alit ingkang taksih polos satemah dereng saged mangertos babagan unggah- ungguh majikan kalihan rewang.
Nalika Abyor menika dipundukani Mbok Jah, kepara malah Abyor ngelokake Mbok Jah. Menika jumbuh kalihan pethikan data wonten ing ngandhap
menika. Iki ora adil Yen Yang Tri sing liwat dienengke wae. Mula Abyor, kanggo
males ora adile, anggone mlaku gegancangan ngetutkake Yang Tri ora gelem nyisih kaya Yang Tri. Teras kenceng wae, pas nabrak Mbok Jah
sing lagi mbrangkang ngalangi dalan. Cemplo, bali meneh Abyor nyengklak gegere Mbok Jah.
“ Hikiik Jeng Abyor rak mesthi Rumangasane aku ki apa?” “ Mbok Jah- Mbok Jah , kowe dak kandhani Jaaah Mata siput, irung,
kuping gedhe, jiwitanmu ora lara ki Jaah”
“Dhasar mbeling Cah wedok kok tingkahe kaya Baru Klinthing Kedandapan” CC : kaca 229
Amargi sikapipun Mbok Jah ingkang kurang adil tumrap Abyor lan Yang
Tri nalika liwat wonten ing papan ing nembe dipunpel, Abyor ngelokake Mbok Jah. Abyor menika lare alit ingkang pinter, menika saged katingal nalika Mbok
Jah menika mbedaaken antawisipun Yang Tri kalihan Abyor. Sebab menika ingkang njalari Abyor ngelokaken Mbok Jah sami kalihan yen ngundang gajah.
e. Abyor menika kekathan cariyos kalihan sekretarisipun Pak Sunar
Nalika semanten Abyor dipundhawuhi Yang Tri supados tilpun bapakipun ngaturi pirsa bilih Ibunipun sampun seda. Ananging nalika tilpun kasambung lan
dipunangkat kalihan sekretarisipun Pak Sunar, Mbak Nora, Abyor kesupen tujuanipun tilpun kepara malah cariyos kathah kalihan Mbak Nora. Menika
ingkang ndadosaken Yang Tri duka satemah ndukani Abyor babagan Abyor kekathahan cariyos kalih Mbak Nora. Menika jumbuh kalihan pethikan data ing
ngandhap menika.
“ Jare Bapak, mbak Nora ki pegawene Bapak ing kantor sing ayu dhewe.” “ iya? Bapak ngendika ngono? Ngendika yen Mbak Nora ki ayu?”
“Iyaa. Sumpah1 jare kaya Maria Mercedes.” “Maria sapa?”
“ Maria Mercedes telenovela sing disenengi Mbak Jujur karo ibukku. Uga Misni.” CC : kaca 238
Pethikan data menika negesaken bilih Abyor menika malah cariyos babagan
Mbak Nora, menika ndamel Yang Tri duka amargi wonten ing kawontenan menika langkung wigati. Wekdal menika boten tilpun kangge dolanan ananging
badhe ngabari warta ingkang wigati. Anggenipun Abyor cariyos menika ndamel Abyor kesupen bilih dipundawuhi matur dhateng Bapakipun bilih Ibu sampuun
seda.
f. Abyor kirang sopan dhateng Yang Tri
Tumindaknipun Abyor ingkang kurang sopan kalihan Yang Tri menika nalika Abyor ingkang mapan wonten celakipun Yang Tri malah ngentut. Nalika
kahanan nembe ribet lan kemrungsung malah Abyor ngentut menika ndamel Yang Tri ndukani Abyor. Menika ing ngandhap pethikan data ingkang negesaken bilih
Abyor dipundukani kalihan Yang Tri amargi piyamabakipun ngentut. “ La apa jenenge, Yang Tri geger apa jenenge...” saute Abyor. Preett.
CC : kaca 243 Kawontenan menika nalika Bu Woron nembe kemawon tilar donya, lajeng
kulawarga menika sami geger. Pak Sunar minangka garwanipun Bu Woron nembe tindak kantor badhe dipunkabari ananging bingung badhe kados pundi.
Yang Tri menika boten saged ngginaaken tilpun , boten mangertos yen Abyor menika sanajan lare alit ananging saged sekedhik-sekedhik ngginaaken tilpun.
Nalika nembe geger badhe kadospundi kepara malah Abyor ngentut ingkang sora, menika ndamel Yang Tri duka sateamh ndukani Abyor.
g. Abyor boten mirengaken ngendhikanipun Yang Tri
