99
Gambar 27: Donga dening bapak Sutikja doc. Feby
Donga ingkang dipunpandhegani dening bapak Sutikja menika gadhah ancas supados adicara Labuhan menika lancar dumugi pungkasanipun adicara
saha supados menapa ingkang dados panyuwunanipun warga Paranggupita menika saged kasembadan.
d. Labuhan
Saksampunipun ndedonga dipunlajengaken adicara Labuhan. Labuhan menika dipunwiwiti kanthi mlampah saking pendhopo seganten Sembukan
ingkang minangka papan kangge pasrah tinampi sesaji labuhan tumuju wonten ing sakpnggiripun seganten Sembukan. Lampahipun bapak Suprihono menika
dipunapit dening bapak Suliya kaliyan bapak Sucipta.ing ngandhap menika gambar para paraga upacara ingkang nembe mlampah tumuju wonten ing
seganten Sembukan. Andharan ing nginggil jumbuh kaliyan pratelanipun informan 01 ing ngandhap menika.
100 “labuhan kuwi diwiwiti saka bar diwacane ikrar terus bar kuwi mlaku neng
sakpinggire segara sembukan, sing mimpin pangombyong ganti aku, amarga aku sing arep nglabuhne…” CLW 01
Labuhan menika dipunlampahi wonten ing sakpinggiripun seganten
Sembukan. Lampahipun para paraga upacara ingkang mbeta jodhang sesaji, kutug saha sedaya pangombyong tumuju wonten ing sakpinggiripun seganten
Sembukan menika dipunpandhegani dening bapak Suprihono minangka juru kunci seganten Sembukan.
Gambar 28: Lumampah tumuju wonten ing seganten doc. Feby 1
Rayahan Gunungan
Rombongan panglabuh menika kendel wonten ing sakpinggiripun seganten Sembukan. Saksampunipun dumugi ing pinggiring seganten Sembukan, jodhang
gunungan ingkang dipunbeta dening bapak Sardi, bapak Wakino, bapak Sukatman, saha bapak Suroyo dipunrayah dening warga masyarakat ingkang
mirsani upacara labuhan ageng menika. Warga masyarakat ingkang mirsani upacara labuhan ageng menika biasanipun warga masyarakat ingkang dalemipun
wonten ing sakcelakipun seganten Sembukan. Andharan ing nginggil jumbuh kaliyan pratelanipun informan 01 ing ngandhap menika.
101 “…Bar tekan pinggir segara sembukan mandheg, gunungan sing digawa
mau dadi rayahane wong-wong sing nonton lan sing gelem, biasane warga masyarakat sakkiwa tengen segara Sembukan
sing nonton…” CLW 01 Sesaji ingkang dados rayahan warga masyarakat ingkang mirsani inggih menika
sesaji gunungan ingkang dipundamel saking wowohan saha janganan. Ing ngandhap menika gambar warga masyarakat ingkang ngrayah sesaji gunungan.
Gambar 29: Warga sami rayahan gunungan doc. Feby 2
Nglabuh Sesaji
Adicara saklajengipun inggih menika nglabuh sesaji. Sakderengipun sesaji menika dipunlabuh, bapak Suprihono ngaturaken sesaji ingkang badhe
dipunlabuh menika dhumateng Kanjeng Ratu Kidul. Andharan ing nginggil jumbuh kaliyan pratelanipun informan 01 ing ngandhap menika.
“…Sakbanjure rampung anggone rayahan gunungan wowohan mau, sesaji sing arep dilabuh mau tak pasrahke menyang Kanjeng Ratu Kidul, bar tak
pasrahke terus paraga sing kajibah nglabuh sesaji sing dilabuh mau njupuk sesajine saka jodhang terus sesaji mau dilabuh neng segara.” CLW 01
Ancasipun dipunaturaken rumiyin inggih menika supados Kanjeng Ratu
Kidul menika mangertos bilih warga Paranggupito menika sampun suka sesaji saha pangajab supados Kanjeng Ratu Kidul menika kersa paring pambiyantu