Kuwi genah jodoh keplecuk Ora dirancang saka atine, ora tumus saka angen-angene. Wejangan wong tuwa disepeleke. Mesthi dudu pilihane
Budhe rak iya ta? Pilihan awur-awuran Merga yen nggugu karepe wong tuwa, wong nggantheng sugih kaya Mas Sunar, mesthi dijodohake
karo prawan anake priyayi, putra-putrine wong pangkat. Iya,ta? Ora
kaya anake wong Mojokerto” CC : kaca 347 Saking andharan wonten ing nginggil cetha bilih Bulik Ratu menika
sombong babagan piyambakipun lan remen ngelokaken pribadhi tiyang sanes. Bulik Ratu minangka wanita ingkang terhormat lan sejajar pramila
dipunsandingaken kalihan Pak Sunar menika cocok. Satemah wujud konflik sosial ingkang salajengipun inggih menika sombong saking Bulik Ratu.
n. Sikapipun Mbak Jujur
Sikapipun Mbak Jujur ingkang dados pawadan ingkang murugaken konflik nalika Yang Tri menika nyuwun supados Mbak Jujur medal saking dalemipun
Pak Sunar, ananging Mbak Jujur boten enggal-enggal medal amargi awrat bilih kedah ninggalaken Abyor. Pramila menika Yang Tri duka amargi Mabk Jujur
boten enggal-enggal kesah saking dalemipun. Kanthi emosi Yang Tri ndugang rainipun Mbak Jujur ugi Yang Tri ndukani Mbak Jujur. Ing ngandhap menika
pethikan data ingkang negesaken pawadan Yang Tri tumindak kasar dhateng Mbak Jujur.
Mbak Jujur ngekep-ngekep Abyor karo nangis sesenggrukan. Ngambungi Abyor karo pamit arep lunga. CC : kaca 215
Amrih Mbak Jujur menika tresna sanget kalihan Abyor, Abyor ugi mekaten tresna sanget kalihan Mbak Jujur. Kekalihpun sami boten purun kelangan, nalika
Abyor tetep meksa Mbak Jujur supados boten kesah ananging Abyor malah
dipundukani dening Yang Tri lan Mbak Jujur kepara malah dipundugang rainipun kalihan Yang Tri.
Salajengipun ingkang dados pawadan ingkang murugaken konflik sosial ing salebeting novel Clemang-Clemong inggih menika salah penampi. Saben tiyang
menika gadhah pamanggih sanes babagan satunggal bab ingkang sami, menika jumbuh kalihan interpretasi saben tiyang-tiyang. Salah penampi ugi mekaten
nalika paraga ing salebeting novel gadhah pamanggih beda kalihan kasunyatanipun. Wonten ing pawadan salah penampi wonten kalih prekawis,
antawisipun Yang Tri kalihan Mbak Nora saha Yang Tri kalihan Mbak Jujur.
o. Yang Tri salah penampi kalihan Mbak Jujur
Menika kawiwitan nalika Mbak Jujur matur dhumateng Yang Tri biilih piyambakipun ngandhut putranipun Pak Sunar, ingkang boten sanes inggih
menika majikanipun piyambak. Yang Tri ingkang dipunlapuri babagan menika lajeng emosi lan nundhung Mbak Jujur supados medal saking dalemipun Pak
Sunar. Miturut pamanggihipun Yang Tri, ingkang dipunaturaken dening Mbak Jujur menika namung ngapusi amargi Pak Sunar menika sampun gadhah garwa
lan putri satemah Pak Sunar menika numindakaken tumindak ingkang ala menika kalihan Mbak Jujur. Ing ngandhap menika pawadan nalika Yang Tri menika salah
pinampi kalihan Mbak Jujur. “ Iya, iya, iya Aku sing luput Aku sing luput Apuranen, Jujuur,
apuranen Pacen dhek semana panonku mak prepet diwalehi dening Jujur. La ya ibu ngendi ora muntap, ora muring dilapuri yen abdine
ngandheg saka polahe putrane? Gek putrane duwe keluwarga dhuwur drajate, jabatane direktur, duwe garwa lagi lara, duwe anak cilik lagi
cemlewo lucu. Aku ora bisa nampa plapurane Jujur, dakarani Jujur ora jujur, sing dikandheg mbok menawa wijine wong lanang liya. Sadurunge
keprungu sapa-sapa gage wae Jujur daktundhung, dian kuwi uga kudu
lunga Lan kahanan kuwi daktutup-tutupi tenan Ora dakakandhakake Woron, ora dakkandhakake Sunar. Dakkira ora ana sing ngerti. Sanajan
bareng Jujur wis lunga atiku keranta-ranta, keduwung, ngrasa cotho ora ana Jujur. Oh,Jujur aku ora ngiro babar pisan menawa Ibumu Woron ya
wis ngereti prekaramu kuwi ” Sesambetane Yang Tri. CC : kaca 403 Sampun limrahipun yen Yang Tri minangka tiyang sepuhipun Pak Sunar
duka nalika rewangipun matur yen piyambakipun ngandhut putra saking majikanipun piyambak. Yang Tri nundhung Mbak Jujur menika ugi kangge boten
damel kisruh wonten ing kulawarganipun Pak Sunar kalihan Bu Woron. Yang tri dereng mangertos bilih Bu Woron minangka garwanipun Pak Sunar sampun
mangertos babagan Mbak Jujur ingkang ngandhut putranipun Pak Sunar. Sesambetanipun Pak Sunar kalihan Mbak Jujur menika ugi sampun pikanthuk idin
saking Bu Woron, amargi Bu Woron minangka garwanipun Pak Sunar menika boten saged nindakaken kewajibanipun dados garwa amargi piyamabakipun
nembe gerah. Satemah Pak Sunar dipundawuhi sesambetan kalihan Mbak Jujur.
p. Yang Tri salah pinampi dhateng Mbak Nora
