130 “...kejawi ziarah menika, kula wonten acara kaosdene meditasi menika,
dados maos Alqur’an, dzikir supados mboten keganggu lingkungan, putra, semah kados menika. menika kangge nenangaken dhiri kados
menika.”CLW 05 Ziarah pesareyan wonten ing pesareyan tokoh ingkang dipunagungaken
salah satunggaling wujud sinkritisme Islam saha kejawen inggih menika nindakaken ajaran Islam sarta nindakaken tradhisi kejawen. Kadosdene
nyaketaken dhiri pribadhi kita tumrap Gusti Ingkang maha Kuwaos kanthi cara ziarah, lajeng donga-donganipun ingkang dipunwaos inggih menika waosan Al-
Qur’an dipunjangkepi kaliyan sesaji-sesaji dening Peziarah ingkang pitados saha waosan khusus saking juru kunci.
2. Paedah Ekonomi
Paedah ekonomi mujudaken paedah ingkang wonten gayutipun kaliyan pamedaling warga masarakat. Kanthi tradhisi ziarah pesareyan Mbah Kalibening
ingkang sampun katindakaken dening masarakat panyengkuyungipun, limrahipun masarakat Kalibening saged ningkataken pedamelanipun masarakat satempat.
Wontenipun tradhisi ziarah pesareyan Mbah Kalibening ndadosaken desa menika dados desa wisata religi, saking para peziarah ingkang rawuh saged paring
pamasukan tumrap masarakat desanipun. Menika saged ketingal saking kawontenanipun koprasi desa wonten ing
komplek ngajeng Pesareyan Kalibening. Peziarah pesareyan Mbah Kalibening ingkang mbetahaken perkawis saged mundhut wonten ing koprasi desa menika.
Asiling koprasi menika saged kangge pamasukan desa.
131 Tradhisi ziarah pesareyan Mbah Kalibening menika ugi dados tambahan
penghasilan dening Mbah Ardjasemita saha Bapak Sunaryoko ingkang dados juru kunci pesareyan Mbah Kalibening. Peziarah ingkang sami ziarah limrahipun
ngaturaken arto seikhlasipun kangge juru kunci saksampunipun ziarah. Sanesipun menika saking kathahing peziarah ingkang mbekta kendaraan mbetahaken tukang
parkir kangge markiraken kendharaanipun. Saking kahanan menika saged mbikak tambahan pedamelan dening warga setempat dados tukang parkir. Kanthi cara
mboten langsung menika mangribawani dhateng mindakipun ekonomining warga masarakat sekiwa tengenipun pesareyan Mbah Kalibening.
3. Paedah Sosial
Inggih menika paedah ingkang gegayutanipun kaliyan sesambetan antawisipun priyantun setunggal kaliyan sanesipun. Masarakat ingkang
nindakaken tradhisi ziarah pesareyan Mbah Kalibening limrahipun menika gadhah donga utawi ancas piyambak-piyambak. Saking donga utawi ancas igkang
sampun kagayuh para ziarah kadang kala ndamel tumpeng kangge wujud sukuran. Kadosdene andharanipun informan 01.
“nggih priyantun sami ngriki malih, wonten ingkang damel tumpeng di bekta ngriki kangge sukuran.” CLW 01
“Inggih priyantun sami rawuh ngriki malih, wonten ingkang damel tumpeng dipunbekta
wonten ngrki kangge sukuran.”CLW 01 Andharan menika dipunsengkuyung dening andharanipun informan 05
“masarakat teng ngriki nggih sering ziarah, hla niku kadang kadang gadhah rutinan. Menapa setaun sepindah, menapa pinten sasi, menapa
saben badhe wonten hajat niku nggih sering dalam arti niku contone kados niki mawon anake niku badhe usaha teng luar nagari, niku ziarah. Bar
132 ziarah nyuwun berkaeh, ndongani anak, nyuwun ngapura niku dugi
wangsul teng nggriya. Nek sing gadhah, tangga teparo ngadakaken sukuran. Sukuran, dikumpulaken tanggane ken rubungan tahlilan. Sukuran
niku bahwa ngrim donga teng Mbah Kalibening saraning anak kula ajeng nyambut damel teng Malaysia, Singapura, menapa badhe usaha ndaftar
damel menapa, usaha pedagang menapa tani menika tergantung khajatipun
dados menika tradhisi wonten masarakat.” CLW 05 “masarakat wonten ing ngriki inggih asring ziarah, menika kadang kala
gadhah rutinan. Menapa setaun sepindah, menapa pinten sasi, menapa saben badhe wonten hajat menika inggih asring, tegesipun menika
tuladhanipun kados menika mawon. Putranipun menika badhe nyambut damel wonten ing luar nagari, menika ziarah. Saksampunipun ziarah
menika nyuwun barokahipun, ndongani putranipun, nyuwun pangapunten menika dumugi wonten ing ndalem. Menawi priyantun ingkang gadhah,
tangga teparo menika ngawontenaken sukuran. Sukuran, dikempalaken tangganipun supados nindakaken tahlilan. Sukuran wujud ngirim donga
marang Mbah Kalibening, sarananing putra kula badhe nyambut damel ing Malaysia, Singapura, menapa badhe usaha ndaftar damel menapa, usaha
pedagang menapa tani menika gumantung khajatipun dados menika
tradhisi wonten ing masarakat.”CLW 05 Saking andharan menika saged dipunpendhet dudutan menawi paedah
sosial saking tradhisi ziarah pesareyan Mbah Kalibening inggih menika saged dados sarana sesrawungan antawisipun peziarah, juru kunci sarta warga setempat
satemah menika
saged ningkataken
silaturahmi tumrap
masarakat panyengkuyungipun, amargi saking rutinan anggenipun nindakaken ziarah menika
peziarah sami tepang, sami rukun saha sami berbagi rejeki dhateng sanesipun lumantar sukuran menika.
4. Paedah Pelestari Tradhisi