175
Gambar 23: Kirab doc. Feby
Sakwingkingipun para pengapit inggih menika jodhang sesaji labuh ingkang dipunbeta dening bapak Sugeng, bapak Tumino, bapak Sutopo,
saha bapak Purwadi. Wonten ing wingkingipun bapak-bapak ingkang mbeta jodhang sesaji ingkang dipunlabuh menika dipundherekaken bapak bapak
ingkang mbeta jodhang gunungan. Bapak-bapak ingkang mbeta jodhang sesaji gunungan inggih menika bapak Sardi, bapak Wakino, bapak
Sukatman, saha Bapak Suroyo. Sakwingkingipun jodhang gunungan inggih menika para putri ingkang mbeta dupa ratus. Putri menika dipunpendhet
saking para siswi SMA Paranggupito ingkang cacahipun sedasa. Lampahipun kirab menika ugi dipundherekakaen dening pangombyong
saking manekawarni paguyuban, antawisipun inggih menika : 1.
Sedaya Kepala Desa wonten ing Kecamatan Paranggupito sarimbit 2.
Dinas Instansi a.
SMA : 5 tiyang
b. SMP
: saben SMP dipunpendhet 5 tiyang c.
UPT : 35 tiyang
d. Puskesmas
: 3 tiyang e.
KUA : 3 tiyang
f. Kecamatan
: 7 tiyang g.
Desa Paranggupito : saben RT dipunpendhet 10 tiyang
176 3.
LPKK Paranggupito 4.
Saben setunggal Desa ing Kecamatan Paranggupito dipunpendhet sedasa tiyang
d. Pasrah saha tampi sesaji
Saksampunipun lampahan kirab saking gerbang ngajeng seganten sembukan, rombongan kirab menika jumeneng ing ngajeng pendhopo
seganten Sembukan ingkang sampun dipuntengga dening rombongan ingkang badhe narima sesaji. Saksampunipun sedaya paraga kirab sampun
jumeneng, bapak Sriyono minangka subamanggala menika masrahaken ubarampe sesaji ingkang sampun dipunbeta kirab kala wau. Ubarampe
sasajinipun inggih menika arupi gunungan, sesaji ingkang dipunlabuh arupi tumpeng wuduk, ingkung, sirah, suku saha buntut sapi saha kutug.
a Pasrah ubarampe
Paraga ingkang kajibah masrahaken ubarampe labuhan inggih menika bapak Sriyono. Ing ngandhap menika atur pasrah sesaji dening bapak
Sriyana. Assalamualaikum Wr. Wb
Dhumateng kepala pemerintah kabupaten Wonogiri ingkang kawula hurmati,
ingkang dalu
menika taksih
wonten perjalanan,
panjenenganipun para sesepuh saha pinisepuhingkang dahat satuhu kinabekten, panjenenganipun bapa kepala dinas seKecamatan
Paranggupito ingkang kawula hurmati, panjenenganipun para lenggah, para tamu ingkang boten saged kawula sebat setunggal mboko
setunggal sarta warga masyarakat ing Kecamatan Paranggupito ingkang dhahat bagya mulya.
Sakderengipun kawula matur dhumateng ngarsanipun panjenengan sami, mangga kawula dherekaken ngaturaken puja puji syukur
dhumateng ngarsanipun pangeran ingkang Maha Agung awit saha berkah, rahmat saha inayahipun kita sekaliyan saged makempal
manunggal wonten ing pantai sembukan menika kanthi adicara larungan
ageng. Saklajengipun
hanetepi napa
ingkang dipundhawuhaken warga masyarakat Kecamatan Paranggupito ing
dalu menika kawula ngaturaken sedaya uborampe, sesaji ingkang minangka uborampe panyuwunan dhumateng ngarsanipun Gusti
177 ingkang Maha Agung. Saklajengipun dhumateng bapa Suliya ingkang
kawula hurmati, ing ratri menika malem 1 Muharram 1435H kawula ngaturaken sedaya uborampe sesaji minangka uborampe panyuwunan
dhumateng ngarsanipun Gusti ingkang Maha Agung. Mugi-mugi kanthi sarana menika menapa ingkang dados panyuwunanipun warga
masyarakat saged kasembadan. Saklajengipun hambokbilih wonten kekiranganipun uborampe kawula nyuwun pangapunten sanget.
Saklajengipun, kawula pasrahaken dhumateng bapa Suliyo.
Mbokbilih menkaten ingkang kawula aturaken, menawi wonten klenta klentunipun kula nyuwun pangapunten.
Wabillahitaufik Walhidayah Wasalamualaikum. Wr. Wb
Gambar 24: Pasrah sesaji dening bapak Sriyono doc. Feby
b Panampi Sesaji
Paraga ingkang kajibah nampi sesaji inggih menika bapak Suliyo, S.Pd. jumenengipun bapak Suliyo menika dipunapit dening bapak Suparmo saha
bapak Heri. Ing ngandhap menika atur panampi sesaji dening bapak Suliyo, S.Pd.
