panganggening media menika, para siswa saged pikantuk motivasi anggenipun sinau nyekar tembang macapat ugi saged damel raos kepengin mangertos materi
nyekar macapat amargi media menika saged dipunginakaken kanthi mandiri boten winates wekdal saha papanipun.
B. Underaning Perkawis
Saking andharan dhasaring panaliten wonten ing nginggil, saged dipunpendhet perkawis-perkawis, inggih menika.
1. Kaprigelan nyekar macapat Gambuh kelas IV tumrap siswa SD minangka
materi ingkang ewot.
2. Teknik piwulangan namung ngginakaken komunikasi verbal utawi ceramah
ingkang damel siswa ngraos bosen.
3. Model piwulangan ing salebeting kegiatan belajar mengajar, mliginipun
piwulangan nyekar macapat Gambuh taksih ngginakaken model piwulangan
konvensional.
4.
Prelunipun media ingkang ndadosaken siswa sinau kanthi mandiri,
5. Panganggening media ingkang langkung variatif saged mindhakaken kualitas
asiling sinau materi nyekar macapat Gambuh. C.
Watesaning Perkawis
Perkawis ingkang wonten ing underaning perkawis menika kathah. Supados saged langkung fokus, perkawis ingkang dipunrembag ing panaliten
menika ing antawisipun. 1.
Materi ingkang badhe dipundamel kanthi Adobe Flash Creative Suite 5 namung badhe ngrembag babagan materi nyekar macapat Gambuh,
paugeranipun nyekar macapat, saha gladhenipun.
2. Media piwulangan nyekar macapat Gambuh ingkang dipundamel Adobe
Flash Creative Suite 5 awujud CD Compact Disk kanthi pamanggihipun guru kaliyan siswa minangka pangangge media.
D. Wosing Perkawis
Adhedasar saking watesaning perkawis ingkang sampun dipunandharaken, lajeng wosing perkawis panaliten kados kasebut ing ngandhap menika.
1. Kados pundi damel media piwulangan nyekar macapat Gambuh kanthi Adobe
Flash Creative Suite 5 awujud CD Compact Disk? 2.
Kados pundi kualitas media piwulangan ingkang dipundamel kanthi aplikasi Adobe Flash Creative Suite 5 awujud CD Compact Disk?
3. Kados pundi pamanggihipun guru kaliyan siswa minangka pangangge media
piwulangan nyekar macapat Gambuh ingkang dipundamel kanthi Adobe Flash Creative Suite 5 awujud CD Compact Disk?
E. Ancasing Panaliten
Ancasipun panaliten inggih menika kangge ngrantam damel media piwulangan kanthi Adobe Flash Creative Suite 5 awujud CD Compact Disk saha
nguji menapa panganggening media menika saged mbiyantu piwulangan nyekar macapat Gambuh tumrap siswa kelas IV SD, sarta mangertosi pamanggihipun
guru kaliyan siswa wontenipun media piwulangan nyekar macapat Gambuh kanthi aplikasi Adobe Flash Creative Suite 5 awujud CD Compact Disk.
F. Paedahing Panaliten
