satungaling usaha kangge ngrampungaken perkawis ingkang saweg kalampahan. Pamrayogi gadhah ancas kangge mbangun saha nglulawentah
dhateng perkawis tartemtu. Saking panaliten ingkang katindakaken, ing ngandhap menika badhe katerangaken data ingkang ngewrat fungsi pamrayogi.
24 Fenomena alam sepisan iki kena diarani hangabehi saindenging
bawana . Belahan bumi sisih lor adhem njekut kliwat-kliwat, sing sisih
kidul panas banget ngliwati wates. Dene ing Indonesia meh kabeh kebyukan udan deres, Gunung Sinabung bledhos sarta lindhu ing
Jawa sisih kidul. Kabeh kedadeyan bareng meh sagledhegan. Mesthi wae kanggo mitulungi para kurban mbutuhake dana, tenaga
medis lan panggonan sing ora sethithik lan becike teroganisir. Ora mung perorangan
. DL: 17PS 62014
Wacana ing inggil menika nedahaken hubungan makna kausalitas ingkang
gadhah fungsi pamrayogi. Makna sebab inggih menika penandhang ing saweg kedadosan ing bumi menika. Lajeng makna akibat saged dipuntingali saking
ukara candhakipun ingkang nerangaken bilih kangge mitulungi korban-korban bebendu menika mbetahaken dana, tenaga medis saha panggenan ingkang
saenipun saged teroganisir. Fungsi pamrayogi wacana nginggil menika gadhah titikan bilih
pangangening tembung ‘becike’ menika gadhah teges pamrayogi. Pamrayoginipun inggih menika bentuk penanganan ingkang teroganisir, dados
pambiyantu ingkang awujud dana, tenaga, saha panggenan pengungsian kedah wonten pihak ingkang bertanggungjawab.
Data salajengipun saged dipunwaos ing ngandhap menika.
20 Pancen ora gampang ngurus jamaah haji kita sing nggayuh wong 175.000. Butuh pengurusan sing kompleks wiwit administrasi,
transportasi, pemondhokan, jaminan kesehatan, ketering, pengaturan ibadahe lsp
. DL: 58PS 242014
Hubungan makna kausalitas saged dipuntingali saking ukara pisanan
ingkang nedahaken makna sebab saha makna akibat wonten ing ukara kaping kalih. Wacana menika gadhah fungsi pamrayogi, titikanipun tuturan menika
minangka solusi ingkang asipat lemah. Solusi ingkang dipunserat menika boten kedah dipuntindakaken, anaging saenipun dipuntindakaken kangge mbangun
sistem kepengurusan haji ingkang sae saengga para jamaah haji saged ngraos seneng.
d. Fungsi Pangajeng-Ajeng
Fungsi pangajeng-ajeng inggih menika satunggal tuturan ingkang
dipunkajengaken, pangangen-angen supados saged dado kasunyatan, saha tiyang ingkang dipunkajengakendipunpatados. Saking pamanggih menika
saged katingal bilih titikanipun wacana ingkang ngewrat pangajeng-ajeng inggih menika tuturan ingkang ngerrat pamanggih dhatang salah satunggaling
bab ingkang dipunkajengaken. wacana ingkang ngewrat pangajeng-ajeng adatipun nggambaraken pangajab dhatang kahanan ingkang langkung sae.
pangajeng-ajeng menika wujud saking satunggaling bab ingkang dados pangajab supados saged kalaksanan. Saking panaliten ingkang katindakaken
ing ngandhap menika badhe katerangaken fungsi hubungan makna kausalitas ingkang ngewrat fungsi pangajeng-ajeng.
25 Semono uga yen transportasi massal kaya sepur bisa kita garap,
lalu lintas penumpang lan barang dadi saya lancar utamane ing luar jawa
saengga perekonomian kita bakal saya maju kanthi signifikan. DL: 32PS 122014
Wacana ing inggil menika nedahaken hubungan makna kauslitas ingkang gadhah fungsi pangajeng-ajeng. Titikanipun inggih menika makna sebab saged
dipuntingali saking tuturan ‘yen transportasi massal kaya sepur bisa kita garap
,’ lajeng makna akibatipun inggih menika ‘lalu lintas penumpang lan barang dadi saya lancar utamane ing luar jawa
saengga perekonomian kita bakal saya maju kanthi signifikan
.’ Saking tuturan ingkang ngewrat makna akibat
salebeting wacana nginggil menika gadhah fungsi pangajeng-ajeng, inggih menika lalu lintas penumbang saha barang saged saya lancar mliginipun
ing luar Jawa saha saged paring pangaribawa tumrap perekonomian kita. Data
salajengipun saged dipunwaos ing ngandhap menika. 26
Lagi wae kita nyathet yen taun 2013 wingi kita kasil swasembada beras. Lan kita rada ayem, sawetara ora perlu impor beras. Nanging
Jebul ing wulan Januari kita kebyukan bencana: banjir bandhang, gunung mbledhos lan lindhu. Musibah mau njalari kapitunan sing
ora baen-baen.
Sawah-sawah sing kelem nganti atusan hektar, sebagian gedhe pusa. Petani tuna nganti milyaran lan padha ngarep-
ngarep bantuan pamerintah wujud winih lan modhal kanggo ngolah sawah meneh.
DL: 21PS 82014 Data
ing nginggil menika ngewrat hubungan makna kausalitas kanthi fungsi pangajeng-ajeng. Makna sebab saking data kasebut saged dipuntingali
wonten ing ukara kaping tiga ingkang ngandharaken bilih bebendu ingkang saweg dumados ing sasi januari menika inggih menika banjir bandhang,
gunung mbedhos saha lindhu. Lajeng perangan ingkang nedahaken makna akibat
wonten ing ukara candhakipun inggih menika ‘musibah mau njalari kapitunan sing ora baen-baen.
Ukara candhakipun ugi awujud akibat ingkang dipuntuwuhaken saking wontenipun bebendu menika, inggih
menika ‘sawah-
