125 menika remenipun ngginakaken pupur viva menika. andharan menika jumbuh
kaliyan pratelanipun informan 01 ing ngandhap menika. “pupure kuwi kudu nganggo pupur viva sing plastikan, amarga menurut
kepercayaan leluhur kuwi senengane nganggo pupur kuwi.” CLW 01 Pupur menika ugi gadhah satunggaling pralambang. Pupur ingkang
gandanipun wangi menika gadhah pralambang saha pangajab supados pahargyan ingkang dipunlampahi menika ngasilaken paedah ingkang sae kados dene
gandanipun pupur ingkang wangi. Andharan menika jumbuh kaliyan pratelanipun informan 05 ing ngandhap menika.
“pupur niku supaya membuat aroma yang baik, dadi dimaksudkan agar pertunjukan tersebut membuat aroma yang
harum atau baik.” CLW 05 Andharan ing nginggil ugi dipunsengkuyung pratelanipun informan 07 ing
ngandhap menika. “pupur niku namung nglambangke sarana wewangen ngaten.” CLW 07
f. Teh
Teh menika satunggaling sesaji ingkang dipunginakaken wonten ing sesaji dhalang. Teh ingkang dipunginakaken inggih menika teh cemeng, amargi
miturut kapitadosanipun warga Paranggupito, leluhur menika remenipun ngunjuk teh cemeng. Andharan menika jumbuh kaliyan pratelanipun informan
01 ing ngandhap menika. “yen teh kuwi, masyarakat kene iseh percaya yen leluhur kuwi seneng
ngombe wedang teh ireng mula dikeki sesajen teh.” CLW 01 Teh menika ugi gadhah satunggaling pralambang. Pralambangipun inggih
menika supados tiyang menika teteh anggenipun ngendika. Andharan menika jumbuh kaliyan pratelanipun informan 07 ing ngandhap menika.
126 “teh niku supados teteh anggene ngomong ngaten.” CLW 07
Andharan ing nginggil ugi dipunsengkuyung pratelanipun informan 05 ing ngandhap menika.
“jadi teh itu dimaksudkan supaya orang-orang itu teteh atau lancar ngomonge.” CLW 05
“dados teh menika gadhah maksud supados tiyang-tiyang menika teteh utawi lancar ngendikanipun.” CLW 05
g. Sedhah
Sedhah menika satunggaling sesaji ingkang dipunginakaken wonten ing sesaji dhalang. Sedhah menika dados pralambang raos ingkang tunggal, ateges
sinaosa beda beda tiyang ananging raosipun menika sami. Andharan menika jumbuh kaliyan pratelanipun informan 05 ing ngandhap menika.
“nek digigit padha rasane nek didulu beda rasane, jadi melambangkan meskipun berbeda-
beda tetapi satu rasa” CLW 05 Andharan ing nginggil dipunsengkuyung pratelan informan 07 ing ngandhap
menika. “suruh niku nglambangke tunggal rasane.” CLW 07
Andharan ing nginggil dipunsengkuyung pratelanipun Pringgawidagda 2006: 43 ingkang nedahaken bilih sedhah menika ngemu teges manunggalipun
rasa, kados dene godhong sedhah ingkang beda wujudipun antawisipun nginggil kaliyan ngandhapipun ananging setunggal rasanipun.
E. Paedah Upacara Labuhan Ageng
Upacara labuhan ageng wonten ing seganten Sembukan, Desa Paranggupito, Kabupaten Wonogiri menika upacara ingkang taksih rutin dipuntindakaken
dening warga masyarakat Desa Paranggupito saben malem setunggal Sura.
