126 “teh niku supados teteh anggene ngomong ngaten.” CLW 07
Andharan ing nginggil ugi dipunsengkuyung pratelanipun informan 05 ing ngandhap menika.
“jadi teh itu dimaksudkan supaya orang-orang itu teteh atau lancar ngomonge.” CLW 05
“dados teh menika gadhah maksud supados tiyang-tiyang menika teteh utawi lancar ngendikanipun.” CLW 05
g. Sedhah
Sedhah menika satunggaling sesaji ingkang dipunginakaken wonten ing sesaji dhalang. Sedhah menika dados pralambang raos ingkang tunggal, ateges
sinaosa beda beda tiyang ananging raosipun menika sami. Andharan menika jumbuh kaliyan pratelanipun informan 05 ing ngandhap menika.
“nek digigit padha rasane nek didulu beda rasane, jadi melambangkan meskipun berbeda-
beda tetapi satu rasa” CLW 05 Andharan ing nginggil dipunsengkuyung pratelan informan 07 ing ngandhap
menika. “suruh niku nglambangke tunggal rasane.” CLW 07
Andharan ing nginggil dipunsengkuyung pratelanipun Pringgawidagda 2006: 43 ingkang nedahaken bilih sedhah menika ngemu teges manunggalipun
rasa, kados dene godhong sedhah ingkang beda wujudipun antawisipun nginggil kaliyan ngandhapipun ananging setunggal rasanipun.
E. Paedah Upacara Labuhan Ageng
Upacara labuhan ageng wonten ing seganten Sembukan, Desa Paranggupito, Kabupaten Wonogiri menika upacara ingkang taksih rutin dipuntindakaken
dening warga masyarakat Desa Paranggupito saben malem setunggal Sura.
127 Upacara tradhisi ingkang warisanipun nenek moyang menika gadhah paedah
ingkang saged dipunraosaken generasi jaman sakmenika mliginipun warga masyarakat Desa Paranggupito minangka masyarakat panyengkuyung. Adicara
labuhan ageng menika gadhah paedah tumrap warga masyarakat. Paedah ingkang saged dipunraosaken masyarakat Paranggupito menika saged
dipungolongaken dados sekawan, antawisipun paedah wonten ing bidang kabudayan, sosial, ekonomi, saha pariwisata. Saking panaliten ingkang sampun
dipunlampahi, pramila paedah-paedah menika saged dipunandharaken wonten ing ngandhap menika.
1. Paedah Bidang Tradhisi
Upacara labuhan ageng menika satunggaling wujud nguri-uri kabudayan ingkang dipunwarisaken leluhur ing jaman rumiyin. Wonten ing bidang tradhisi,
upacara labuhan ageng menika gadah satunggaing paedah. Paedahipun inggih menika kanthi wontenipun upacara tradhisi ingkang dipunlampahi saben warsa
menika saged damel satunggaling upacara adat ingkang arupi upacara labuhan ageng menika lestantun. Andharan menika jumbuh kaliyan pratelan informan 03
ing ngandhap menika. “manfaate kuwi isa nguri-uri kebudayaan nenek moyang...” CLW 03
Andharan ing nginggil ugi dipunsengkuyung pratelanipun informan 06 ing ngandhap menika.
“menurut saya, lauhan itu kan sebuah tradisi dari jaman leluhur, dari jamane mbah-mbah dulu sudah diadakan yang namanya labuhan itu, dan
sampai sekarang masyarakat masih mempercayainya, jadi manfaatnya itu ya bisa nguri-uri atau mempertahankan tradisi itu i
stilahnya.” CLW 06