Caranipun Ngempalaken Data KOHESI GRAMATIKAL SAHA LEKSIKAL WONTEN WACANA KUMPULAN “KHOTBAH JANGKEP” ING GKJ (GEREJA KRISTEN JAWA).

64 satuan lingual datanipun dados mapinten-pinten perangan utawi unsur, saha unsur-unsur ingkang ingkang gayut kaanggep minangka perangan ingkang mbentuk satuan lingual ingkang dipunmaksud. Teknik lanjutan ingkang dipunginakaken inggih menika teknik substitusi saha teknik lesap delesi. Cara utawi langkah-langkah anggenipun nganalisis data wonten panaliten saged dipuntingali wonten ing ngandhap menika. 1. Data ingkang dipunpanggihaken salajengipun dipunkelompokaken utawi dipunpantha-pantha jumbuh kaliyan wosing perkawis inggih menika jinis saha fungsi panandha kohesi gramatikal saha leksikal wonten salebeting “Khotbah Jangkep” ing Gereja Kristen Jawa GKJ wedalan 1 Januari – 31 Maret 2013. 2. Data ingkang sampun samekta salajengipun dipunanalisis saha dipunandharaken adhedhasar teknik saha teori ingkang dados landhesanipun. 3. Data ingkang sampun dipunanalisis lajeng dipunpendhet dudutanipun bab jinis saha fungsi panandha kohesi gramatikal saha leksikal. Tuladha anggenipun nganalisis data kados wonten ing ngandhap menika. Gusti Allah tansah setya ing gesang kita. Kita saged pitados bilih Panjenenganipun boten nate mblenjani janji. Data 20 KJ 1 Januari 2013 Wonten data 20 ing nginggil menika nedahaken satunggaling jinis panandha kohesi gramatikal referensi. Tembung panjenenganipun miturut jinisipun referensi kalebet referensi persona. Bab menika jalaran tembung panjenenganipun nedahaken satunggaling tiyang, tiyang ingkang dipunmaksud 65 penutur menika merefer wonten salebeting teks. Tembung panjenenganipun menika minangka sesulih pratama purusa pronomina persona III tunggal bebas wonten ing tuturan. Tiyang ingkang dipuntegesaken wonten tuturan kasebat inggih menika Gusti Allah ingkang sampun dipunsebataken ing ukara saderengipun. Tembung panjenenganipun wonten tuturan menika fungsinipun kangge nedahaken satunggaling tiyang inggih menika Gusti Allah, awit sampun wonten andharan ing ukara saderengipun. Saged dipuntingali saking andharan menika bilih wontenipun referensi persona wonten salebeting wacana menika kangge nggayutaken ukara satungal kaliyan ukara sanesipun. Saengga ukara menika padu saha saged nuwuhaken makna ingkang wetah. Data 20 salajengipun dipunanalisis kados ing ngandhap menika. 20 a Gusti Allah tansah setya 20 b ing gesang kita 20 c kita saged pitados bilih Panjenenganipun 20 d mboten nate mblenjani janji Data menika salajengipun dipunanalisis kanthi teknik lesap kados ing ngandhap menika. 20 e Gusti Allah tansah setya ing gesang kita. Kita saged pitados bilih Ø mboten nate mblenjani janji. Tembung sesulih pratama purusa panjenenganipun wonten tuturan ing nginggil kedah wonten utawi wajib hadir, amargi menawi tembung panjenenganipun menika dipunlesapaken, tuturan kasebat mboten nuwuhaken makna ingkang wetah utawi tuturanipun tidak berterima. Analisis ingkang 66 pungkasan data 20 menika dipunuji kanthi teknik substitusi kados ing ngandhap menika. 20 f Gusti Allah tansah setya ing gesang kita. Kita saged pitados bilih panjenenganipun, piyambakipun mboten nate mblenjani janji. Asiling anggenipun nguji kanthi teknik substitusi ing nginggil menika nedahaken bilih tembung sesulih pratama purusa panjenenganipun saged dipungantos kaliyan tembung piyambakipun, amargi tembung panjenenganipun saha piyambakipun gadhah jinis kelas ingkang sami.

F. Cara Ngesahaken Data

Cara ingkang dipunginakaken kangge ngesahahken data wonten panaliten menika kanthi uji validitas saha uji reliabilitas. Uji Validitas ingkang dipunginakaken inggih menika triangulasi teori. Validitas triangulasi teori inggih menika jumbuhaken data asiling panaliten kaliyan teori. Aplikasi triangulasi teori menika caranipun ngesahaken data kanthi ngginakaken perangan tartamtu minangka tetandhingan kaliyan data. Wonten ing panaliten menika ngginakaken triangulasi teori inggih menika gegaran teori minangka pembanding. Tuladhanipun saged dipuntingali wonten ing ngandhap menika. Sang ratu dipun anggep boten sampurna jalaran jempolipun samparan ical satungal. Sang ratu lajeng tumunten kengetan dhateng tetembungan ingkang kapratelakaken dening abdinipun ingkang setya. Data 15 KJ 13 Januari 2013.