hook-hook utawi reff tembang ingkang saking wiwitanipun hook tembang ingkang dipunginakaken migunakaken ukara basa Inggris We are from Jogja, central of
Java, our rhyme is mantra, flows down like lava. Hook punika ingkang dados cirinipun tembang kanthi irah-irahan Song of Sabdatama, semonten ugi tembang
sanesipun wontenten hook-ipun piyambak-piyambak. Saking pirembagan wonten nginggil katingal bilih ingkang dados faktor
ingkang ndayani alih kode salebetipun tembang hip-hop Jawi inggih punika raos pengen njumbuhaken. Wonten punika, njumbuhaken
gayutipun salah satunggalipun perangan ingkang awrat wonten tembang modern inggih punika
hook reff tembang.
d. Gayutipun ukara wonten ngajengipun translate Inggris-Jawi
Asiling panaliten faktor ingkang ndayani alih kode wonten salebetipun tembang hip-hop Jawi anggitanipun JHF inggih punika wontenipun translate
basa. Translate basa punika kalebet pirembagan ingkang wonten gayutipun kaliyan kalih ukara. Biasanipun ukara ingkang wiwitan minangka basa
terjemahan saking ukara ngajengipun. Faktor ingkang ndayani alih kode punika jumbuh kaliyan pamanggihipun Poedjasoedarmo ugi 2001: 23 ingkang
ngandaraken salah satunggalipun faktor sebaipun alih kode inggih punika gayutipun ukara wonten ngajengipun. Data panaliten ingkang dados tuladha faktor
sebaipun alih kode ingkang karembag won nginggil karembag wonten ngandhap punika.
Data 6 : Why religion if only to kill humanity?
Nggo apa agama nek mung mateni? Song of Sabdatama; bait 7
„Kangge punapa agama bilih namung kangge mejahi?‟ Data alih kode 6 punika dipunpundhut saking perangan cakepan
tembang kanthi irah-irahan Song of Sabdatama bait kaping pitu. Saking data panaliten punika katingal bilih basa ingkang dipuginakaken wiwitanipun
migunakaken basa Inggris ingkang ukara salajengipun migunakaken basa Jawi. Katrangan saking data punika dipungayutakenn antawisipun ukara wiwitan
kaliyan ukara salajengipun. Wonten punika katingal bilih ukara ingkang kaping kalih punika minangka terjemahan saking ukara sangajengipun. Kalih ukara
punika dipunangge kaliyan panganggit kanthi ancas bilih panganggit badhe langkung ngandharaken kanthi jelas ukara utawi ungkapan basa Inggris punika
wonten ing basa Jawi minangka basa aslinipun panganggit. Saking pirembagan wonten nginggil katingal bilih salah satunggalipun
faktor ingkang ndayani alih kode ingkang wonten tembang hip-hop Jawi anggitanipun JHF inggih punika wonten gayutipun ukara sangajengipun. Wonten
punika gayutipun ukara sangajengipun punika arupi terjemahan basa ingkang dipunangge dening panganggit kanthi ancas langkung ngandharaken basa
Ungkapan Basa inggri wonten ing basa Jawi minangka basa aslinipun.
e. Gayutipun basa-basi saha ungkapan
