1. Home
  2. Lainnya

Nalaring Pikir KOHESI GRAMATIKAL SAHA LEKSIKAL WONTEN WACANA KUMPULAN “KHOTBAH JANGKEP” ING GKJ (GEREJA KRISTEN JAWA).

61 nedahaken panandha kohesi gramatikal saha leksikal. Mawi metode maos nyemak menika dipuntindakaken kanthi tliti. Wondene teknik nyerat katindakaken dening panaliti kangge nyerat sedaya data ingkang dipunpanggihaken, pundi ingkang kalebet jinis panandha kohesi gramatikal saha leksikal lan menapa fungsinipun panandha kohesi gramatikal saha leksikal. Cara utawi cak-cakan anggenipun ngempalaken data inggih menika : 1. Nyawisaken sumbering data ingkang badhe dipuntliti. Sumbering data wonten panaliten menika, inggih menika “Khotbah Jangkep” wonten ing Gereja Kristen Jawa GKJ wedalan 1 Januari – 31 Maret 2013. 2. Nyemak kanthi cara maos sumbering data saha nemtokaken ukara ingkang ngandharaken bab ingkang dipuntliti adhedhasar kriteria utawi indikator ingkang ngewrat bab panandha kohesi gramatikal saha leksikal. Kanthi maos ingkang premati saha tliti, pramila saged ngempalaken saha saged nemtokaken datanipun. Data menika awujud satuan lingual kadosta tembung, frasa, klausa saha ukara ingkang nedahaken jinis saha fungsi panandha kohesi gramatikal saha leksikal salebeting wacana “Khotbah Jangkep”. Data ingkang ngandharaken jinisipun panandha kohesi gramatikal saha leksikal menika dipunlarasaken kaliyan teori ingkang wonten gegayutanipun. Salajengipun data ingkang dipunpanggihaken menika dipunjumbuhaken kaliyan konteks ukaranipun, salajengipun dipundamel dudutan bab fungsi panandha kohesi gramatikal saha leksikal menika. Teknik maos menika dipuntindakaken kanthi premati, saengga saged manggihaken data ingkang dipunbetahaken wonten ing panaliten. 62 3. Data ingkang kapanggihaken salajengipun dipunserat. Miturut Sudaryanto 1993: 135 ngandharaken bilih cara nyerat dipuntindakaken kanthi cara nyerat data ingkang sampun dipunpanggihaken wonten ing kartu data. Salajengipun data menika dipunkelompokaken. Data ingkang sampun dipunserat wonten kertu data menika dipunpantha-pantha miturut jinis kaliyan fungsi panandha kohesi gramatikal saha leksikal.

D. Pirantining Panaliten

Pirantining panaliten ingkang dipunginakaken wonten ing panaliten inggih menika panaliti piyambak utawi human instrument. Panaliti minangka human instrument amargi peranan panaliti wiwit saking mendhet dumugi nganalisis data. Salajengipun panaliti minangka human instrument ugi kabyantu kaliyan kartu data saha tabel analisis data. Kertu data wonten panaliten menika dipunginakaken amargi kangge nyerat data babagan jinis saha fungsi panandha kohesi ingkang sampun dipunpanggihaken, dene tabel analisis dipunginakaken kangge nglebetaken data ingkang sampun dipunkempalaken wonten ing kartu data . Analisis data wonten panaliten menika kedah jumbuh kaliyan teori ingkang sampun kaandharaken. Wujudipun tabel kertu data kados wonten ing ngandhap menika. Tabel 1. : Kertu Data No. Data 4 KJ EdisiTanggal terbit 1 Januari 2013 Data Gusti Allah tansah setya ing gesang kita. Kita saged pitados bilih Panjenenganipun boten nate mblenjani janji. 63 Jinis Kohesi gramatikal referensi persona Fungsi Kangge nedahaken tiyang ingkang merefer wonten salebeting teks, inggih menika Gusti Allah . Katrangan no : nomer data KJ : Khotbah Jangkep edisi : edisi utawi wedalan wonten ing Khotbah Jangkep data : data awujud wacana ingkang ngewrat panandha kohesi jinis : jinisipun panandha kohesi fungsi : fungsinipun panandha kohesi.

E. Caranipun Nganalisis Data

Cara anggenipun nganalisis data wonten ing panaliten menika kanthi teknik distribusional saha teknik agih. Teknik distribusional inggih menika teknik anggenipun nganalisis basa adhedhasar tingkah laku utawi ciri satuan-satuan lingual tartamtu saha nliti gayutipun kaliyan satuan lingual sanesipun Edi Subroto, 1992: 84. Tahap salajengipun inggih menika data dipunanalisis kanthi teknik agih. Miturut Sudaryanto 1993: 31 panganggening teknik agih menika saged kaperang dados kalih inggih menika teknik dhasar saha teknik lanjutan. Teknik dhasar ingkang dipunginakaken inggih menika kanthi teknik bagi unsur langsung BUL. Dipunsebat teknik bagi unsur langsung BUL amargi wiwitaning cara ingkang dipunginakaken inggih menika kanthi milah-milah

Dokumen yang terkait

at-tamasuk al-mu'jami si "al-manaroh ratahuddats" min kitab al qiroah ar-rosyidah

0 7 88

Al-Tamasik bi al-amtsal al-malufah fi kitab mu'jam rawai' al-hikmah wa al-aqwal al-khalidah

0 11 102

KOHESI GRAMATIKAL DAN LEKSIKAL EDITORIAL THE JAKARTA POST

2 12 163

PIRANTI KOHESI GRAMATIKAL DAN LEKSIKAL PADA WACANA RUBRIK “SELEBRITAS” DALAM MAJALAH FEMINA Piranti Kohesi Gramatikal Dan Leksikal Pada Wacana Rubrik “Selebritas” Dalam Majalah Femina Sebagai Bahan Ajar Menulis Teks Narasi.

0 2 15

PIRANTI KOHESI GRAMATIKAL DAN LEKSIKAL PADA WACANA RUBRIK “SELEBRITAS” DALAM MAJALAH FEMINA Piranti Kohesi Gramatikal Dan Leksikal Pada Wacana Rubrik “Selebritas” Dalam Majalah Femina Sebagai Bahan Ajar Menulis Teks Narasi.

0 1 15

KOHESI GRAMATIKAL DAN LEKSIKAL PADA WACANA PUISI JAWA DALAM KOLOM GEGURITAN HARIAN SOLOPOS EDISI PEBRUARI-MARET 2008.

0 0 6

KOHESI LEKSIKAL DAN GRAMATIKAL LIRIK LAGU WALI DALAM ALBUM CARI JODOH KOHESI LEKSIKAL DAN GRAMATIKAL LIRIK LAGU WALI DALAM ALBUM CARI JODOH.

0 1 16

Pemanfaatan Kohesi Gramatikal dan Leksikal dalam Wacana Tertulis Berbahasa Jepang.

0 2 21

GEREJA KRISTEN JAWA (GKJ) SEMAR

0 0 8

ALIH KODE DAN CAMPUR KODE DALAM KHOTBAH JANGKEP BAHASA JAWA SINODE GEREJA KRISTEN JAWA (Suatu Kajian Sosiolinguistik) - UNS Institutional Repository

0 2 20