49 c. Saben siswa sami mikir ngegingi wangsulan utawi pitakenan saking kertu
kasebut, d. Saben siswa madosi pasanganipun ngginakaken kertu ingkang sampun
dipunbekta kalawau, pasanganipun kertu A saha kertu B, e. Siswa ugi saged nggabung dhateng kalih utawi tigang siswa ingkang gadhah
kertu ingkang jumbuh, f. Siswa ingkang saged njumbuhaken kertunipun kanthi leres jumbuh kaliyan
ingkang cumawis saderengipun gladhen telas, dipunparingi skor, g. Sasampunipun satunggal babak, kertu dipunkocok malih supados siswa saged
pikantuk kertu ingkang beda kaliyan kartu babak saderengipun, h. Kalajengaken lampahing pasinaon menika dipunambali ngantos sedasa babak,
i. Dudutan utawi panutup. Swasana kelas nalika dipunwulang ngginakaken metode make a match
menika sae, para siswa sami mirengaken saha nggatekaken. Ananging wonten siswa ingkang dereng saged maos waosan sinerat mawi aksara Jawa kanthi lancar.
Sasampunipun dipunparingi panjurung dening guru, siswa menika langkung aktif anggenipun sinau maos waosan sinerat mawi aksara Jawa. Ing pungkasaning
pasainaon menika dipunwontenaken tes, inggih menika post-test. Post-test menika ancasipun kangge mangretosi pangretosaning siswa sasampunipun dipunparingi
perlakuan metode make a match. Makaten andharan ngengingi metode make a match wonten panaliten menika. Wondene, andharan metode picture and picture
kaandharaken ingngandhap menika.
50
2. Metode Picture and Picture
Kelas ingkang dipungginakaken kangge nindakaken pasinaon metode picture and picture inggih menika kelas VIII F SMP N 3 Godean. Kathahipun siswa
wonten ing kelas ingkang dipunwulangaken ngginakaken metode picture and picture inggih menika 30 siswa. Saderengipun dipunparingi perlakukan
ngginakaken metode picture and picture, langkung rumihin siswa dipunparingi soal pre-test kangge mengertosi kaprigelen maos waosan sinerat mawi aksara Jawa.
Sasampunipun para
siswa dipunparingi
pre-test, dipunlajengaken
guru ngandharaken materi pasinaon maos waosan sinerat mawi aksara Jawa ngginakaken
metode picture and picture. Metode pasinau picture and picture dipuntindakaken kanthi kelompok. Guru
merang siswanipun dados 8 kelompok. Saben kelompok gadhah tanggel jawab ingkang sami, inggih menika siswa dipundhawuhi ngurutaken gambar-gambar
kasebut kanthi urutan ingkang jangkep saha logis supados saged mujudaken gambar ingkang runtut. Metode pasinaon menika ngginakaken media gambar salebeting
nindakaken pasinaon. Wulangan maos waosan sinerat mawi aksara Jawa ing kelas VIII F menika
ngginakaken metode picture and picture. Wondene urut-urutaning metode picture and picture kaandharaken ing ngandhap menika.
a. Guru ngandharaken kompetensi pasinaon ingkang badhe katuju, b. Ngandharaken materi kanthi bebuka minangka prakawis ingkang wigatos,
c. Guru maringi tuladha gambar-gambar pertanian tradisional, d. Guru ndhawuhi siswa satunggal-satunggal supados ngurutaken gambar-gambar
dados urutan ingkang logis,
51 e. Guru mundhut pirsa dhateng siswa pawadan saking urut-urutanipun gambar,
f. Saking pawadan ngurutaken gambar kasebut, guru miwiti ngandharaken konsep utawi materi adhedhasar kompetensi-nipun,
g. Siswa dipunajak damel dudutan utawi ngringkes materi ingkang sampun kaandharaken.
Swasana kelas nalika dipunwulang ngginakaken metode picture and picture menika radi rame, beda kaliyan kelas ingkang dipunwulang ngginakaken metode
make a match. Ananging, sasampunipun dipunparingi arahan saha panjurung dening guru, para siswa sami samekta ing materi pamulangan amargi samangke
badhe dipunparingi
pitakenan saking
guru. Ing
pungkasan pasinaon
dipunwontenaken tes, inggih menika post-test. Post-test menika ancasipun kangge mangretosi pangretosaning siswa sasampunipun dipunsukani perlakuan metode
picture and picture.
B. Asiling Panaliten
Asilipun panaliten ingkang dipuntindakaken menika ngasilaken skor saha biji kaprigelan maos waosan sinerat mawi aksara Jawa saking kelompok metode
make a match saha kelompok metode picture and picture. Asiling panaliten dipunandharaken wonten ing ngandhap menika.
1. Uji Prasyarat Analisis
Uji prasyarat analisis wonten panaliten menika ngginakaken uji normalitas data saha uji homogenitas data. Wondene andharan ngengingi uji prasyarat
analisis data kaandharaken wonten ngandhap menika.
