1. Tataran Analisis Kabetahan
Analisis menika kalebet tataran ingkang wiwitan. Nalika panaliti nganalisis kabetahan, panaliti nindakaken analisis kadospundi kahanan siswa lan
pamulangan basa Jawi wonten ing sekolahan. Analisis menika kangge mangertosi kakirangan saha kabetahan wonten ing pamulangan basa Jawi. Analisis kabetahan
ugi nindakaken analisis kurikulum wonten ing SD kangge pados materi menapa ingkang trep lan efektif wonten ing produk ingkang badhe dipundamel.
2. Tataran Ngrancang Media
Sasampunipun nyameptakaken menapa kabetahanipun, salajengipun tataran ngrancang media. Saking analisis kabetahan ing SD, panaliti nemtokaken
media menapa ingkang sae saha trep kangge narik kawigatosan siswa SD kangge nyinau tembang macapat Gambuh. Sasampunipun dipuntemtokaken badhe damel
media kanthi aplikasi Adobe Flash CS 5, salajengipun dipuntindakaken studi pustaka. Inggih menika ngempalaken materi babagan tembang macapat Gambuh.
Menawi sampun dipuntemtokaken materi tembang macapat Gambuh salajengipun damel media interaktif Flash.
3. Tataran Damel Media
Sasampunipun pados materi ingkang badhe dipunlebetaken ing media, salajengipun damel flowchart, damel naskah media, ngempalaken piranti kangge
damel desain-ipun, desain produk-ipun, lajeng damel produk-ipun. Piranti kangge desain produk-ipun inggih menika nemtokaken ikon menapa kemawon ingkang
badhe dipundamel, arupi menunipun, gambaripun, saha aluripun media. Desain produk ingkang dipuntindakaken inggih menika: nemtokaken theme-nipun,
tampilan menu utama, profil, materi, video, gladhen, glosarium, tampilan lataripun, saha backsound-nipun.
4. Tataran Validasi saha Ujicoba
Salajengipun inggih menika validasi kaliyan dosen ahli materi lan media. Salajengipun dipuntindakaken pambiji dening guru mata pelajaran basa Jawi saha
dipuntindakaken uji coba tumrap siswa. Validasi menika dipuntindakaken kangge mangertosi kualitasipun media pamulangan ingkang dipundamel kangge nyinau
babagan tembang macapat Gambuh ing SD. Media pamulangan ingkang dipunvalidasi adhedhasar angket ingkang dipunginakaken panaliti ngengingi
saenipun media ingkang badhe dipundamel. Salajengipun dipuntindakaken ujicoba winates tumrap siswa kelas IV SD
Budi Utama. Ujicoba winates awujud pamulangan wonten ing sekolah dipuntindakaken siswa piyambak ngginakken media pamulangan tembang
macapat Gambuh kanthi Adobe Flash CS 5. Salajengipun siswa ngisi angket evaluasi.
Data ingkang
dipunkempalaken lajeng
dipunanalisis saha
dipunginakaken kangge ngoreksi sarta ndandosi media pamulangan ingkang dipundamel supados kualitasipun sae.
5. Revisi saha Damel Produk ingkang Pungkasan