, isining teks mênikå jangkêp mênåpå kirang, kapunggêl mênåpå awujud fragmen , kadospundi mênggah andharan isining teks . 15 Jinis, kalêbêt ing jinis naskah mênåpå, kadospundi mênggah titikanipun. 16 Båså, ngginakakên ragam båså mênåpå kémawon: båså Jawi ragam krama, ngoko, mênåpå campuran, kadospundi menggah båså ingkang dipunginakakên: mawi båså baku, enggen-enggenan, mênåpå campuran, mênåpå inggih wontên båså sanèsipun sinaosa namung cuplikan Arab, Melayu manapa sanesipun. 17 Cathêtan, mênåpå wontên cathêtan ing salêbêting teks ingkang wontên gayutipun kaliyan teks , mênawi wontên kasêrat ngantos pirang kåcå, wontên ing kåcå pundi kémawon, kadospundi mênggah isi andharaning cathêtan; mênåpå wontên cathêtan ing sajawining teks inggih ing pinggiring dlancang piasmargin: wontên pinten kaca, ing kåcå pintên kémawon, kadospundi mênggah isi andharaning cathêtan. Mênawi wontên cathêtan ing sajawining naskah utawi witnes , kaandharakên wontên ing pundi kémawon naskah sanèsipun, katalog, artikel, kadospundi mênggah gêgayutanipun antawisipun satunggal såhå satunggalipun, kadospundi mênggah boboting andharan 20 ingkang langkung murakabi dhatêng sawênèhing ngèlmi utawi panggêsanganing masarakat. Miturut Saputra 2008: 84, wontên kalih model andharan ingkang sagêd dipunginakakên, inggih mênikå model tabel såhå model uraian. Kalih-kalihipun wontên langkung såhå kirangipun. Mênawi kalih model mênikå dipunginakakên sêsarêngan badhé langkung saé. Model deskripsi naskah såhå teks ingkang kaginakakên ing panalitèn mênikå inggih model tabel såhå model uraian . Model tabel dipunginakakên kanthi pangangkah supados deskripsi naskah Sêrat Wédyå Praståwå langkung cêtha såhå gampil dipunmangrêtosi. Salajêngipun, asiling deskripsi naskah Sêrat Wédyå Praståwå mênikå dipundamel model uraian saéngga paprincèning deskripsi naskah sagêd dipunmangrêtosi déning pamaos.

c. Alih Tulis

Teks Salah satunggalaing ancasing panalitèn filologi inggih mênikå pengalihtulisan utawi pengalihaksaraan. Alih tulis inggih mênikå nggantos sêrataning teks kanthi aksårå ingkang sami kaliyan aksårå sêrataning teks utawi mawi aksårå ingkang béda Mulyani, 2011: 9. Lampahing alih tulis teks wontên ing panaliten mênikå kanthi transliterasi teks , såhå suntingan teks kanthi damêl aparat kritik . Lampahing alih tulis teks kaandharakên kados ing ngandhap mênikå. a Transliterasi teks Transliterasi minångkå salah satunggaling cårå penyuntingan teks kanthi nggantos båkå satunggal aksårå dhatêng aksårå sanèsipun saking abjad satunggal dhateng abjad sanèsipun Djamaris: 2002: 19. Upaminipun teks ingkang sinêrat mawi aksårå Jawa utawi aksårå Arab Pégon kagantos aksårå Latin. Mulyani