65 “Aku ora dhong je Mas. Sing sebenere piye ta kuwi?” Darmini takon.
“Cah ki nek cah lugu. Yan gene iki sing tak pilih. Aku ora kleru milih Dhik Dar. Wis ayu, kuning, luwes, setya bekti…, adhuh,” pangeleme Salim
kandheg jalaran lengene dijiwit Darmini. Wedhus Gembel Gunung Merapi:89.
Nalika Salim cariyos babagan pagesanganipun nalika dereng sesandhingan kaliyan Darmini ingkang boten sae, Darmini malah boten paham menapa ingkang
dipunngendikaken kaliyan Salim, menika amargi Id dereng pikantuk pangaribawa saking lingkungan satemah taksih menapa wontenipun.
i. Narima
Narima asalipun saking tembung trima ateges nampi kalawan panuwun Poerwadarminta 1939: 621. Narima ateges saged nampi kanthi panuwun
menapa ingkang sampun dados lelampahipun saking Gusti. Priyantun ingkang saged narima bakal rumaos ayem tentrem ing pagesangan amargi boten rumaos
kekirangan saha tebih saking watak iri. Watak Darmini ingkang nedahaken narima ketingal saking pethikan makaten.
Karo nyelehake gawane Darmini mangsuli, “Ya kae wonge dipethuk Darto. Mengko takonana dhewe, ta Mbok, piye genahe. Jane wae, aku ya isih
tIdha-tIdha piye mengko dadine. Ning nek jane aku ya wis seneng. Kaya aku iki arep milih kaya apa, diparingi jodho dening Gusti Allah rak ya mung kudu
matur nuwun. Mangka ketoke ya jujur. Wedhus Gembel Gunung Merapi:44. Menawi dipunnalar Id saged gadhah pepenginan pikantuk jodho ingkang
langkung sae tinimbang Salim, ananging Superego saged paring pertimbangan bilihh sampun diparingi kedahipun inggih narima. Lajeng Ego saged mendhet
keputusan ingkang sae kanthi narima menapa ingkang sampun diparingi Gusti kanthi panuwun.
66 Tuladha sanes ingkang nedahaken Darmini ingkang saged narima inggih
menika. “Kahananku bocah wadon ora ayu,
Mlaku kethingklangan, Ora pinter ora lantip,
Bocah desa kapan urip ra rekasa. Hem njur kapan kuwi? Sing jeneng rekasa lan ora kuwi sejatine rak neng
ati. Kahananku saiki kuwi rekasa karo ora rak manut sing ngarani. Sanadyan aku luwih seneng yen kahananku luwih apik tinimbang saiki, nanging aku wis
matur nuwun karo Gusti Allah, marga kahanan iki luwih becik tinimbang dhek aku cilik,” mangkono batin atine Darmini. Wedhus Gembel Gunung
Merapi:85.
Id mesthi kepengin pikantuk kahanan ingkang langkung sae tinimbang samenika ananging Superego saged nahan amargi samenika taksih langkung sae
tinimbang rumiyin nalika Darmini alit. Satemah Ego saged narima kanthi raos panuwun marang Gusti.
Taksih wonten malih pethikan ingkang nedahaken Darmini ingkang narima. “Sing jeneng Pak Duryat ki kaya ngapa ta Mas? Wong kok le sak enake
dhewe,” Darmini banjur nyawang Salim kanthi mesra lan nglendhot neng pundhake Sal
im, “Tujune bojoku kuwi apikan, tanggung jawab. Ora sugih, ya wis ben, ning aku wis mantep.” Wedhus Gembel Gunung Merapi:137.
Saking pethikan menika Id mesthi pengin gadhah garwa ingkang sugih kados
Pak Duryat ananging Ego saged narima saking pertimbangan Superego Darmini boten pikantuk garwa kados Pak Duryat ingkang watakipun boten sae.
j. Ingin Tahu
