Tapaking mangsi Instrumen Panalitèn

44

F. Keabsahan Data

1. Validitas

Validitas data ing panalitèn mênikå ngginakakên validitas semantik. Validitas semantik dipunginakakên awit sumber data panalitèn mênikå awujud naskah ingkang ngêwrat teks ingkang awujud struktur båså saking mapintên- pintên têmbung, frasa, ukårå, gatrå ingkang ngêwrat satunggal maknå. Validitas semantik ing panalitèn mênikå dipunginakakên kanggé madosi maknå saking data ingkang gayut kaliyan konteks-ipun. Wondéné, cak-cakanipun validitas semantik ing panalitèn mênikå kados tulådhå ing ngandhap mênikå: Transliterasi standar Teks abåså Kråmå Sêrat Ngèlmu Dåyåprabåwå Terjemahan Teks Sêrat Ngèlmu Dåyåprabåwå ... Tangané dhukun sajati loro pisan kagêgêm, kajunjung nganti têkan sadhuwuring sirahé dhéwé, nuli kasolahaké kapêthå buwêngan ... ... Astanipun dhukun sajatos kalih sadåyå kagêgêm, kajunjung ngantos dugi sanginggiling mustakanipun piyambak, lajêng kasolahakên kapêthå buwêngan ... ... Kedua tangan dukun sejati digenggamkan, diangkat hingga setinggi kepala, lalu membentuk setengah lingkaran ... Têmbung buwêngan ing nginggil, miturut Baoesastra Djawa Poerwadarminta, 1939: 55 têgêsipun kubênging cakran, 1 cakran, bundêran, 2 plêngkungan. Pramilå, adhêdhasar konteks ukaranipun, têgêsipun têmbung buwêngan ingkang jumbuh kaliyan konteks ukaranipun, dipun-terjemah-akên dados setengah lingkaran.

2. Reliabilitas

Kanggé ngukur reliabilitas data panalitèn mênikå ngginakakên reliabilitas intrarater såhå interater. Reliabilitas intrarater, inggih mênikå maos kanthi dipunambali makaping-kaping satêmah data ingkang dipunasilakên ajêg. 45 Reliabilitas interarter, inggih mênikå reliabilitas antawisipun satunggaling panalitèn kaliyan panaliti sanès, inggih mênikå nyuwun pamrayogi såhå panyaruwé saking tiyang ingkang sampun ahli ing bidang-ipun. Panaliti ngawontênaken pirêmbagan ngéngingi data-data ingkang sampun dipunasilakên dhatêng dosen pembimbing minångkå ahli ing bidang-ipun. 46

BAB IV ASILING PANALITÈN SÅHÅ PANGRÊMBAGIPUN

A. Inventarisasi Naskah Sêrat Ngèlmu Dåyåprabåwå

Inventarisasi naskah Sêrat Ngèlmu Dåyåprabåwå ing panalitèn mênikå dipunlampahi kanthi studi katalog såhå pengamatan langsung utawi mangêrtosi piyambak kawontênaning naskah. Studi katalog dipunlampahi kanthi maos ngginakakên katalog kanggé madosi kawontênaning naskah. Katalog ingkang dipunginakakên kanggé studi katalog mênikå gunggungipun wontên ênêm. Wondéné irah-irahaning katalog-katalog ingkang dipunginakakên kanggé studi katalog sampun kaandharakên ing bab III pérangan teknik ngêmpalakên data panalitèn mliginipun pérangan inventarisasi naskah. Sasampunipun nindakakên studi katalog, lampahing inventarisasi naskah Sêrat Ngèlmu Dåyåprabåwå salajêngipun, inggih mênikå pengamatan langsung utawi mangêrtosi piyambak wujuding naskah. Pengamatan langsung naskah dipuntindakakên kanthi mangêrtosi piyambak kawontênaning naskah ing papan panyimpêning naskah. Saking asiling inventarisasi naskah Sêrat Ngèlmu Dåyåprabåwå kapanggihakên bilih gunggunging naskah Sêrat Ngèlmu Dåyåprabåwå namung satunggal eksemplar. Naskah kasêbut kasimpên ing Perpustakaan Sonobudoyo, Yogyakarta. Sasanèsipun gunggunging naskah, saking asiling inventarisasi naskah ugi sagêd dipunmangêrtosi andharan ngéngingi papan panyimpêning naskah såhå irah-irahaning naskah. Wondéné asiling andharanipun inventarisasi naskah Sêrat 47 Ngèlmu Dåyåprabåwå mênikå kasêrat wontên ing ngandhap mênikå. Naskah Sêrat Ngèlmu Dåyåprabåwå mênikå kapanggihakên ing kalih katalog , inggih mênikå Katalog Induk Naskah-naskah Nusantara, Jilid I Behrend, 1990 kaliyan Katalog Induk Naskah-naskah Nusantara Fakultas Sastra UI Jilid 3-A Behrend, 1997. Saking kalih katalog mênikå sagêd dipunpanggihakên katrangan ngéngingi papan panyimpêning naskah, inggih mênikå wontên ing Perpustakaan Museum Sonobudoyo, Yogyakarta.

B. Deskripsi Naskah Sêrat Ngèlmu Dåyåprabåwå

Sumber data ingkang dipunginakakên ing panalitèn mênikå naskah Sêrat Ngèlmu Dåyåprabåwå ingkang kasimpên ing Perpustakaan Museum Sonobudoyo, Yogyakarta. Kawontênaning naskah såhå teks Sêrat Ngèlmu Dåyåprabåwå kaandharakên wontên tabel ngandhap mênikå. Tabel 4: Asiling deskripsi naskah Sêrat Ngèlmu Dåyåprabåwå No. Katrangan Naskah Sêrat Ngèlmu Dåyåprabåwå 1. Nomer kodeks PBC 194 2. Papan panyimpênipun Perpustakaan Museum Sonobudoyo, Yogyakarta 3. Manggala - 4. Kolofon - 5. Kawontênanipun naskah Naskah taksih sae. Jilidanipun taksih kêncêng. Sêratanipun taksih sagêd dipunwaos. 6. Jinis bahan naskah Dlancang 7. Gunggungipun larik sabên kåcå 24 larik