1. Home
  2. Lainnya

Ikon Ikon, Indeks saha Simbol

27 BAB III CARANIPUN PANALITEN

A. Jinising Panaliten

Panaliten menika ngginakaken jinis panaliten deskriptif. Wonten ing panaliten menika, panaliti nggambaraken kadospundi cakepan ingkang dipunginakaken ing Album Munajat Tresna anggitanipun Didi Kempot. Sekar- sekar ingkang kalebet ing album, inggih menika Munajat Tresna, Dhik, Jambu Alas, Nanggap Campursari, Sekonyong Konyong Koder, Plong, Cucak Rawa, Stasiun Balapan, Sewu Kutha saha Tanjung Mas Ninggal Janji. Metode panaliten deskriptif dipunginakaken amargi panaliti ngandharaken babagan tembung- tembung utawi babagan semiotik ingkang gegayutan kaliyan ikon, indeks saha simbol salebeting Album Munajat Tresna anggitanipun Didi Kempot. Ikon, indeks saha simbol menika kalebet basa ingkang dipunbedhah saking satunggaling sistem pralambang ingkang saged dipunmangertosi kanthi cara lisan utawi tulis.

B. Sumber Data

Sumber data panaliten inggih menika sekar-sekar salebeting Album Munajat Tresna anggitanipun Didi Kempot. Sekar ingkang kapendhet kangge panaliten inggih menika saking DVD Karaoke Didi Kempot ingkang dipunrilis 21 Januari 2009, produksi saking PT. Nagaswara. Sekar-sekar ingkang kalebet ing album, inggih menika Munajat Tresna, Dhik, Jambu Alas, Nanggap Campursari, Sekonyong Konyong Koder, Plong, Cucak Rawa, Stasiun Balapan, Sewu Kutha saha Tanjung Mas Ninggal Janji. Data wonten ing panaliten menika 28 kapanggihaken wonten ing cakepan saking sekar-sekar wonten ing Album Munajat Tresna anggitanipun Didi Kempot ingkang gadhah unsur ikon, indeks saha simbol. Salebeting cakepan sekar campursari menika langkung kathah ngginakaken basa Jawi dialek Solo saha Jawa Tengah. Wonten ugi ukara ingkang dipunseseli kaliyan basa Indonesia utawi sanesipun salebeting cakepan sekar.

C. Cara Ngempalaken Data

Anggenipun ngempalaken data dipuntindakaken kanthi teknik nyemak saha teknik nyathet. Panaliti kaping pisan nyemak tuturan cakepan sekar-sekar ingkang wonten ing Album Munajat Tresna anggitanipun Didi Kempot kangge mangertosi tegesipun tembung saha manggihaken data ingkang dipunkersakaken. Kaping kalih, dipuntindakaken teknik nyathet. Teknik nyathet dipuntindakaken dening panaliti kanthi nyathet sedaya cakepan ingkang gadhah unsur ikon, indeks saha simbol salebeting pacelathon ing sekar campursari kasebut. Anggenipun ngempalaken data dipuntindakaken kanthi; 1. Teknik nyemak: panaliti ningali, mirengaken saha nggatosaken struktur ingkang gadhah unsur ikon, indeks saha simbol salebeting sekar-sekar Album Munajat Tresna anggitanipun Didi Kempot. Cara menika dipuntindakaken kangge manggihaken makna saking cakepan sekar-sekar kasebut. 2. Kangge manggihaken wujuding struktur ingkang gadhah unsur ikon, indeks saha simbol utawi saking basa denotatif dhumateng konotatif, sedaya data dipunjumbuhaken kaliyan teori ingkang dipundadosaken landhesan.

Dokumen yang terkait

IDEOLOGI FREEMANSONRY DALAM COVER ALBUM DEWA 19 Analisis Semiotik Pada Cover Album Kaset Dewa 19

0 9 39

TEMBANG CAMPURSARI KARYA DIDI KEMPOT DALAM SIARAN RADIO DOT ID (DIDI KEMPOT IDOLAKU) DI RADIO POP FM SOLO KAJIAN SEMANTIK

0 62 73

WACANA BAHASA JAWA DALAM SEPULUH LIRIK LAGU CAMPURSARI KARYA DIDI KEMPOT (Suatu Tinjauan Kohesi dan Koherensi)

2 104 199

AN ANALYSIS OF DEIXIS IN RAJA CAMPUR SARI OF DIDI KEMPOT’S SONG.

2 17 20

SEMIOTIK SYAIR LAGU KARYA SUJIWO TEJO ALBUM PADA SUATU KETIKA.

2 25 109

PIWULANG MORAL WONTEN ING CAKEPAN GENDHING DOLANAN WONTEN ING BUKU GENDHING-GENDHING DOLANAN ANGGITANIPUN SRI WIDODO.

3 47 200

RELIGIUSITAS ISLAM ING CAKEPAN SEKAR BUGIE ALBUM KELAYUNG-LAYUNG.

2 17 170

BASA KIAS ING CAKEPAN TEMBANG CAMPURSARI ANGGITANIPUN MANTHOUS.

0 13 142

ANALISIS SEMIOTIK LIRIK LAGU PADA ALBUM LAST CHILD SKRIPSI

9 100 29

Analisis Semiotik terhadap Lagu-lagu dan Video Klip Didi Kempot SKRIPSI Diajukan untuk Memenuhi Salah Satu Syarat Memperoleh Gelar Sarjana Psikologi Program Studi Psikologi

0 0 235