dhasar pirembagan punika, saengga kangge nemtokaken faktor ingkang ndayani kadadosan alih kode salebetipun tembang hip-hop Jawi anggitanipun Jogja Hip-
Hop Foundation dipunlakokaken kanthi nganalisis teks cakepan tuturanipun ingkang dipunginakaken. Kalajengaken saking teks cakepan tuturan punika
dipungayutakenn kaliyan kawontenan ingkang wonten salebetipun tembang hip- hop.
Asilipun panaliten punika manggihaken faktor-faktor ingkang ndayani kadadosan alih kode wonten ing tembang hip-hop Jawi anggitanipun Jogja Hip-
hop Foundation inggih punika; 1 ancas ingkang dipunkajengaken; supados dipunmangertosi masyarakat wiyar manca basa langkung variatif, 2
Gayutipun reff hook tembang, 3 gayutipun ukara wonten ngajengipun translate Inggris-Jawi, 4 gayutipun basa-basi utawi ungkapan, saha 5 saweg
sandiwara.
a. Ancas ingkang dipunkajengaken; supados dipunmangertosi masyarakat
wiyar manca langkung gumyak
Panaliten punika manggihaken maneka warni faktor ingkang ndayani alih kode. Salah satunggalipun inggih punika faktor ancas tartamtu utawi ingkang
dipunkajengaken dening penutur piyambak. Faktor ingkang ndayani alih kode punika jumbuh kaliyan pamanggihipun Poedjasoedarmo 2001: 23 ingkang
ngandharaken bilih faktor ingkang ndayani alih kode salah satunggalipun inggih punika amargi ancas-ancas tartamtu. Data penelitian ingkang jumbuh kaliyan
faktor sebab salah satunggalipun karembag wonten tuladha ngandhap punika.
Data 1 : We are from Jogja, the heart of Java, our culture is weapon. Yeah, this Song of Sabdatama
. Merapi ya iku, keraton ya iku, pancer ing tugu mijil tuwuh saka kono
dumunungku. Ya, Ngayogyakarta hadiningrat negeriku. Song of Sabdatama; bait 1-2
„Kawula sedaya saking Jogjakarta pusatipun tanah Jawi, sajak tembang kawula inggih punika mantra ingkang mili kados lava.
Merapi, kraton, panceripun tugu mijil tuwuh saking Ngayogyakarta hadiningrat negeri kawula ngagesang.
‟ Data alih kode 1 punika kapundhut saking tembang kanthi irah-irahan
Song of Sabdatama bait ingkang kaping setunggal saha kaping kalih. Data wonten nginggil katingal bilih basa ingkang dipunginakaken wiwitanipun migunakaken
basa inggris ingkang kalajengaken migunakaken basa Jawi. Katrangan saking ewahipun basa data panaliten punika dipungayutakenn kaliyan kawontenan
tembang sakpunika ingkang modern ingkang langkung dipunremeni masyarakat saha ancas ingkang dipunkajengaken panganggit bilih tembang ingkang
dipunanggit punika langkung dipunmangertosi maksud saha ancasipun dening masyarakat ingkang wiyar ugi dumugi manca nagari.
Ancasipun panganggit ingkang salajengipun inggih punika basa ingkang dipunginakaken salebetipun cakepan-cakepan tembang langkung gumyak saha
maneka warni basa. Kanthi panganggenipun maneka warni basa punika ningalaken ugi bilih panganggit gadhah kawruh basa ingkang sae amargi saged
migunakaken basa sanesipun ingkang dipungayutakenn basa padintenan ingkang tegesipun boten utawi medal saking topik ingkang dipunngendikakaken
salebetipun cakepan tembang. Dados salebetipun satunggal tembang migunakaken maneka warni basa ananging taksih wonten setunggal pirembagan ingkang
sinambetan. Saha ancas salajengipun inggih punika supados tetembangan punika langkung gumyak saengga kathah para pamireng mliginipunkawula mudha
langkung remen tembang punika.
b. Langkung kepenak dipunmirengaken gayutipun guru lagu saha paring
