104 nginep di tempat kaya gini disamping kita itu ada motivasi didorong rasa
takutkan kita malampun kan bisa, bisa melek nuwun sewu ya. Tapi kalau di rumah walaupun sudah di dorong dengan kopi apapun kadang-kadang
karena di rumah, sebelah ada anak, ada istri sebelahnya ada tetangga tidak ada rasa takutkan? Nah untuk mendorong kita bisa bertahan,
mungkin berdo’anya agak bisa khusyuk nah mungkin di tempat kaya gini. Itu motivasi saya seperti itu di samping ziarah atau nguri-nguri budaya
Jawi dulu ya ada faktor-faktor yang seperti itu biasane.”CLW 02
“Menika limrahipun kados menika Mbak, limrahipun menawi kita badhe maos donga utawi tuladhanipun kita badhe ngatamaken Qur’an ngntos
dumugi tigang dinten, menawi kita wonten ing griya menika wonten pakaryan utawi wonten lare, wonten dhayoh mesthi mboten saged.
Menawi nyipeng ing papan kados menika sanesipun kita wonten motivasi kita ugi dipundorong raos ajrih menawi kita nglamun satemah kita
langkung waspada. Ananging menawi ing griya wondene sampun dipundorong kaliyan ngunjuk kopi utawi menapa kemawon kadang kala
ing griya wonten lare, wonten semah ing sisihipun wonten tangga mboten ngraosaken ajrih kan? Menika kangge dorong supados kita saged nahan,
donganipun langkung khusyuk, inggih wonten ing papan kados menika. Menika motivasi kula, sanesipun ziarah utawi nguri-nguri budaya Jawi
kala rumiyin inggih wonten sebab-sebab ingkang kados menika
limrahipun.”CLW 02
c. Ziarah III
Ing Ziarah III, dipuntindakaken dening peziarah Bapak Joko saha Ibu Ami. Urut-urutanipun lampah ing Ziarah III kadosdene ing ngandhap menika.
1 Nyawisaken Sesaji
Wonten ing urut-urutanipun Ziarah III ingkang kapisanan inggih menika nyawisaken sesaji. Sesaji ingkang dipunbekta ing Ziarah III awujud sesaji III
inggih menika sekar telon, kemenyan, pisang raja, pisang ambon, kinangan, rakan, lisah duyung, ses saha toya barokah.
2 Manggihi Juru Kunci
Sakderengipun minggah wonten ing pesareyan Kalibening, Ibu Ami kaliyan putranipun inggih menika pak Joko manggihi Mbah Ardjasemita, juru
105 kunci pesareyan Kalibening. Ancasipun manggihi juru kunci inggih menika
kangge ngandharaken menapa ancas piyambakipun saha putranipun badhe nindakaken tradhisi ziarah pesareyan Mbah Kalibening.
3 Ziarah ing Pesareyanipun Mbah Padang
Saksampunipun manggihi juru kunci lajeng peziarah tumuju pesareyan Mbah Padang ingkang pesareyanipun ing sisih kilen nginggil pendopo
Kalibening. Ibu Ami saha putranipun ziarah rumiyin ing pesareyanipun Mbah Padang. Menika dipuntindakaken kanthi ancas nyuwun idin sakderengipun ziarah
ing dalemipun pesareyan Mbah Kalibening. Mbah Padang menika dipunpitados muridipun Mbah Kalibening. Satemah peziarah ingkang nindakaken ziarah ing
pesareyanipun Mbah Padang rumyin menika dipunibarataken kadosdene sowan. Menawi badhe kepanggih gurunipun menika kedah lumantar muridipun rumiyin.
Ancasipun inggih menika Mbah Padang saged mbiyantu ngandharaken menapa ancasing peziarah nindakaken ziarah pesareyan Mbah Kalibening sarta tumut
ndongakaken peziarah. Andharan kasebat jumbuh kaliyan pratelanipun informan 07.
“ya itu karena Mbah Padang sebagai muridnya jadi ya ibaratnya kalau mau sowan atau bertamu lewat muridnya dulu seperti itu”CLW 07
“Inggih menika amargi Mbah Padang minangka muridipun satemah inggih ibratipun menawi badhe sowan utawi kepanggih menika ngliwati
muridipun rumiyin”CLW 07
106
4 Siram
Saksampunipun ziarah ing pesareyan Mbah Padang, peziarah tumuju sumur Kalibening kangge nindakaken siram. Ibu Ami tumuju sumur putri dene
Bapak Joko tumuju sumur putra. 5
Wudlu Saksampunipun siram, lampah ingkang dipuntindakaken inggih menika
wudlu ing sumur barokah. Peziarah tumuju sumur barokah, lajeng wudlu kanthi gantosan.
6 Mendhet Toya Barokah
Saksampunipun wudlu lajeng peziarah mendhet toya sumur barokah kanthi dipunwadhahi botol. Peziarah nyawisaken setunggal botol, lajeng mendhet
toya barokah kasebat. Peziarah mboten nyawisaken sesaji nalika badhe mendhet toya barokah.
7 Ziarah ing Pesareyanipun Mbah Kalibening
Lampah saklajengipun inggih menika, peziarah tumuju pesareyanipun Mbah Kalibening kangge nindakaken ziarah. Peziarah sesarengan juru kunci
mlebet ing pesareyan Mbah Kalibening. Peziarah angenipun ziarah ngangge lumantar juru kunci, tegesipun peziarah anggenipun ndonga ziarah ngginakaken
donga pengantar saking juru kunci. Peziarah ngaturaken sesaji marang Mbah Ardjasemita, lajeng Mbah Ardjasemita nata sesaji sarta miwiti ngobong kemenyan
sarta miwiti maos donga pengantar ziarah. Saksampunipun juru kunci maos donga
107 pengantar lajeng Mbah Ardjasemita medal lajeng peziarah nglajengaken maos
yasin sarta tahlil piyambak.
d. Ziarah IV
