143
salêbêting masak janganan sampun ngatos kamatêngên. Awit, bilih kamatêngên mênika atêgês panggodhoging jangan kadangon, kamångkå vitamin wontên
janganan mênika gampil risak manawi kénging bêntèr. Pramilå kanggé njagi vitamin
-ipun supados têtêp wêtah, prayoginipun anggénipun masak sampun ngantos kêmatêngên
http:www.resepbunda.biz20120223menjaga-vitamin- mineral-dalam-sayuran-saat-memasak
, diunduh pada tanggal 11 April 2014, pukul 5.39
. Prakawis ingkang nomêr tigå ugi gayutipun kaliyan vitamin ingkang kawrat
ing wowohan. Manawi wowohan taksih kêmampo atêgês wowohan mênika taksih sêgêr, dipunpurih vitamin-ipun taksih wêtah.
8. Dhukun sajatos
“Tiyang nglampahi lampahing ngèlmu Dåyåprabåwå, manawi sampun dados pon-ponanipun lajêng dados dhukun sajatos, mungguh
anggènipun dados dhukun sajatos, kanggé rumêkså raharjaning bawånå, mitulungi kasusahaning ngagêsang ingkang sami nandhang
gêrah, supados sagêd waluyå saking mêmålå, manawi kasêmbadan kados pangangkahipun dhukun ingkang sajatos.
” kåcå 117-118
Kados andharan ing nginggil, tiyang ingkang sampun nguwaosi ngèlmu Dåyåprabåwå mênikå dados dhukun sajatos. Dhukun sajatos mênikå
dipunkajêngakên sagêd mitulungi kasusahaning ngagêsang ingkang sami nandhang gêrah, supados sagêd waluyå saking mêmålå. Dhukun sajatos ing
andharan mênikå mliginipun dhukun ingkang mantunakên tiyang ingkang gêrah. Wondéné sadèrèngipun sagêd jumênêng dados dhukun sajatos, kêdah
ngatulakên pamardi tigang prakawis. Tigang prakawis kasêbut inggih mênika:
144
“1 mardi bujå, sadintên-dintên manawi botên wontên pakéwuhipun utawi saru, tumandangipun kêdah ngulinakaké sarånå astå kiwå; 2
mardi socå, sadintên-dintên manawi botên wontên pakéwuhipun utawi saru, paningalipun socå kêdah sakatogipun nêmbé kêdhèp, dados botên
kêrêp- kêrêp kêdhèp; 3 mardi uswå, ngulinakakên lampahing napas, panyêdhotipun
kêdah sakatogipun
nêmbé ngêmpus,
dados nglandhungakên ambêgan.
” kåcå 118-119
Prakawis mardi bujå sampun kaandharakên wontên ing nginggil, pérangan
wiwit wêwarah. Mardi bujå mênika kanggé gladhèn supados budi ing pérangan utak têngên kakulinakakên tumandang. Pungkasanipun, sagêd nguwaosi kakiyatan
ingkang ngèbat-èbatakên. Salajêngipun, mardi socå ugi sampun kaandharakên ing pérangan bab tindak tanduk. Wondéné mardi uswå sampun karêmbag ing
pérangan olah napas.
9. Pèngêtan nambani lêlårå
“Manawi dhukun sajatos badhé maringi dåyå kuwarasan dhatêng tiyang ingkang gêrah, botên kénging langkung saking dåyå ingkang
kanggé badanipun piyambak, mungguh mangêrtosi manawi badanipun piyambak sampun gadhah dåyå kakiyatan, katitik saking
kakiyatanipun ngunjal napas. ” kåcå 119-120
Kados ingkang sampun kaandharakên ing nginggil bilih tiyang ingkang
sampun nguwaosi ngèlmu dåyåprabåwå mênikå dados dhukun sajatos. Dhukun sajatos sajatos ing andharan mênikå mliginipun dhukun ingkang mantunakên
tiyang ingkang gêrah. Sinaoså dhukun sajatos sampun kagungan kakiyatan ingkang linangkung, nanging anggènipun maringi dåyå kuwarasan dhatêng tiyang
ingkang gêrah, botên kénging langkung saking dåyå ingkang kanggé badanipun piyambak. Dåyå kakiyatan ingkang dipunginakakên kanggé mantunakên tiyang
145
ingkang gêrah mênikå saking asiling olah napas ingkang dipuntindakakên dhukun sajatos.
Salêbêting olah napas, dhukun sajatos pikantuk dåyå prana saking håwå ingkang dipunsêdhot. Istilah prana mênika asalipun saking filsafat Hindu Kunå
ingkang atêgês energi alam. Dåyå prana kapérang dados tiga, inggih mênika prana
bumi, prana srêngéngé, såhå prana håwå. Mliginipun kanggé mantunakên tiyang ingkang gêrah, dåyå prana ingkang asring kaginakakên inggih mênika
prana håwå. Awit prana håwå langkung gampil dipunkuwaosi såhå langkung
efektif kanggé pengobatan
http:psikologipsikis.blogspot.com201010pengobatan- dengan-tenaga-prana.html
diunduh pada tanggal 3 April 2014, pukul 21.00 Taksih saking sumbêr ingkang sami, dåyå prana kanggé pengobatan
dipunginakakên kanggé deteksi såhå ngicalakên energi negatif ing badan. Salêbêting mantunakên tiyang gêrah, dhukun sajatos nyalurakên dåyå prana
dhatêng pasien utawi tiyang ingkang gêrah. Cårå ingkang dipunginakakên adatipun kanthi ngadhêpakên têlapak astå dhukun sajatos dhatêng tiyang ingkang
gêrah, utawi kanthi nyêpêng titik-titik tartamtu.
