2. Pawadan Ingkang Murugaken Konflik
Wontenipun konflik ing salebeting novel menika sampun tamtu wonten pawadanipun. Menika jumbuh kalihan andharanipun Nurgiyantoro 2012 :179
konflik yang dialami oleh tokoh protagonis tidak harus hanya disebabkan oleh tokoh antagonis seorang beberapa orang individu yang dapat
ditunjuk secara jelas. Ia dapat disebabkan oleh hal-hal lain yang diluar individualitas seseorang, misalnya bencana alam, kecelakaan, lingkungan
alam dan sosial, aturan-aturan sosial, nilai-nilai sosial, kekuasaan dan kekuatan yang lebih tinggi dan sebagainya.
Saking andharan miturut wonten ing nginggil menika saged dipunpendhet
dudutanipun bilih nalika wonten konflik menika saged dipunsebabaken maneka warni pawadan. Wonten ingkang awujud alangan ingkang sebabipun saking alam,
lingkungan kalihan sosial masarakatipun. Menika kalawau ingkang njalari wontenipun konflik leres wonten ing pagesangan kasunyatanipun utawi wonten
ing cariyos. Wonten ing ngandhap menika badhe karembag pawadan konflik ingkang wonten ing salebeting novel Clemang-Clemong anggitanipun Suparto
Brata.
a. Abyor ngrigoni Mbok Jah nalika nembe ngepel jogan satemah Yang
Tri ndukani Abyor
Nalika Mbok Jah nembe ngepel jogan, Abyor ngrigoni Mbok Jah sebab menika Abyor asring dipundukani kalihan Yang Tri. Menika jumbuh kalihan
pethikan data wonten ing ngandhap menika. Sok malah Abyor njarag, Mbok jah lagi ngepel jogan kamar karo
mbrangkang, ditumpaki Abyor, rekake numpak Jaran kaya ing Malboro Country an American Original CC : kaca 216
Saking pethikan data menika ngandharaken bilih Abyor minangka lare alit
menika sok ngrigoni Mbok Jah nalika Mbok Jah nembe nyambut damel. Nalika
Mbok Jah nembe ngepel jogan, Abyor kepara malah ngrigoni Mbok Jah kanthi sok ngajak Mbok Jah guderan menapa sanesipun ingknag ndadosaken Mbok Jah
boten saged nyambut damel, mangertosi menika ndadosaken Yang Tri menika ndukani Abyor. Abyor panci asring ngregoni Mbok Jah amargi Abyor menika
boten gadhah kanca dolan sasampunipun Mbak Jujur kesah saking dalemipun Pak Sunar.
b. Abyor nyuwun supados Mbak Jujur boten dipuntundhung dening
Yang Tri
Menika pawadan ingkang murugaken Yang Tri ndukani Abyor. Abyor menika celak sanget kalihan Mbak Jujur, sanajan namung rewang Abyor menika
sayang sanget kalihan Mbak Jujur. Satemah nalika Mbak Jujur badhe dipuntundhung dening Yang Tri, Abyor menika nggondeli Mbak Jujur lan
nyuwun dhateng Yang Tri supados Mbak Jujur menika boten dipuntundhung. “ Emoh, emoh Emoh aku ditinggal, emoh Aku melu kowe wae”
CC : kaca 215 Data menika pethikan saking Abyor nalika Mbak Jujur badhe kesah saking
dalemipun Pak Sunar. Abyor menika rumaos kelangan sanget yen Mbak Jujur menika kesah saking dalemipun Pak Sunar. Abyor sampun kulinten kalihan Mbak
Jujur saking alit menika awit saking Ibunipun Abyor menika gerah satemah Abyor menika kulinten kalihan Mbak Jujur lan boten purun yen Mbak Jujur kesah
saking dalem. Awit saking polahipunAbyor ingkang nggondeli Mbak Jujur, Abyor dipundukani Yang Tri.
c. Abyor nubruk Mbok Jah nalika Mbok Jah nembe ngepel jogan