38
Katrangan:
R : Rumaket
BR : Boten Rumaket
F. Caranipun Ngesahaken Data
Panaliti ngginakaken validitas saha reliabilitas kangge ngesahaken data panaliten. Triangulasi teori dipuntindakaken kanthi adhedhasar gegaran teori
panaliten menika. Triangulasi teori dipuntindakaken kanthi teori morfologis mliginipun ing proses morfologis. Menawi analisis ingkang katindakaken sampun
jumbuh kaliyan teori, data menika diapunanggep valid. Ancasipun triangulasi teori inggih menika
ngandharaken pandhapuking tembung andhahan wonten panyandra manten Jawi ing buku Gati Wicara anggitanipun Suwardi Endraswara.
Apilikasi saking triangulasi teori kanthi teori morfologis wonten ngandhap menika.
Tuladha: Sabet byar sanalika wau sri penganten tedhak saking bale sampun kairit wonten salebeting pahargyan. Dt. Lamp I
Tuladha ing nginggil saged dipunpanggihaken tembung andhahanipun inggih menika kairit ka- + irit ‘kenging tumindak inggih menika dipunirit’,
dipunanalisis miturut wujudipun tembung inggih menika tembung andhahan ingkang kadhapuk saking wuwuhan kanthi nyocokaken kaliyan teori. Miturut
teori wuwuhan ingkang dipunginakaken kangge dhapuk tembung kairit inggih menika ater-ater {ka-}. Menika jumbuh andharanipun Wedhawati 2010: 125
menawi tembung
ingkang dipunwuwuhi
ater-ater{ka-} salah
satunggal maknanipun inggih menika ‘kenging tumindak ingkang dipunsebut ing wujud
39
dhasaripun’. Maknanipun tembung kairit ‘kenging tumindak inggih menika dipunirit’.
Cara validitas ingkang dipunginakaken ing panaliten inggih menika validitas ahli. Panaliti rembagan kaliyan tiyang ingkang nguwaosi bab ingkang
dipuntliti, ing panaliten menika panaliti rembagan kaliyan dosen pembimbing. Dosen pembimbing paring pamrayogi saha pamanggih bab asilipun panaliten.
Pamanggih dosen pembimbing menika dipundadosaken dhasar anggenipun panaliti ngecek data asiling panaliten, kanthi makaten dipunpikantuk data
ingkang valid. Reliabilitas ingkang dipunginakaken panaliti inggih menika reliabilitas
stabilitas. Reliabilitas stabilitas inggih menika cara nguji data ingkang dipuntindakaken kanthi ngambali anggenipun maos data arupi tembung andhahan
ngantos pikantuk
data ingkang
ajeg. Asiling
data ingkang
sampun dipunkempalaken saking proses ngambali maos kalawau salajengipun dipun-kaji
jumbuh kaliyan prakawis ingkang dipuntliti, inggih menika pandhapukipun tembung andhahan saha maknanipun tembung.