ingkang sampun dipunsukani tandha wonten ing kertu data. Salajengipun data menika dipunkelompokaken. Data ingkang sampun dipunserat wonten kertu data
menika dipunpantha-pantha miturut wosing wacana, fungsi wacana saha pola hubungan makna kausalitas
.
D. Pirantining Panaliten
Pirantining panaliten ingkang dipunginakaken kangge manggihaken data ing panaliten menika inggih menika tabel analisis data ingkang kabiyantu kertu data.
Pamilihing kertu data ing panaliten menika kangge nyerat data ingkang sampun kapanggihaken saha badhe dipunanalisis. Data ingkang dipunserat wonten kertu
data menika namung wacana ingkang ngandharaken bab hubungan makna
kausalitas adhedhasar wosing wacana, fungsi hubungan makna kausalitas saha
pola hubungan makna kausalitas ingkang dipunpanggihaken.
Wondene tabel analisis data dipunginakaken kangge nganalisis data saking kertu data. Data ingkang sampun dipunanalisis kedah jumbuh kaliyan teori
ingkang sampun kaandharaken ing gegaran teori. Kangge nemtokaken hubungan makna kausalitas
wonten Rubrik Pangudarasa kalawarti Panjebar Semangat wedalan Januari-Juni 2014 panaliti kedah mangertos gegayutan proposisi
setunggal kaliyan propisisi sanesipun nedahaken hubungan makna kausalitas.
Tabel 1. Format Kertu Data No. Data
2 Edisi
No. 2 11 Januari 2014 Data
Kita gatekake yen persiapan kita ngadhepi SEA Games iki pas-pasan yen ora arep dikandhakake
kurang banget. Jurungan dana saka pamerintah uga rendhet. Contone para pemanah kepeksa
tuku dhewe peralatane panah gendhewa lsp merga dana janjine pemerintah durung
mudhun.
Jinis HMK Olahraga
Fungsi HMK
Informatif Pola
HMK eksplisit
Katrangan: No. Data
: Urutaning data Edisi
: Nomer wedalan Kalawarti Panjebar Semangat Data
: Data ingkang dipunpanggihaken Jinis HMK
: PolitikSosialEkonomiBudayaMiliterHukum saha KriminalitasOlahraga
saha KasarasanPendhidhikan. Fungsi
HMK : Fungsi InformasiPanyaruwePamrayogiPangajeng-ajeng.
Pola HMK
: Pola Hubungan Makna Kausalitas eksplisitimplisit.
E. Caranipun Nganalisis Data
Analisis data ingkang dipunginakaken inggih menika analisis deskriptif. Cara menika kangge nggambaraken, ngandharaken saha mahyakaken asiling panaliten
kanthi menapa wontenipun. Analisis deskriptif dipunginakaken kangge ngandharaken hubungan makna kausalitas adhedhasar wosing wacana, fungsi
wacana saha pola hubungan makna kausalitas ing Rubrik Pangudarasa wonten ing kalawarti Panyebar Semangat wedalan Januari-Juni 2014.
Tahap analisis deskriptif ingkang dipuntindakaken ing panaliten menika kanthi cara identifikasi, klasifikasi, tabulasi lajeng nganalisis data hubungan
makna kausalitas HMK wonten Rubrik Pangudarasa kalawarti Panjebar
Semangat wedalan Januari-Juni 2014. Cara saha andharan anggenipun nganalisis
data wonten panaliten saged dipuntingali wonten ngandhap menika:
1. Tahap identifikasi inggih menika ngidentifikasi data-data ingkang sampun
dipunserat ing kertu data adhedhasar wosing prekawis inggih menika kangge manggihaken jinis wacana ingkang ngewrat hubungan makna kausalitas
adhedhasar wosing wacana, fungsi wacana saha pola hubungan makna kausalitas
ing Rubrik Pangudarasa wonten ing kalawarti Panjebar Semangat wedalan Januari-Juni 2014.
2. Tahap klasifikasi data inggih manika data dipunpantha-pantha miturut jinis
wacana HMK adhedhasar wosipun, fungsi HMK saha pola HMK Rubrik Pangudarasa. Bilih data kasebut sampun dipunpantha-pantha miturut wosing
prekawis. Data ingkang boten jumbuh kaliyan wosing prekawis dipunreduksi tegesipun ngicalaken data. Data ingkang dipunanalisis inggih menika data
ingkang jumbuh kaliyan wosing prekawis panaliten menika. 3.
Tabulasi, tegesipun ngandharaken data ingkang jumbuh kaliyan wosing prekawis wonten ing tabel analisis data.
4. Data ingkang sampun dipunanalisis lajeng dipunandharaken, saking asiling
pirembagan menika lajeng dipunpendhet dudutan. Data dipunanalisis mawi