Assalamualaikum Wr. Wb Kasarasan, kawilujengan, kabahagyan mugi tansah kasandhing wonten
panjenengan sedaya ingkang menika angrawuhi upacara larung ageng ing dalu menika.
Jumbuh kaliyan kuncaraning bangsa ingkang tansah angesthi sumangga kawula dherekaken tansah manengkupuja astawa puja astuti
178 konjuk wonten ing ngarsa dalem Gusti Purboningrat ingkang tansah
paring daya dhumateng panjenengan sedaya. Mugi ing sedya ing dalu menika wiwit ing madya ngantos wusananipun kali sing sambikala.
Matur nuwun dhumateng panjenenganipun bapa Sriyono wonten ing kalodhangan menika minangka minangka pangarsaning kirabing
pasrah sesaji wonten ing adicara larung ageng ing dalu menika. uborampe sesaji sampun kawula tampi ingkang menika boten kesupen
kawula ngaturaken agunging panuwun awit sengkuyungan, daya-daya upacara labuhan ageng kula leksanakaken. Nyuwun tambahing berkah
pangestu mugi-mugi sepi ing alangan kalis saking sedaya bebaya, karaharja sedayanipun ingkang menika murih lampahing sedya,
sembada ing karsa, wanci menika kawula nyuwun dhumateng bapa Sucipta mugi enggal kaikrarna menapa ingkang dados niat, khajat para
warga masyarakat Paranggupito ugi Wonogiri sakcekapipun kawula aturaken. Sumangga.
Gambar 25: Panampi pasrah sesaji dening bapak Suliyo, S.Pd doc. Feby
a. Ikrar
Ingkang angka gangsal inggih menika Ikrar dening bapak Sucipta,S.Pd. Ikrar menika ancasipun kangge ngandharaken menapa kemawon ingkang
dados pangajabipun masyarakat Kecamatan Paranggupito. Sesaji ingkang sampun dipundamel menika minangka sarana raos syukur dhumateng
ngarsanipun Gusti Ingkang Maha Kuasa awit sampun paring kanugrahan dhumateng warga masyarakat Paranggupito. Lumantar sesaji ingkang
dipunsedekahaken menika warga masyarakat Paranggupito gadhah
179 panyuwunan mugi Gusti tansah kepareng paring pangayoman dhumateng
warga Paranggupito. Sesaji ingkang dipundamel menika ugi kangge sarana mangayubagya
warsa enggal 1 Muharam 1435 H. Mugi lumantar sesaji menika warga masyarakat Paranggupito tansah pikantuk pangayoman saking Gusti
Ingkang Maha Kuwaos, kalis ing rubeda lir ing sambikala, jumbuh ingkang sampun ginayuh, sembada ingkang dipunsedya, saha tansah gesang ayem,
tentrem bagya mulya. Ikrar ingkang dipunandharken dening bapak Sucipto dipuntranskripaken wonten ing ngandhap menika.
Assalamualaikum Wr Wb Konjuk dhumateng pak camat Paranggupito lan para kadang sedaya
ingkang sampun kepareng rawuh wonten ing laladan samudra kidul mriki. Sumangga sareng-sareng ngaturaken puji syukur wonten ing
ngarsanipun Gusti ingkang maha kuwaos knthi pangajab mugi-mugi panggayuh panjenengan saged kasembadan lumantar kawula ingkang
badhe ngikraraken menapa ingkang dados sedyanipun panjenengan sedaya. Sumangga ngeningaken penggalih konjuk ngarsanipun Gusti
Ingkang Maha Kuwaos nun inggih Allah SWT kula badhe ngikraraken.
Para sesepuh, pinisepuh lan para rawuh sedayanipun sampun kawekan dhumateng panjenengan sami, ing kalenggahan punika warga
masyarakat Paranggupito ngewehaken sesaji, dene sesaji kala wau inggih
namung sarana
menika, menapa
ingkang dados
panyuwunanipun sageda kasembadan. Dene ingkang angka sepisan, sesaji kala wau minangka obyeking raos sukur dhumateng ngarsanipun
Gusti ingkang maha kuwaos, dene ingkang sampun paring kanugrahan ingkang sampun kaparingaken dhumateng para warga masyarakat
Paranggupito. Kanthi panyuwunan mugi-mugi gusti ingkang maha kuwaos taksih kepareng paring warawegra dhumateng warga
masyarakat Paranggupito. Ingkang angka kalih, sesaji kala wau minangka sarana mangayubagya warsa enggal 1 Muharam 1435H dene
mekaten, warga masyarakat parang tansah pikantuk pangayoman saking Gusti Ingkang Maha Kuwaos, kalis ing rubeda lir ing
sambikala, jumbuh ingkang sampun ginayuh, sembada ingkang dipunsedya, ingkang saklajengipun gesang ayem, tentrem bagya mulya
mugi tansah kasandhing warga masyarakat Paranggupito.
Para pinisepih, para aji sepuh ingkang kawula hurmati, saksampunipun larungan ageng, murih kasembadan sedya menika konjuk dhumateng